Qurban Qurbanov hücumçu mövqeyində oynamış keçmiş Azərbaycan futbolçusudur. O, hazırda Ağdamın "Qarabağ" klubunun (2008-ci ildən) baş məşqçisidir.[1]
Qurbanov, Azərbaycan milli futbol komandasının ən məhsuldar ikinci oyunçusudur. Keçmiş hücumçu, 1992–2005-ci illərdə çıxış etdiyi Azərbaycan millisin heyətində ümumilikdə 68 oyun keçirib,[Qeyd 1] 14 qol[Qeyd 2] vurub.[2][3][4][5][6][7]
Qurbanov 1992-ci il sentyabrın 17-də Gürcüstanla səfərdə keçirilən yoxlama oyununda Azərbaycan milli futbol komandasının heyətində debüt edib.[8] O, matçın 46-cı dəqiqəsində Mahmud Qurbanovu əvəzləyib.[8][9] Qurbanov millinin heyətində sonuncu oyununa 7 sentyabr 2005-ci ildə DÇ-2006-nın seçmə mərhələsi çərçivəsində Bakıda Avstriya ilə keçirilən qarşılaşmada çıxıb.[2][3]
Qurbanovun milli komandada ilk qolu 1993-cü ilə təsadüf edir. İyunun 8-də İranın paytaxtı Tehranda keçirilən beynəlxalq turnirdə Azərbaycan 21 yaşadək futbolçulardan ibarət Qazaxıstan yığma komandası ilə qarşılaşırdı.[8][10] Qurbanov görüşün 14-cü dəqiqəsində hesabı açır, 41-ci dəqiqədə isə ikinci qolu qazaxların qapısından keçirir.[8] Qarşılaşma 3:3 hesabı ilə başa çatır.[8] Bu oyun Qurbanov üçün millidə qol hesabını açması və dubl etməsi ilə əlamətdar olur.
Qurbanov millidə növbəti qolunu Farer adaları ilə keçirilən yoldaşlıq oyununda vurur. 1996-cı il fevralın 27-də Kiprdə keçirilən görüşdə (3:0) Qurbanov komandasının 3-cü qoluna imza atıb.[8][11]
Həmin ilin mayında isə Qurbanov millidə 4-cü qolunu vurur. Bu, Belarusla yoldaşlıq oyununda (2:2) gerçəkləşir. Matçın 46-cı dəqiqəsində kapitan Nazim Süleymanovu əvəzləyən Qurbanov 53-cü dəqiqədə fərqlənir.[8][12]
Qurbanov 1997-ci ilin martında Türkmənistanla Bakıda keçirilən yoldaşlıq oyununda da rəqibi məyus etməyi bacarır. O, 3:0 hesabı ilə qalib gəldikləri matçın 88-ci dəqiqəsində son nöqtəni qoyur.[8][13]
Avro-2000-in seçmə mərhələsində səfərdə Lixtenşteynlə keçirilən oyunda da Qurbanov fərqlənir. O, 1:2 hesablı məğlubiyyətdə təsəlli qolunu vurur.[8][14]
Qurbanov növbəti qol sevincini Estoniya ilə yoldaşlıq matçında yaşayıb. O, 2:2 hesablı bərabərliklə bitən qarşılaşmanın 1-ci dəqiqəsində rəqibi məyus edib.[8][15]
Avro-2000-nin seçmə mərhələsində Lixtenşteynlə Bakıda keçirilən görüş də Qurbanov üçün əlamətdardır. O, səfərdəki matçda olduğu kimi, "Tofiq Bəhramov"da da rəqib qapısına yol tapmağı bacarır. 4:0 hesablı qələbədə ilk qolu Qurbanov vurur.[8][16]
Artıq millinin əsas qol silahına çevrilən Qurbanov Avro-2004-ün seçmə mərhələsində də komandasına öz töhfəsini verir. O, 2003-cü ilin 12 fevralında səfərdə Serbiya və Çernoqoriya ilə keçirilən görüşün qəhrəmanı olur. Yığması 0:2 hesabı ilə geridə olan zaman matçın 58 və 77-ci dəqiqələrində qol vuran hücumçu komandasını məğlubiyyətdən xilas edərək millisinə bir xal qazandırır.[17] Qurbanov bu rəqiblə Bakıda keçirilən oyunda da toru silkələməyi bacarır.[8][18]
Qurbanov 2004-cü ildə Moldova, Özbəkistan və Latviya ilə keçirilən yoxlama oyunlarının hərəsində bir qol vurur.[8][19][20][21]
Azərbaycanın qolları ilk sırada göstərilmişdir.
