Salxımçiçək dovşanalması

Salxımçiçək dovşanalması
Salxımçiçək dovşanalması
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Almakimilər Yarımtriba: Almakimilər Cins: Dovşanalması Növ: Salxımçiçək dovşanalması
Beynəlxalq elmi adı
	Cotoneaster racemiflorus K.Koch, 1869;
ITIS	836625
NCBI	690332
EOL	411810

Salxımçiçək dovşanalması (lat. Cotoneaster racemiflorus) — bitkilər aləminin gülçiçəklilər dəstəsinin gülçiçəyikimilər fəsiləsinin dovşanalması cinsinə aid bitki növü.

Botaniki xarakteristikası

Hündürlüyü 40-100 sm olan, kiçik budaqlanmış koldur. Cavan budaqları sıx keçə-tüklüdür, bir-ikiillikdir, qonur-qəhvəyi rəngdədir və çılpaqdır. Yarpaqlarının uzunluğu 5-25 (40) mm-dir, dəyirmi, yumurtaşəkilli və ya enli ellipsşəkillidir, üst tərəfdən göyümtül-yaşıl rəngli, səpələnmiş və ya sıx basıq tüklüdür, alt tərəfdən sıx ağımtıl və sarımtıl nazik keçə tüklüdür; saplaları qısa, uzunluğu 2-4 (5) mm və keçə tüklüdür. Salxımları sıx, düzduran, (3) 5-9 (12) ədəd çiçəklədir, demək olar ki, iki dəfə yarpaqdan qısadır. Tac ağ rənglidir, diametri 10 mm-ə qədər olub, açılmış dəyirmi ləçəklidir. Çiçəkləməsi may-iyun aylarına təsadüf edir. Meyvələri parlaq-qırmızı rəngdədir, şarşəkillidir, diametri 8-10 mm-dir, iki, bəzən bir çəyirdəklidir. Meyvə verməsi iyul ayına təsadüf edir.

Azərbaycanda yayılması

Böyük Qafqaz (BQ) Quba, BQ şərq, BQ qərb, Qobustan, Abşeron, Kiçik Qafqaz (KQ) cənub, KQ mərkəzi, Naxçıvan dağları, Lənkəran dağları, orta, bəzən yuxarı dağ qurşağına qədər.

Yaşayış mühiti

Daşlı və qayalı yamaclarda, kollar arasında və işıqlı meşələrdə. Qrup halında və tək-tək rast gəlinir.

Sinonimləri

Homotipik sinonimləri

Cotoneaster nummularius var. desfontainii Regel
Cotoneaster nummularius var. racemiflorus (Desf.) Wenz.
Cotoneaster racemiflorus var. desfontainesii (Regel) Zabel
Mespilus racemiflora Desf.
Pyrus racemiflora (Desf.) M.F.Fay & Christenh.

Heterotipik sinonimləri

Cotoneaster nummularius var. ovalifolius Boiss.
Cotoneaster racemiflorus var. nummularius Regel
Cotoneaster racemiflorus var. ovalifolius (Boiss.) Hurus.
Cotoneaster racemiflorus var. typicus C.K.Schneid.

İstinadlar

↑ The Plant List (ing.). 2010.

Həmçinin bax

[_ea1c8569c629583a-1] The Plant List (ing.). 2010.

[1]