Suqabarma enerjisi

Suqabarma və çəkilmə enerjisi — ay və günəşin cazibə qüvvəsi təsiri ilə yaranan okeanlarda və okeanik su hövzələrində qabarma-çəkilmə prosesləri nəticəsində yer dəyişdirən su kütlələrinin malik olduğu kinetik və potensial enerjinin ikinci dərəcəli enerjiyə çevrilməsi şəklində elektirik enerjisinin istehsalı mənbəyi.

Bu enerjini elektrik enerjisinə çevirmək məqsədilə, geniş şəkildə istifadə edilən üsullardan biri uyğun yerləşimli qoyların girişinin bənd və ya anbar vasitəsilə bağlanmasıdır. Qabarma zamanı su anbara toplanır və çəkilmə baş verdikdən sonra suyun səviyyəsində yaranan hündürlük fərqindən istifadə edilərək turbinlər işə salınır və nəticədə elektrik enerjisi istehsal olunur.

Qabarma-çəkilmə hadisələri 24,8 saatlıq dövrlə təkrarlanır. Bu isə enerjini nizamlı bir enerji mənbəyinə çevirir. Lakin enerji istehsal müddətinin gündə təxminən 6-12 saatla məhdud olması bu metodun əsas çatışmazlıqlarından biridir.

Qabarma-çəkilmə enerjisi, suyun potensial enerjisinin təxminən 80%-ni elektrik enerjisinə çevirmə qabiliyyətinə malikdir.Bu göstərici, onu günəş və külək enerjisi kimi digər alternativ enerji mənbələri ilə müqayisədə daha yüksək məhsuldarlığa malik bir enerji növü kimi önə çıxarır.