Qara-Həmid döyüşü

Xorasan və Türküstan yürüşlərini uğurla başa vurub Təbrizə qayıtdıqdan bir müddət sonra Şah İsmayıl Diyarbəkr hakimi Məhəmməd xan Ustaclıdan yeni bir məktub aldı. Bu məktubda Məhəmməd xan, Osmanlı sultanı Sultan Bəyazidin oğlu Şəhzadə Səlimin Səfəvi səltənətini qərb sərhədləri boyunca yaratdığı narahatlıqlardan xəbər verilirdi.

Məhəmməd xanın yazdığına görə, Şəhzadə Səlim böyük sayda qoşun toplayaraq Mustafa paşa ilə birlikdə Qarahəmid qalası üzərinə hücum etmişdi. Həmin vaxt Məhəmməd xan Ustaclı xəstə olduğundan onun qardaşı Qaraxan 10–12 min nəfərlik qoşun dəstəsi ilə Osmanlı qoşunlarının qarşısına çıxmasına icazə vermişdi. Bundan sonra Qara xan Osmanlı ordusuna böyük zərbə vurmuşdu. Qara xanın sərhədi keçdiyini öyrənən Mənbələrin məlumatına görə, sultan qoşunları niyyətlərinə nail ola bilməyərək geri qayıtmaq məcburiyyətində qalmışdılar.^[9] Bu əməliyyat cəmi 15 gün çəkmişdi. Şah İsmayıl bu xəbərdən son dərəcə qəzəbləndi və Məhəmməd xana göndərdiyi məktubunda ondan tələb etdi ki, Şəhzadə Səlimin yenidən Səfəvi sərhədlərinə hücum edəcəyi təqdirdə dərhal ona xəbər göndərsin. Şah İsmayıl bəyan etdi ki, şəxsən özü gələrək Osmanlı sultanının oğlunun qarşısını kəsəcək və onun başının dərisini soyub çıxaracaqdır.^[10][11] Bununla belə, Şah İsmayıl Osmanlı sultanına məktub yazmağı da məqsədəuyğun saydı. Həmin məktub və qiymətli hədiyyələr Süleyman Yasavula verildi ki, elçi kimi Sultan sarayına yollansın, məktub və hədiyyələri Osmanlı Sultanına çatdırsın. Hədiyyələrə Əbülxeyir xandan götürülmüş qənimətin bir hissəsi, Çingiz xan ələminin bir parçası, Əbülxeyir xanın qana bulanmış taxtının qərqərəsi daxil idi.

Xülasə, Mehman Süleymanov və Namiq Musalının qeydlərinə diqqətlə baxdıqda döyüşdə Səlimin iştirak etmədiyi, sadəcə Mustafa Paşanı göndərdiyi bəlli olur. Əlavə olaraq bu döyüş haqqında mübahisəli nüanslar çoxdur. ^[12]

Urfa döyüşü (1514)
Diyarbəkir döyüşü (1519)