Sultan Qabus Böyük məscidi (ərəbcə: جَامِع ٱلسُّلْطَان قَابُوْس ٱلْأَكْبَر, translit. Cami Əs-Sultan Qabus Əl-Əkbər) — Oman Sultanlığının ən böyük məscididir və paytaxtı Maskat şəhərində yerləşir.
| İslam | |
| Sultan Qabus məscidi | |
|---|---|
| جامع السلطان قابوس الكبير | |
.jpg) | |
 | |
| Ölkə | |
| Üslubu | İslam memarlığı |
| sultanqaboosgrandmosque.com | |
 Vikianbarda əlaqəli mediafayllar | |
1992-ci ildə o zamankı Oman Sultanı Qabus bin Səid Əl Səid, ölkəsinin Böyük məscidi olmasını əmr etdi. 1993-cü ildə təklif olunan məscidin dizaynı üçün müsabiqə keçirildi. Tikinti müqaviləsi Carillion Alawi LLC şirkətinə verildi.[1] Bausherdə bir yer seçildikdən sonra tikintiyə 1994-cü ilin dekabrında başlanıldı və məscidin inşası altı il yeddi ay davam etdi.[2][3] Məscid müxtəlif növ daşlardan, qapılar, pəncərələr və bəzəklər isə ağac və şüşədən hazırlanmışdır. Binanın inşası üçün təxminən 300.000 ton Hindistan qumdaşı idxal edilmişdir. Məscidin ətrafında beş minarə inşa edilmişdir: hündürlüyü 90 metr (300 fut) olan əsas minarə və hündürlüyü 45,5 metr (149 fut) olan dörd yan minarə məscidin xarici görünüşünün əsas xüsusiyyətləridir. Daxili hissədə əsas musalla həm namaz, həm də turizm mərkəzidir. Namaz zalı kvadrat şəklindədir və 74,4 x 74,4 metr (244 x 244 fut) ölçüsündədir və mərkəzi günbəz döşəmədən 50 metr (160 fut) hündürlüyə yüksəlir.[4] Günbəz içəridən möhtəşəm şəkildə bəzədilib və özlüyündə böyük bir turizm mərkəzidir. Əsas musalla 6500-dən çox ibadətçini, qadınlar musallası isə 750 ibadətçini qəbul edə bilir. Xarici döşənmiş ərazi 8000 ibadətçini qəbul edə bilir və daxili həyətdə və keçidlərdə əlavə yer mövcuddur və ümumi tutumu 20.000 ibadətçiyə qədərdir.[5]
- ↑ "Oman Green Awards picks Carillion as 'Green Guardian'". Oman Information Center (ingilis). 25 iyun 2011. İstifadə tarixi: 1 may 2017.
- ↑ "Sultan Qaboos Grand Mosque". Carillion. İstifadə tarixi: 1 may 2017.
- ↑ "Carillion". Alawi Enterprises L.L.C. 16 fevral 2008 tarixində orijinalından arxivləşdirilib. İstifadə tarixi: 13 iyul 2008.
- ↑ "Sultan Qaboos Grand Mosque". Sultanate of Oman. İstifadə tarixi: 1 may 2017.
- ↑ "A photo journey of the Sultan Qaboos Grand Mosque". GulfNews. 25 aprel 2011. İstifadə tarixi: 1 may 2017.