Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinRza Vasif oğlu Talıbov (10 may 1982, Naxçıvan) — Azərbaycan məmuru, sahibkar[2], Azərbaycan Silahlı Qüvvələrinin ehtiyatda olan polkovniki, Azərbaycan Respublikası Dövlət Miqrasiya Xidməti Vətəndaşlıq Məsələləri Baş İdarəsinin rəisi[3], III dərəcəli dövlət miqrasiya xidməti müşaviri,[4] siyasi elmlər üzrə fəlsəfə doktoru, Bakı Dövlət Universitetinin dosenti, Şota Rustaveli adına Batumi Dövlət Universitetinin fəxri doktoru.
| Rza Talıbov | |
|---|---|
.jpg) | |
| Şəxsi məlumatlar | |
| Doğum tarixi | 10 may 1982 (43 yaş) |
| Doğum yeri | |
| Təhsili | |
| Fəaliyyəti | sədr[d], zabit, iş adamı |
| Atası | Vasif Talıbov[1] |
| Uşağı | 3 |
| Rütbəsi | III dərəcəli dövlət miqrasiya xidməti müşaviri |
|
|
|
| Təltifləri |
      |
 |
|
 Vikianbarda əlaqəli mediafayllar | |
Rza Talıbov 10 may 1982-ci ildə Naxçıvan Muxtar Respublikasının Naxçıvan şəhərində anadan olmuşdur. 1999-cu ildə Naxçıvan şəhər 3 nömrəli tam orta rus məktəbini bitirmişdir. 2003-cü ildə Bakı Dövlət Universitetinin Beynəlxalq hüquq və Beynəlxalq münasibətlər fakültəsinin beynəlxalq münasibətlər ixtisası üzrə bakalavr, 2006-cı ildə isə magistr pillələrini fərqlənmə diplomları ilə bitirmişdir.[5]
2003–2004-cü illərdə Azərbaycan Respublikasının Silahlı Qüvvələrində hərbi xidmət keçmişdir.
2007-ci ildə Azərbaycan Respublikası Xarici İşlər Nazirliyində referent vəzifəsində işə başlamışdır.
2009-cu ildə namizədlik dissertasiyasını müdafiə edərək Azərbaycan Respublikasının Prezidenti yanında Ali Attestasiya komissiyasının qərarı ilə siyasi elmlər üzrə fəlsəfə doktoru elmi dərəcəsinə layiq görülmüşdür.
2010-cu ildə öz arzusu ilə Xarici İşlər Nazirliyindən ayrılaraq, Bakı Dövlət Universitetinin Beynəlxalq münasibətlər kafedrasında müəllim kimi çalışmağa başlamışdır.[5]
2013-cü ildə Böyük Britaniyanın Oksford Universiteti, SAID Biznes məktəbinin Gücləndirilmiş İdarəetmə proqramını bitirmişdir. 2014-cü ildə Böyük Britaniyanın Anglia Ruskin Universitetinin magistr dərəcəsinə layiq görülmüşdür.
2015-ci ildə dosent elmi adını almışdır. Həmin ildən Dövlət Miqrasiya Xidmətində fəaliyyətə başlamış və hazırda Vətəndaşlıq məsələləri Baş idarəsinin rəisi vəzifəsində çalışır.
Azərbaycan Respublikası Prezidentinin 16 mart 2018-ci il tarixli fərmanı ilə III dərəcəli dövlət miqrasiya xidməti müşaviri ali xüsusi rütbəsi verilmişdir.[4][6] Ehtiyatda olan polkovnikdir.
Naxçıvan MR Ali Məclisinin sabiq sədri Vasif Talıbovun oğludur.[7]
Azərbaycan siyasətçisi Seymur Talıbovun böyük qardaşıdır.
Ailəlidir, 3 övladı var.
- Siyasi elmlər üzrə fəlsəfə doktorudur.[8]
- Bakı Dövlət Universitetinin Beynəlxalq münasibətlər kafedrasının dosentidir.
- Böyük Britaniyanın Oksford Universiteti, SAID Biznes məktəbinin Gücləndirilmiş İdarəetmə proqramını bitirib.
- Böyük Britaniyanın Anglia Ruskin Universitetinin magistridir.
- Batumi Dövlət Universitetinin fəxri doktorudur.[9]
Bir çox elmi məqalənin və bir neçə kitabın müəllifidir. Azərbaycan Respublikası Təhsil Nazirliyinin 24 aprel 2015-ci il tarixli 459 nömrəli əmri ilə "Asiya ölkələri beynəlxalq münasibətlər sistemində" adlı kitabı Ali məktəblər üçün dərslik kimi təsdiq edilmişdir.[8]
- "Ermənilərin Dağlıq Qarabağla bağlı iddialarının heç bir hüquqi əsəsı yoxdur" (Azərbaycan, ingilis və rus dillərində, Bakı, 2005); ISBN 978-9952-37-423-0
- "Япoно-Азербайджанское сотрудничество на современном этапе" (Баку, 2005); ISBN 9952-27-029-1
- "Azərbaycan-Yaponiya əməkdaşlığı" (Azərbaycan, ingilis və rus dillərində, Bakı, 2009); ISBN 978-9952-37-452-0
- "Asiya ölkələri beynəlxalq münasibətlər sistemində" (Azərbaycan və rus dillərində, Bakı, 2015; gürcü dilində, Tbilisi, 2017); ISBN 978-5-85840-051-6
2023-cü ilə qədər Azərbaycanın və Naxçıvanın ən böyük holdinqlərindən biri olan Gəmiqaya Holdinqin (indiki Arkoz Holdinq) rəhbəri olub.[10]
OCCRP-nin 2022-ci il araşdırmasına görə, Rza və qardaşı Seymur Talıbovlar ofşor şirkətlər vasitəsilə 20 milyon dollardan çox şübhəli pul köçürməsi alıblar. Bu şirkətlər "Azərbaycan və Troika Laundromat" adlanan iki nəhəng çirkli pulların yuyulması sxeminin bir hissəsi olub. Qardaşlar Birləşmiş Ərəb Əmirlikləri və Gürcüstanda ümumi dəyəri 63 milyon dollar olan əmlaklara da sahib olublar.[11]
- 19 mart 2018-ci il tarixində Azərbaycan Respublikası Dövlət Sərhəd Xidməti rəisinin 079 nömrəli əmri ilə "Hərbi Əməkdaşlıq sahəsində xidmətlərə görə" medalı ilə təltif edilmişdir.