.svg){kind=small}
|
|
|
- ↑ Qurbanovun milli komandanın heyətində keçirdiyi 68 oyundan 2-si FİFA tərəfindən tanınmayıb: Azərbaycan 3:3 Qazaxıstan (21 yaşlılar) və Azərbaycan 2:0 Kipr (21 yaşlılar).[2]
- ↑ Qurbanovun milli komandanın heyətində vurduğu 14 qoldan 2-si FİFA tərəfindən tanınmayıb: Azərbaycan 3:3 Qazaxıstan (21 yaşlılar) (dubl edib).[2]
- ↑ "Azərbaycanın "Qarabağ" futbol klubu "Neftçi"nin keçmiş baş məşqçisi ilə müqavilə bağlayıb". Trend.az. 14 Noyabr 2017 tarixində arxivləşdirilib.
- 1 2 3 4 "Gurban Gurbanov - Goals in International Matches". Rsssf.com. 20 Noyabr 2017 tarixində arxivləşdirilib.
- 1 2 "Football PLAYER: Qurban Qurbanov". Eu-football.info. 20 Noyabr 2017 tarixində arxivləşdirilib.
- ↑ "QURBAN QURBANOV AZƏRBAYCAN MİLLİSİNİN BAŞ MƏŞQÇİSİ TƏYİN OLUNUB". CBC.az. 20 noyabr 2017 tarixində orijinalından arxivləşdirilib. İstifadə tarixi: 20 noyabr 2017.
- ↑ "Qurban Qurbanov Azərbaycan millisinin baş məşqçisi təyin olunub". Apa.az. 20 noyabr 2017 tarixində orijinalından arxivləşdirilib. İstifadə tarixi: 20 noyabr 2017.
- ↑ "Qurban Qurbanov 43 yaşında". Sportal.az. 20 noyabr 2017 tarixində orijinalından arxivləşdirilib. İstifadə tarixi: 20 noyabr 2017.
- ↑ "ATV kanalının Qurban Qurbanov haqqında süjeti. 2005-ci il 25 sentyabr. Həftəsonu proqramı". Sportpress.az. 4 dekabr 2017 tarixində arxivləşdirilib. İstifadə tarixi: 4 dekabr 2017.
- 1 2 3 4 5 6 7 8 9 10 11 12 13 "Bombardirin millimizə qayıdışı". Qol.az. 13 noyabr 2017 tarixində orijinalından arxivləşdirilib. İstifadə tarixi: 13 noyabr 2017.
- ↑ "Football MATCH: 17.09.1992 Georgia v Azerbaijan". Eu-football.info. 13 noyabr 2017 tarixində orijinalından arxivləşdirilib. İstifadə tarixi: 13 noyabr 2017.
- 1 2 3 "Football MATCH: 08.06.1993 Kazakhstan* v Azerbaijan". Eu-football.info. 14 Noyabr 2017 tarixində arxivləşdirilib.
- 1 2 "Football MATCH: 27.02.1996 Azerbaijan v Faroe Islands". Eu-football.info. 16 Noyabr 2017 tarixində arxivləşdirilib.
- 1 2 "Football MATCH: 27.05.1996 Belarus v Azerbaijan". Eu-football.info. 15 noyabr 2017 tarixində orijinalından arxivləşdirilib. İstifadə tarixi: 15 noyabr 2017.
- 1 2 "Football MATCH: 22.03.1997 Azerbaijan v Turkmenistan". Eu-football.info. 15 noyabr 2017 tarixində orijinalından arxivləşdirilib. İstifadə tarixi: 15 noyabr 2017.
- 1 2 "Football MATCH: 14.10.1998 Liechtenstein v Azerbaijan". Eu-football.info. 16 Noyabr 2017 tarixində arxivləşdirilib.
- 1 2 "Football MATCH: 06.03.1999 Azerbaijan v Estonia". Eu-football.info. 15 noyabr 2017 tarixində orijinalından arxivləşdirilib. İstifadə tarixi: 15 noyabr 2017.
- 1 2 "Football MATCH: 05.06.1999 Azerbaijan v Liechtenstein". Eu-football.info. 16 Noyabr 2017 tarixində arxivləşdirilib.
- 1 2 3 "Gurbanov earns surprise point". UEFA.com. 18 noyabr 2017 tarixində orijinalından arxivləşdirilib. İstifadə tarixi: 18 noyabr 2017.
- 1 2 "Ismaylov the toast of Azerbaijan". UEFA.com. 17 Noyabr 2017 tarixində arxivləşdirilib.
- 1 2 "Football MATCH: 31.03.2004 Moldova v Azerbaijan". Eu-football.info. 18 Noyabr 2017 tarixində arxivləşdirilib.
- 1 2 "Football MATCH: 28.05.2004 Azerbaijan v Uzbekistan". Eu-football.info. 18 Noyabr 2017 tarixində arxivləşdirilib.
- 1 2 "Football MATCH: 06.06.2004 Latvia v Azerbaijan". Eu-football.info. 18 Noyabr 2017 tarixində arxivləşdirilib.