Rocer Harqrivs (9 may 1935 – 11 sentyabr 1988) — Böyük Britaniyalı məşhur karikaturaçı, illüstrator və uşaq kitablarının yazıçısı. O, "Mr. Men" və "Little Miss" seriyalarının müəllifidir. Həmçinin "Timbuctoo" seriyasının müəllifi olan Harqrivs uşaq oxucuları üçün yazdığı sadə və gülməli hekayələri, cəsur və parlaq rənglərlə çəkilən illüstrasiyaları ilə tanınır. Harqrivesin əsərləri dünya miqyasında 85 milyon nüsxədən çox satılmışdır və 20 dildə nəşr olunmuşdur.[4]
| Rocer Harqrivs | |
|---|---|
| ing. Roger Hargreaves | |
| Doğum tarixi | 9 may 1935[1][2] |
| Vəfat tarixi | 11 sentyabr 1988[3][1][…] (53 yaşında) |
| Vəfat yeri | |
| Vəfat səbəbi | insult |
| Fəaliyyəti | illüstrasiyaçı[d], yazıçı, uşaq ədəbiyyatı yazıçısı |
| Fəaliyyət illəri | 1971-ci ildən |
| mrmen.com | |
Rocer Harqrivs 9 may 1935-ci ildə İngiltərənin Vest Yorkşir əyalətinin Klekhiton şəhərindəki xüsusi bir xəstəxanada anadan olub.[5] Atası Alfred Reginald Harqrivs, anası isə Etel Mari Harqrivs idi. Rocer Harqrivs uşaqlıq illərini Klekhitonun "Hartshead Moor" məhəlləsində, "703 Halifax Road" ünvanında keçirib.[5] Bu gün orada onun adını əbədiləşdirən bir xatirə lövhəsi yerləşir.
Rocer Harqrivs ən çox "Mr. Men" və "Little Miss" seriyaları ilə tanınır. Bu seriyalar uşaqlar üçün yazılmış 46 "Mr. Men" və 33 "Little Miss" kitablarından ibarətdir. Harqrivsin həmçinin "Timbuctoo" seriyası, Con Maus və Raundi and Skari adlı digər uşaq hekayələri də vardır. Rocer Harqrivs 1982-ci ildən sonra Gernsidə ailəsi ilə yaşayırdı. Daha sonra onlar Kauden, Kentdəki "Sussex House Farma" köçdülər. Harqrives 1988-ci ildə, 53 yaşında, Royal Tanbric Uelsdəki "Kent and Sussex Hospital"da vəfat etdi. O, Kauden, İst Sasseksdə dəfn edilib. Ölümündən sonra oğlu Adam Harqrivs "Mr. Men" və "Little Miss" seriyalarına yeni hekayələr yazmağa davam etdi və atasının imzası ilə kitabları təqdim etdi. 2004-cü ildə, Rocer Harqrivsin həyat yoldaşı Kristin, "Mr. Men" personajlarının hüquqlarını "Chorion" şirkətinə satdı.[6] 2011-ci ildə "Chorion", bu markanı yapon şirkəti olan "Sanrio"ya satdı.[7]
- ↑ 1 2 Roger Hargreaves // Lambiek Comiclopedia (ing.). Lambiek, 1999.
- ↑ Roger Hargreaves // BD Gest’ (fr.).
- ↑ Bibliothèque nationale de France BnF identifikatoru (fr.): açıq məlumat platforması. 2011.
- ↑ People of 1988: Obituaries // 1989 Britannica Book of the Year, Chicago: Encyclopædia Britannica, Inc., 1989, ISBN 0-85229-504-9
- ↑ 1 2 Heward, Margaret. "You need dedication to be tickled orange". Spenborough Guardian. Johnston Press Digital Publishing. 18 oktyabr 2007. İstifadə tarixi: 14 mart 2008.
- ↑ "Mr Men join Chorion in £28m deal". Evening Standard. UK. 23 iyun 2011 tarixində orijinalından arxivləşdirilib. İstifadə tarixi: 9 may 2011.
- ↑ Mark Sweney. "Mr Men bought by Hello Kitty owner". The Guardian. UK. 6 dekabr 2011.
- mrmen.com — rəsmi saytı