Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinRik Qrayms (ing. Rick Grimes) — "The Walking Dead" komikslərinin baş uydurma qəhrəmanı. Televiziya serialının doqquz mövsümündə onu aktyor Endrü Linkoln canlandırıb. Personaj yazıçı Robert Kirkman və rəssam Toni Mur tərəfindən yaradılmış və ilk dəfə komiksin 2003-cü ildəki nəşrində peyda olmuşdur. Qəsəbənin şerif köməkçisi olan Rik atışmada ölümcül yaralanır və bu səbəbdən komaya düşür, o özünə gələndə dünyanın "yeriyən ölülər" tərəfindən zəbt edildiyinin şahidi olur.
| Rik Qrayms | |
|---|---|
 Endrü Linkolnun teleserialda ifa etdiyi və komiksdəki Rik Qrayms | |
| İlk görünmə |
|
| Son görünmə |
|
| Yaradan | |
| Canlandıran | Endrü Linkoln |
| Səsləndirən | Fil LaMarr |
| Məlumat | |
| Cinsi | kişi[d] |
| Peşə |
Komiks:
Televiziya:
|
| Silahı |
|
| Ailəsi |
Komiks:
Televiziya:
|
Rik Qrayms vəfatından əvvəl komiksin 192-ci buraxılışına kimi baş qəhrəman olub.[1] Rik "The Walking Dead" komiks seriyasında sağ qalanlar qrupuna rəhbərlik edirdi. Hekayədə o, zombi apokalipsisi zamanı komadan oyanır və arvadı Lorinin və oğlu Karlın axtarışına başlayır. O, nəhayət onları Atlantadakı düşərgədə tapır və oradakı qrupun liderliyini öz üzərinə götürür. Hekayə irəlilədikcə o, yeriyənləri öldürməyə vərdiş edir, lakin ailəsini və dostlarını digər sağ qalanlardan qorumaq üçün çətin qərarlar verməklə mübarizə aparır. Rik bu daimi qarşıdurmada düşmənlərinə qarşı daha da soyuqqanlı olur. O, qrupunu istismar etmək istəyən antaqonist qüvvələrə qarşı davamlı olaraq mücadilə aparır. Komiksin Rick Grimes 2000 adlı başqa bir alternativ buraxılışında Rik “İsgəndəriyyə” (Alexandria) dönəmində yadplanetlilərin işğalından sonra kiborqa çevrilir. Bu komiksdə o, yenidən dirilmiş Qubernatorla üz-üzə gəlir. Rikin bu alternativ versiyasını genişləndirmək üçün "Skybound X: Rick Grimes 2000" adlı məhdud seriya 7 iyul, 4 avqust 2021-ci il tarixləri arasında buraxıldı.
Rik Qrayms vicdana və insani dəyərlərə əhəmiyyət verən şəxs kimi bilinir.[2][3][4] 2010-cu ilin aprelində Endrü Linkoln rolu oynamaq üçün seçildi: yaradıcı Robert Kirkman Linkolnu personaj üçün "möcüzəli tapıntı" hesab edirdi. Linkoln rola hazırlaşmaq üçün "High Noon" (1952) filmindəki Geri Kuperin performansından və "Breaking Bad" televiziya dram serialından ilham aldı. Linkolnun Rik Qrayms obrazı həm tənqidçilərin, həm də pərəstişkarların tərifini qazanıb. O, bir neçə mükafata namizəd olub və 2015 və 2017-ci illərdə "Saturn mükafatı"na layiq görülüb.[5][6]
- ↑ Gustines, George Gene. "The Walking Dead Takes an Unexpected Turn". The New York Times. 5 iyun 2019. 5 iyun 2019 tarixində arxivləşdirilib. İstifadə tarixi: 6 iyun 2019.
- ↑ "The Walking Dead Cast: Rick Grimes". AMCtv.com. 4 may 2015 tarixində arxivləşdirilib. İstifadə tarixi: 24 oktyabr 2012.
- ↑ Ryan McKee. "Top 10: Everyman Heroes - No.9 Rick Grimes - The Walking Dead". Askmen.com. 14 iyun 2013 tarixində arxivləşdirilib. İstifadə tarixi: 23 oktyabr 2012.
- ↑ Scott Tipton. "TALKING ABOUT WALKING". 10 noyabr 2010. 5 oktyabr 2012 tarixində orijinalından arxivləşdirilib. İstifadə tarixi: 24 oktyabr 2012.
- ↑ Carlson, Adam. "The Walking Dead Wins Big At The 2015 Saturn Awards". Undead Walking. 26 iyun 2015. 2 avqust 2015 tarixində arxivləşdirilib. İstifadə tarixi: 26 iyun 2015.
- ↑ Iryna, Sonya. "The Walking Dead wins two Saturn Awards including Best Horror TV show". Undead Walking. 29 iyun 2017. 29 iyun 2017 tarixində arxivləşdirilib. İstifadə tarixi: 29 iyun 2017.