Rəddül-Muxtar (ərəb. ردّ المحتار) — Məhəmməd ibn Abdullah ət-Timurtaşinin "Tənvirül-Əbsər"inə Həskəfi tərəfindən yazılan "əd-Dürrül-Muxtar" adlı şərhinə İbn Abidinin yazdığı haşiyə.[1] Əsər "İbni-Abidin" adı ilə məşhurlaşmışdır.[2]
| Rəddül-Muxtar | |
|---|---|
| ərəb. ردّ المحتار | |
| Müəllif | İbn Abidin |
| Mövzu | fiqh |
| Orijinalın dili | ərəb dili |
| Ölkə | Osmanlı dövləti |
Əsər beş cilddən ibarət olub, Hənəfi fiqhində ən qiymətli və faydalı əsərlərdən hesab olunur.[2] Əsərdə "əd-Dürrül-Muxtar"dakı ifadələri izah edilib, səhih, mötəmət, zəif və tənqid edilən fikirlərə eyham vurulub, hökmlərin sübutları tədqiq edilib və daha əvvəl həll edilməmiş məsələlər həll edilməyə çalışılıb. Həmçinin əsərdə müraciət olunan əsərlərdəki səhvlər də düzəldilib. Müəllif əsərin yazılmasında demək olar ki, bütün Hənəfi mənbələrdən bəhrələnmişdir.
Əsər türkcəyə tərcümə edilmiş olub, müxtəlif tarix (h.q. 1272, h.q. 1286, h.q. 1299, 1994–1998 və s.) və yerlərdə (Bulaq (Misir), İstanbul, Qahirə, Beyrut və s.) dəfələrlə nəşr edilmişdir.[3]
- ↑ "Reddü'l-Muhtâr". TDV İslâm Ansiklopedisi. 5 yanvar 2026 tarixində arxivləşdirilib. İstifadə tarixi: 5 yanvar 2026.
- 1 2 Mikail, Rəfail. Dəlilləri ilə İslam fiqhi (az.). Bakı: Şərq-Qərb. 2014. 227. ISBN 978-9952-489-89-7.
- ↑ Özel, Ahmet. "İbn Âbidîn, Muhammed Emîn". TDV İslâm Ansiklopedisi. 1999. 5 yanvar 2026 tarixində arxivləşdirilib. İstifadə tarixi: 5 yanvar 2026.