Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSuqovuşan məscidi — Ağdərə rayonunun Suqovuşan kəndində inşa edilmiş ibadət məkanı.
| Suqovuşan məscidi |
|---|
Məscidin təməli 2022-ci il 20 mart tarixində Prezident İlham Əliyev və birinci xanım Mehriban Əliyeva tərəfindən qoyulub.[1]
Məscidin tikintisi 2024-cü ildə tamamlanıb.[2] Açılış mərasimi isə 2025-ci il 18 mart tarixində Prezident İlham Əliyev və birinci xanım Mehriban Əliyevanın iştirakı ilə baş tutub.[3]
Məscid binasının uzunluğu 16,8 metr və eni 11,2 metrdir.[1] Binaların və obyektlərin tikinti sahəsi 530 kvadratmetrdir.[2]
İkimərtəbəli ibadət məkanının birinci mərtəbəsi kişilər, ikinci mərtəbəsi isə qadınlar üçün nəzərdə tutulub. İbadət ocağının daxilində xüsusi bəzək elementlərindən istifadə olunub. Məsciddə eyni vaxtda 100-dən çox insanın ibadət etməsi mümkündür.[3]
Kompleksə köməkçi otaqlar, dəstəmaz otaqları, imam otağı, icma zalı, işçi otaqları və yataqxana bölməsi daxildir.[2]
- ↑ 1 2 "Suqovuşanda ikimərtəbəli yeni məscidin təməli qoyulub". Report.az. 20 mart 2022. İstifadə tarixi: 25 noyabr 2025.
- ↑ 1 2 3 "Suqovuşan məscidi". PMD Projects. İstifadə tarixi: 25 noyabr 2025.
- ↑ 1 2 "İlham Əliyev və birinci xanım Mehriban Əliyeva Suqovuşan kəndində məscidin açılışında iştirak ediblər". President.az. Azərbaycan Respublikası Prezidentinin rəsmi internet saytı. 18 mart 2025. İstifadə tarixi: 25 noyabr 2025.