QARAYEV BABA MANAF oğlu
| Baba Manaf oğlu Qarayev | |
|---|---|
| Doğum tarixi | |
| Doğum yeri | Bakı şəhəri |
| Vəfat tarixi | |
| Vəfat yeri | bakı şəhəri |
| Elmi dərəcəsi | geologiya-mineralogiya elmləri doktoru |
Qarayev Baba Manaf oğlu 1931-ci ildə Bakı şəhərində anadan olmuşdur. 1954-cü ildə mühəndis-geofizik ixtisası üzrə Azərbaycan Sənaye İnstitutunun (hazırda ADNSU) geologiya-kəşfiyyat fakültəsini bitirmişdir. Əmək fəaliyyətinə 1954-cü ildə Dəniz Geofiziki Kəşfiyyat İdarəsinin dəniz-seysmik partiyalarında böyük radiotexnik, mühəndis-operator, mühəndis-interpretator ixtisasında başlamış, 1956-cı ildən 1964-cü ilə qədər quru seysmik partiyalarda mühəndis işləmişdir. 1964–1965-ci illərdə Qarayev B.M. Neftqazçıxarma İdarəsi yanında Azərbaycan Elmi-Tədqiqat Geofizika İnstitutunun geofizika şöbəsində, 1965-ci ildən isə Azərbaycan Elmi-Tədqiqat Geologiya İnstitutunda böyük elmi işçi, laboratoriya müdiri olmuşdur.
1970-ci ildə Qarayev B.M. Azərbaycan SSR-in quruda İQT seysmik üsulunun tətbiqi, istifadəsinin səmərəli üsulunun işlənib hazırlanması və geoloji təsirinin analizi” mövzusunda namizədlik, 1996-cı ildə isə “Azərbaycanın mürəkkəb quruluşlu neft-qazlı rayonlarında seysmik kəşfiyyatın geoloji səmərəliliyinin artırılması” mövzusunda doktorluq dissertasiyalarını müdafiə etmişdir.
AzET Geofizika İnstitutunda “Məkan geofizikası” laboratoriyasına rəhbərlik etmişdir. Elmi tədqiqat sahəsi neft və qazın seysmik kəşfiyyatının metodik məsələləri, Azərbaycanın mürəkkəb quruluşlu neft-qazlı rayonlarının dərinlik quruluşunun öyrənilməsi üçün yeni qayda və texnologiyaların işlənib hazırlanması, ikiölçülü və üçölçülü seysmik kəşfiyyat üsullarının inkişafı və təkmilləşdirilməsidir.
Onun iştirak etdiyi müxtəlif kompleks seysmogeoloji şəraitdə olan bir sıra neftli-qazlı strukturlar ayrılmış və dəqiqləşdirilmiş, Azərbaycanın quru hissələrində keçilməz bataqlıq sahələrinin geoloji quruluşunun öyrənilməsi üçün yeni seysmik kəşfiyyat texnologiyası işlənib hazırlanmış və tətbiq olunmuşdur.
Qarayev B.M. istiqamətləndirilmiş dalğaların tənzimlənməsinin (İQT) seysmik üsulunun mənimsənilməsi, inkişafı və istehsalatda geniş tətbiqinin və Azərbaycanda yüksək səmərəli üçölçülü qaydanın geniş profildə yayılmasının pioneridir. O, uzun illər mürəkkəb seysmogeoloji şəraitdə qrafik və kompüter üsulu ilə qəlın işlərinin səmərəli texnologiyasının və materialların interpretasiyası qaydalarının işlənib hazırlanması üzərində işləmişdir.
1997-ci ildən Qarayev B.M. geoloji kəsilişdə neft yataqlarının mövcud olmasını dəyərləndirən qeyri-adi üsulun işlənməsi üzərində işləmişdir. Qarayev B.M. 40 qalın elmi əsərin, sahə və məkan seysmik kəşfiyyatı üzrə 7 kəşfin müəllifidir.