Roza (Rozaliya) İsmayıl qızı Cəlilova (17 may 1929, Quba – 19 noyabr 2025[1], Səbail rayonu) — rəqqasə, xoreoqraf-baletmeyster, Azərbaycan Respublikasının xalq artisti (2007).
| Roza Cəlilova | |
|---|---|
| Doğum tarixi | 17 may 1929 |
| Doğum yeri | |
| Vəfat tarixi | 19 noyabr 2025[1] (96 yaşında) |
| Vəfat yeri | |
| Dəfn yeri | |
| Fəaliyyəti | xoreoqraf, baletmeyster |
| Fəaliyyət illəri | 1947–2025 |
| Mükafatları |
    |
Roza Cəlilova 17 may 1929-cu ildə Qubada anadan olmuşdur.[2] 1947-ci ildə Bakı Xoreoqrafiya məktəbini bitirib. İki il M. F. Axundov adına Opera və Balet Teatrının balet truppasında çalışıb. 1949-cu ildə M. Maqomaev adına Azərbaycan Dövlət Filarmoniyasının Mahnı və Rəqs Ansamblına keçib. 1965-ci ilə qədər ansamblın rəqs qrupunda solist kimi fəaliyyətini davam etdirib, 1965–1975-ci illərdə isə qrupa rəhbərlik edib.
Rəqqasə uzun illər xoreoqraf kimi də fəaliyyət göstəmişdir. O, 1989-cu ildə yaratdığı "Gülüstan" Mahnı və Rəqs Ansamblı ilə populyarlaşaraq xarici ölkələrdən ardıcıl dəvətlər almağa başlamışdır.
Onun repertuarında Azərbaycanın milli rəqsləri ilə bərabər bərabər ərəb, fars, hind və bir sıra başqa xalqların rəqsləri də böyük yer tutur. O, səhnə fəaliyyətinin 30 ildən artıq dövrü ərzində Kanadada, Çexoslovakiyada, Efiopiyada, Çində, ABŞ-də, Türkiyədə, İraqda, Mərakeşdə qastrol səfərlərində olmuşdur. Müxtəlif illərdə Naxçıvan, Şamaxı, Cəbrayıl, Saatlı, Lənkəran rayonlarının folklor rəqs kollektivlərinin yaradıcısı olmuşdur.
Ümumdünya festivallarının və Beynəlxalq müsabiqələrin laureatı olan Roza Cəlilova "Gülüstan" ansamblı ilə bərabər Bakı Dövlət Universiteti nəzdində olan "Sevinc" rəqs ansamblına da rəhbərlik etmişdir.
Hal-hazırda pedaqoji fəaliyyətə keçərək Azərbaycan Milli Konservatoriyasının nəzdindəki Gimnaziyada fəaliyyət göstərir.
2019-cu ildə Roza Cəlilovanın 90 illik yubileyi qeyd olunmuşdur.[3]
19 noyabr 2025-ci ildə Səbail rayonunda vəfat edib.[4] "Qurd qapısı" qəbiristanlığında dəfn olunub.[5]
- "Azərbaycan SSR əməkdar artisti" fəxri adı — 21 fevral 1959
- "Şərəf nişanı" ordeni — 9 iyun 1959
- Azərbaycan Respublikası Prezidentinin fərdi təqaüdü — 11 iyun 2002[6]
- "Azərbaycan Respublikasının xalq artisti" fəxri adı — 17 sentyabr 2007
- "Şöhrət" ordeni — 16 may 2019
- ↑ 1 2 Azerbaijani People's Artist Roza Jalilova passes away at 96 (ing.).
- ↑ "Rəqs bağçamızın qızılgülü". 21 yanvar 2021 tarixində arxivləşdirilib. İstifadə tarixi: 12 iyul 2020.
- ↑ CBC TV. "Rəqqasə Roza Cəlilovanın 90 illiyi qeyd olunub" (az.). Youtube.com. 18.05.2019. İstifadə tarixi: 2019-05-18.
- ↑ "Roza Cəlilova vəfat etdi". Axar.Az (az.). 19 noyabr 2025. İstifadə tarixi: 19 noyabr 2025.
- ↑ "Xalq artisti Roza Cəlilova dəfn edilib". Oxu.az (az.). İstifadə tarixi: 19 noyabr 2025.
- ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində arxivləşdirilib. İstifadə tarixi: 04.10.2023.