Qaralama:Məmməd Əli Nasir

Məmməd Əli Nasir
Digər adı	Məmmədəli Nəsirov
Ləqəbi	Nasir
Doğum tarixi	22 mart 1931
Doğum yeri	SSRİ Azərbaycan Şamaxı şəhəri Qobustan Rayonu Cəmcəmli kəndi
Vəfat tarixi	3 noyabr 2008 (77 yaşında)
Vəfat yeri	Şamaxı şəhəri
Vəfat səbəbi	Avtomobil qəzası
Dəfn yeri	Cəmcəmli kənd qəbirstanlığı
Dəfn tarixi	03.11.2008
Vətəndaşlığı	SSRİ Azərbaycan
Milliyyəti	Azərbaycan
Dini	İslam
Fəaliyyəti	azərbaycanlı publisist, yazıçı, dramaturq və redaktor
Fəaliyyət illəri	1952–2008
Mükafatları

Məmməd Əli Nasir (tam adı: Məmmədəli Nəsirov; 22 mart 1931, Cəmcəmli kəndi, Qobustan rayonu, Azərbaycan SSR – 2 noyabr 2008, Şamaxı rayonu, Azərbaycan) — azərbaycanlı publisist, yazıçı, dramaturq və redaktor. “Qızıl qələm” mükafatının laureatıdır.

Məmməd Əli Nasir 1931-ci ildə Qobustan ,rayonunun Cəmcəmli kəndində anadan olmuşdur. Kiçik yaşlarından ədəbiyyata maraq göstərmişdir. Orta təhsilini kənd məktəbində başa vurduqdan sonra Şamaxı şəhərində pedaqoji məktəbdə təhsil almış və həmin məktəbi fərqlənmə ilə bitirmişdir. Bir müddət müəllim kimi fəaliyyət göstərmişdir.

Sonralar Bakı Dövlət Universitetinin Jurnalistika fakültəsinə daxil olmuşdur. Universitetdə təhsil aldığı illərdə dövri mətbuatda dərc olunan ədəbi-bədii publisistik məqalələri ilə tanınmışdır. Ali təhsilini bitirdikdən sonra Bakı Ali Partiya Məktəbində oxumuş və oranı əla qiymətlərlə başa vurmuşdur. Sonrakı dövrdə müxtəlif məsul vəzifələrdə çalışmışdır. Yaradıcılığı Məmməd Əli Nasir publisistika, nəsr və dramaturgiya sahələrində fəaliyyət göstərmişdir. Onun “Hərb və hikmət”, “Maksim və Kornac”, “Aşıq Nemət Dərbəndi” kimi əsərləri oxucular tərəfindən maraqla qarşılanmışdır.

Gürcü klassiki Şota Rustavelinin “Pələng dərisi geymiş pəhləvan” epik poemasından bəhrələnərək yazdığı “Taryel” mənzum pyesi SSRİ-nin bir sıra respublikalarında tamaşaya qoyulmuşdur. Uzun müddət teatr repertuarında yer alan bu tamaşanın səhnələşdirilməsində quruluşçu rejissor Yusif Bağırov, respublikanın xalq artisti Cahangir Cahangirov və digər tanınmış sənət xadimləri iştirak etmişlər.

Məmməd Əli Nasir eyni zamanda mətbuat sahəsində də fəal olmuş, Ucarda “Yeni söz”, Şamaxıda “Yeni Şirvan”, Bakıda isə “Komminist qəzetlərində baş redaktor kimi çalışmışdır.Məmməd Əli Nasir xalq təbabəti sahəsində də tanınmışdır. 1991-ci ildən etibarən Azərbaycan Respublikası Səhiyyə Nazirliyi sistemində nəşr olunan “Loğman” qəzetinin baş redaktoru kimi fəaliyyət göstərmişdir. O, xalq təbabətinin öyrənilməsi, toplanması və təbliği sahəsində mühüm işlər görmüşdür.

Onun “Əbədi şəfa xəzinəsi” adlı kitabı bu sahədə əhəmiyyətli mənbələrdən hesab olunur. Həmçinin rus xalq təbabətinə aid “150 resept”i Azərbaycan dilinə tərcümə edərək “Şəfa peyğəmbəri” adlı kitab şəklində nəşr etdirmişdir.

Əsərləri

• Səmavi səyahət
• Qobustan-namə
• Tarixi oçerklər
• Əbədi şəfa xəzinəsi

Mükafatları "Qızıl qələm" mükafatı

Məmməd Əli Nasir 2008-ci ildə avtomobil qəzası nəticəsində vəfat etmişdir.