Sücəddin Mustafa oğlu Abdullayev (20 dekabr 1949, Nərimankənd, Gədəbəy rayonu – 21 oktyabr 2018, Bakı) — Azərbaycan ictimai-siyasi xadimi, Azərbaycan Respublikasının mənzil-kommunal təsərrüfatı naziri və Mənzil-Kommunal Təsərrüfatı Komitəsinin sədri (1992–1999).
| Sücəddin Abdullayev | |
|---|---|
 | |
| 3 may 1993 – 20 iyul 1999 (i. e. 18 oktyabr 1998 – 20 iyul 1999) | |
| Əvvəlki | vəzifə təsis edilib |
| Sonrakı | Şair Həsənov |
  | |
| 26 noyabr 1992 – 3 may 1993 | |
| Əvvəlki | Veniamin Mayorov |
| Sonrakı | vəzifə ləğv edilib |
| Şəxsi məlumatlar | |
| Doğum tarixi | 20 dekabr 1949 |
| Doğum yeri | |
| Vəfat tarixi | 21 oktyabr 2018 (68 yaşında) |
| Vəfat yeri | |
Sücəddin Mustafa oğlu Abdullayev 20 dekabr 1949-cu ildə Gədəbəy rayonunun Nərimankənd kəndində anadan olub. 1967-ci ildə kənd məktəbini qurtardıqdan sonra M. F. Axundov adına Azərbaycan İnstitutun rus dili və ədəbiyyat fakültəsinə daxil olub. 1967-ci ildən 1972-ci ilə qədər başqa -başqa yerlərdə fəhlə, tərbiyəçi vəzifələrində çalışıb. 1972-ci ildə peşə məktəbində komsomol komitəsinin katibi olub. 1973-cü ildə sovet ordusu sıralarında xidmət edib. 1974-cü ildə texnikumda komsomol komitəsinin katibi vəzifəsində çalışıb. 1975-ci ildə Lenin rayonu (indiki Sabunçu) komsomol komitəsində şöbə müdiri olub. 1976-cı ildə partiya işinə keçdiyinə görə tutduğu vəzifədən azad olunub. 1976–1990-cı illərdə Lenin rayonu partiya komitəsində instruktor, şöbə müdiri vəzifələrində çalışıb. 1984-cü ildə Bakı Ali Partiya Məktəbini qırmızı diplomla başa vurub. 1990–1991-ci illərdə Xətai rayonu İcra Hakimiyyətində sədr müavini vəzifəsində çalışıb. 1991–1992-ci illərdə icra başçısının mənzil məsələləri üzrə müavini olub. 1992–1993-cü illərdə Azərbaycan Respublikasının mənzil-kommunal təsərrüfatı naziri vəzifəsində, 1993–1999-cu ilədək Azərbaycan Respublikasının Nazirlər Kabineti yanında Mənzil-Kommunal Təsərrüfatı Komitəsinin sədri vəzifəsində işləyib.[1]
2018-ci ilin oktyabr ayının 21-ində uzun sürən xəstəlikdən sonra vəfat edib.[2][3]
- ↑ "S. M. Abdullayevin Azərbaycan Respublikasının Nazirlər Kabineti yanında Mənzil-Kommunal Təsərrüfatı Komitəsi sədrinin səlahiyyətlərini icra etməkdən azad edilməsi haqqında Azərbaycan Respublikası Prezidentinin Fərmanı". 21 dekabr 2018 tarixində arxivləşdirilib. İstifadə tarixi: 8 dekabr 2018.
- ↑ "Azərbaycanda sabiq nazir vəfat edib". sputnik.az. 22 oktyabr 2018. 2 dekabr 2018 tarixində arxivləşdirilib. İstifadə tarixi: 8 dekabr 2018.
- ↑ "Keçmiş nazir vəfat etdi". musavat.com. 22 oktyabr 2018.