Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalənin ensiklopedik tələblərə cavab vermədiyinə dair şübhələr var. |
Rövşən Əliyev uzun illərdir Azərbaycan Qızıl Aypara Cəmiyyətində müxtəlif vəzifələrdə çalışmışdır. Onun fəaliyyəti əsasən humanitar missiyaların həyata keçirilməsi, əhalinin sosial müdafiəsi, təbii fəlakətlər və fövqəladə hallar zamanı yardım işlərinin təşkili ilə bağlıdır. O, həmçinin Beynəlxalq Qızıl Xaç və Qızıl Aypara Hərəkatı prinsiplərinin Azərbaycanda tətbiqində aktiv iştirak etmiş, beynəlxalq təşkilatlarla əməkdaşlığın genişləndirilməsində rol oynamışdır. Azərbaycan Qızıl Aypara Cəmiyyətinin fəaliyyətində dövlət qurumları, yerli icmalar və beynəlxalq tərəfdaşlarla əlaqələrin qurulmasında, AzQAC-ın proqram və layihələrinin icrasında (sağlamlıq, gənclər və könüllülük fəaliyyəti, sosial rifah və fövqəladə hallar üzrə hazırlıq sahələrində) yaxından iştirak edir.
| Rövşən Əlipaşa oğlu Əliyev | |
|---|---|
 | |
| Doğum tarixi | |
| Doğum yeri | Bakı, Azərbaycan |
| Atası | Əlipaşa Hacıvәli oğlu Əliyev |
| Anası | Həqiqət Məcid qızı Əliyeva |
| Fəaliyyəti |
Azərbaycan Qızıl Aypara Cəmiyyəti Vitse-prezident [1] |
| Mükafatları | Tərəqqi medalı |
Rövşən Əliyev humanitar və təşkilati fəaliyyətləri ilə tanınır; 2015-də dövlət təltifi alıb, 2023-cü ildə vitse-prezident kimi ictimai bəyanatlarla çıxış edib, 12 mart 2025-ci ildə yenidən Baş Məclisin qərarı ilə AzQAC-ın vitse-prezidenti seçilib və hazırda da bu vəzifəni icra edir.
Azərbaycanın humanitar sahəsində çalışan şəxslərdən biri olan Rövşən Əlipaşa oğlu Əliyev uzun illərdir ki, Azərbaycan Qızıl Aypara Cəmiyyətində (AzQAC) səmərəli fəaliyyət göstərir. O, sosial rifah, humanitar yardım, fövqəladə hallarda əhalinin müdafiəsi və beynəlxalq humanitar prinsiplərin tətbiqi sahəsində xüsusi xidmətləri ilə tanınır.
Atası, Əliyev Əlipaşa Hacıvəli oğlu[2] 1933-cü ildə Qazax rayonunun Aşağı Əskipara kəndində doğulub. 1960-cı ildə Azərbaycan Dövlət Nəşriyyatının ictimai-siyasi elmlər şöbəsində redaktor işləyib. 1963-cü ildə Azərbaycan Politexnik İnstitutunun (Azərbaycan Texniki Universiteti) professoru olub. 1967-ci ildə "İncəsənət və din" mövzusunda namizədlik, 1985-ci ildə "Mənəvi mədəniyyət və din" mözusunda doktorluq dissertasiyalarını müdafiə edib. 10 kitabın, 2 metodik vəsaitin, 100-dən çox elmi məqalənin müəllifidir.
Rövşən Əliyev 7 mart 1966-cı ildə Bakı şəhərində ziyalı ailəsində anadan olmuşdur. 1973–1983-cü illərdə Bakı şəhəri 52 saylı orta məktəbdə təhsil almışdır. 1983–1991-ci illərdə Azərbaycan Politexnik İnstitutunda radio-texnika ixtisası üzrə ali təhsilini davam etdirmişdir. 1985–1987-ci illərdə Rövşən Əliyev Sovet Ordusunda həqiqi hərbi xidmətini yerinə yetirmişdir.
Təhsilini və hərbi xidmətini tamamladıqdan sonra Rövşən Əliyev 1988–2002-ci illər arasında müxtəlif sahələrdə fəaliyyət göstərmişdir. 2002-ci ildə Azərbaycan Qızıl Aypara Cəmiyyətinə qoşulmuş və aşağıdakı vəzifələrdə çalışmışdır:
- 2002–2005: Azərbaycan Qızıl Aypara Cəmiyyətinin Nəsimi Rayon Komitəsində ictimaiyyətlə əlaqələr üzrə koordinator.
- 2005–2007: Cəmiyyətin baş qərargahında ictimaiyyətlə əlaqələr üzrə koordinator.
- 2007–2012: Azərbaycan Qızıl Aypara Cəmiyyətinin prezidentinin müşaviri.
- 2012–2018: Azərbaycan Qızıl Aypara Cəmiyyətinin aparat rəhbəri.
- 2018-dən indiyədək: Azərbaycan Qızıl Aypara Cəmiyyətinin XXV və XXVII Baş Məclislərində vitse-prezident vəzifəsinə seçilmişdir və hazırda bu vəzifədə çalışır.[3][4] O, həmçinin AzQAC İdarəetmə şurasının üzvüdür.
2015-ci ildə Rövşən Əliyev Azərbaycan Respublikasının Prezidenti İlham Əliyevin imzaladığı sərəncamla ölkənin sosial-humanitar inkişafına verdiyi töhfələrə görə Tərəqqi medalı[5][6] ilə təltif olunmuşdur[7].
Rövşən Əliyev həmçinin bir neçə elmi-publisistik kitabın redaktorudur:
Bundan əlavə, sosial və humanitar mövzularda çoxsaylı məqalələrin müəllifidir.
- ↑ "Arxivlənmiş surət". 14 mart 2024 tarixində arxivləşdirilib. İstifadə tarixi: 2 iyun 2025.
- ↑ "AZƏRBAYCAN MİLLİ ENSİKLOPEDİYASI". ensiklopediya.gov.az. İstifadə tarixi: 5 iyun 2025.
- ↑ "Prezident Administrasiyasının nümayəndələri Azərbaycan Qızıl Aypara Cəmiyyətində olub - FOTOLAR". qht.az (az.). 2 iyun 2025 tarixində arxivləşdirilib. İstifadə tarixi: 5 iyun 2025.
- ↑ "Novruzəli Aslanov yenidən Azərbaycan Qızıl Aypara Cəmiyyətinin prezidenti seçilib". azertag.az (az.). İstifadə tarixi: 5 iyun 2025.
- ↑ "E-QANUN". e-qanun.az (az.). İstifadə tarixi: 5 iyun 2025.
- ↑ "Azərbaycan Qızıl Aypara Cəmiyyətinin bir qrup əməkdaşının "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2 iyun 2025 tarixində arxivləşdirilib. İstifadə tarixi: 5 iyun 2025.
- ↑ "Qızıl Aypara Cəmiyyətinin əməkdaşları təltif edildi - SİYAHI". Lent.az (az.). İstifadə tarixi: 5 iyun 2025.
- ↑ Aslanov, Novruz. Azərbaycan Qızıl Aypara Cəmiyyəti - Zamanın Axarında (az.). Bakı. 2010. ISBN 99523233333.
- ↑ Aslanov, Novruz. Mərhəmətin ünvanı (az.). Bakı: Azərnəşr. 2015.