Seqoviya kafedralı və ya Müqəddəs Məryəm və Müqəddəs Fruktu kafedralı (isp. Santa Iglesia Catedral de Nuestra Señora de la Asunción y de San Frutos) — Seqoviya şəhərində yerləşən Katolik kilsəsi. Kilsə Müqəddəs Məryəmin Zühr etməsi və Müqəddəs Fruktuya həsr edilmişdir və Seqovia Yeparxiyasının təsis yeridir. Kafedral Flamboyant (Alovlu Qotika) üslubunda inşa edilmişdir və 1768-ci ildə təqdis edilərək Avropanın ən son Qotika kafedrallarından biri olmuşdur.[2]
| katolisizm | |
| Seqoviya kafedralı | |
|---|---|
| Catedral de Segovia | |
 | |
 | |
| Həsr olunub | Məryəm |
| Ölkə | |
| Üslubu | qotika |
| Hündürlüyü | 90 m |
| catedralsegovia.es | |
 Vikianbarda əlaqəli mediafayllar | |
Kafedralın ilk binası Alkazar sarayına bitişik yerləşirdi və Komuneros üsyanı zamanı dağıdıldı. Üsyan zamanı 22 aprel 1520-ci ildə şəhərin maraqlarına qarşı səs verən qanunvericilər öldürüldü. Rodriqo Ronkilyo cinayəti araşdırmaq üçün göndərildi, lakin şəhər onun girişinə icazə vermədi və bu, Seqoviyanın mühasirəsinə səbəb oldu. V Karlın tərəfdarları Alkazarın içərisində möhkəmləndi, Komuneroslar isə kafedralı ələ keçirib Alkazarı mühasirəyə almaq üçün strateji mövqe kimi istifadə etmək istədi. 6 aylıq mühasirədən sonra Komuneroslar Vilyalar döyüşündə məğlub edildi və ilk kafedral xarabalığa çevrildi.[3]
V Karl daha sonra yeni bir kafedralın tikintisini əmr etdi, lakin Alkazarın başqa bir mühasirə zamanı eyni nəticə ilə üzləşməməsi üçün kafedralın tamamilə fərqli bir yerdə tikilməsini tələb etdi. Yeni kafedral Müqəddəs Xaç Klarası Monastırı və yəhudi məhəlləsinin bir hissəsi üzərində (indiki yeri) inşa edilməli idi. Seçilmiş memar Xuan Hil de Hontanyon oldu və ilk daş 8 iyun 1525-ci ildə qoyuldu. Xərcləri azaltmaq üçün əvvəlki kafedralın bəzi qalıqları onun tikintidə istifadə edildi.[4]
Kafedralın daxilində onun Geç Qotika üslubunu qiymətləndirmək mümkündür. Üç yüksək nefdən ibarət bir quruluşa malikdir. Bunlar İncil nefi və Məktub nefi, ambulatoriya isə mürəkkəb və incə naxışlı gözəl pəncərələri və çoxsaylı rəngli şüşə pəncərələrin fövqəladə keyfiyyəti ilə diqqət çəkir. Daxili interyer 1630-cu ilə aid günbəz istisna olmaqla, diqqətəlayiq bir üslub birliyi (Geç Qotikaa) nümayiş etdirir və təsirli dəbdəbəli bir görünüşə malikdir. Qotika tağları 30 metr hündürlüyə qalxır və 50 metr enində, 109 metr uzunluğundadır. Transept VXII əsrdə Pedro de Brisuela tərəfindən tamamlanmış günbəzlə örtülmüşdür. Qüllə hazırda təxminən 90 metr hündürlüyə çatır.[5]
- ↑ 1 2 ArchINFORM (alm.). 1994.
- ↑ Haliczer, Stephen. The Comuneros of Castile: the forging of a revolution, 1475-1521. Madison, Wis. London: University of Wisconsin press. 1981. ISBN 978-0-299-08500-1.
- ↑ "Historia - Catedral de Segovia". Catedral de Segovia (ispan). 9 avqust 2024 tarixində arxivləşdirilib. İstifadə tarixi: 23 yanvar 2025.
- ↑ "Catedral de Segovia - Coro y Organos".
- ↑ "Órgano de la Epístola".