- 12 may 2018-ci il tarixində Azərbaycan Respublikası Prezidenti adından Azərbaycan Respublikası Müdafiə nazirinin 048-t nömrəli əmri ilə "Hərbi Əməkdaşlıq Sahəsində Xidmətlərə görə" medalı ilə təltif olunmuşdur.
- 29 iyun 2018-ci il tarixində Azərbaycan Respublikası Daxili İşlər nazirinin Ə535 nömrəli əmri ilə "Azərbaycan Polisinin 100 illiyi (1918–2018)" Azərbaycan Respublikasının yubiley medalı ilə təltif edilmişdir.
- 16 iyul 2018-ci il tarixində Azərbaycan Respublikası Prezidenti adından Azərbaycan Respublikası Müdafiə nazirinin 0228-t nömrəli əmri ilə "Azərbaycan Ordusunun 100 illiyi (1918–2018)" yubiley medalı ilə təltif olunmuşdur.
- 9 iyul 2019-cu il tarixində Azərbaycan Respublikası Xarici İşlər nazirinin S/01–19 nömrəli əmri ilə "Azərbaycan Respublikası diplomatik xidmət orqanlarının 100 illiyi (1919–2019)" Azərbaycan Respublikasının yubiley medalı ilə təltif edilmişdir.
- 21 dekabr 2019-cu il tarixində Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisinin 287 ş/h nömrəli əmri ilə "Hərbi Vətənpərvərlik Tərbiyəsində Xidmətlərə görə" Azərbaycan Respublikasının medalı ilə təltif edilmişdir.
- 17 mart 2020-ci il tarixində Azərbaycan Respublikası Dövlət Miqrasiya Xidməti rəisinin 94 nömrəli əmri ilə "Miqrasiya orqanlarında qüsursuz qulluğa görə" 3-cü dərəcəli Azərbaycan Respublikasının medalı ilə təltif edilmişdir.
- ↑ https://cdn.occrp.org/projects/suisse-secrets-interactive/en/person/20/rza-and-seymur-talibov/.
- ↑ "EXCLUSIVE: Azerbaijani Ex-Autocrat's Son Buys Back Luxury Hotel Sold Amid Political Upheaval". OCCRP (ingilis). İstifadə tarixi: 3 oktyabr 2025.
- ↑ "General Rza Talıbov işdən çıxarılıb?". Baku.ws (az.). 24 noyabr 2022. İstifadə tarixi: 3 oktyabr 2025.
- ↑ 1 2 "Azərbaycan Respublikası Dövlət Miqrasiya Xidmətinin əməkdaşlarına ali xüsusi rütbələrin verilməsi haqqında Azərbaycan Respublikası Prezidentinin Sərəncamı" (az.). president.az. 16 mart 2018. 18 mart 2018 tarixində arxivləşdirilib. İstifadə tarixi: 18 iyul 2020.
- ↑ 1 2 "Naxçıvan MR Ali Məclisinin sədri Vasif Talıbovun böyük oğlu Rza Talıbov Dövlət Miqrasiya Xidmətində idarə rəisi vəzifəsinə təyin olunub" (az.). qafqazinfo.az. 26 iyul 2020 tarixində arxivləşdirilib. İstifadə tarixi: 18 iyul 2020.
- ↑ "Rza Talıbov idarə rəisi oldu" (az.). lent.az. 26 iyul 2020 tarixində orijinalından arxivləşdirilib. İstifadə tarixi: 18 iyul 2020.
- ↑ "Vasif Talıbovun oğulları uzun fasilədən sonra BELƏ GÖRÜNTÜLƏNDİ". musavat.com (az.). İstifadə tarixi: 3 oktyabr 2025.
- ↑ 1 2 "Talıbov Rza" (az.). iril.bsu.edu.az. 17 iyul 2020 tarixində arxivləşdirilib. İstifadə tarixi: 18 iyul 2020.
- ↑ "Bakı Dövlət Universitetinin dosenti Rza Talıbov Batumi Dövlət Universitetinin fəxri doktoru diplomuna layiq görülüb" (az.). azertag.az. 26 iyul 2020 tarixində arxivləşdirilib. İstifadə tarixi: 18 iyul 2020.
- ↑ "Vasif Talıbova bağlı şirkətdə daha bir dəyişiklik".
- ↑ "Sons of Azerbaijani Strongman Vasif Talibov Received Millions From Money Laundering Systems".
- "Президент Ильхам Алиев наградил Рзу Талыбова" (rus). haqqin.az. İstifadə tarixi: 18 iyul 2020.
- "Azərbaycan-Əfqanıstan əlaqələrinin tarixi və müasir reallıqlarına dair məqalə Polşada çap olunub" (az.). azertag.az. 02 August 2021. İstifadə tarixi: 2021-08-02.