Təfsir əl-Bəğavi

Müəllifin ən tanınmış əsəri^[1] olan bu təfsirdə açıq, asan və təkəllüfdən uzaq bir üslubdan istifadə edilmişdir. Təfsirə başlamazdan əvvəl surənin adı, ayələrin sayı Məkki və ya Mədəni olduğu, hansı hadisə ilə bağlı nazil olduğu qeyd edilmişdir. Ayələr üzərində əvvəlcə lüğəvi baxımdan izahlar verilmiş, ardınca ayənin digər ayə və hədislərlə təfsirinə keçilmiş, qiraətlər vəcihlərinin izahı verilmiş, şaz qiraətlər qeyd edilmiş, sərf və nəhiv üzrə təhlillər edilmişdir. Təfsirdə hədislərdən çox istifadə edilmişdir və onların isnadlarının çoxu birbaşa müəllifə bağlıdır. Təfsirdə İsrailiyyat rəvayətləri də vardır, amma müəllif onları tənqid etmiş və bəzilərini qəbul etməmişdir. Əsərdə fiqhi məsələlərə də geniş yer verilmişir (az da olsa işari təfsirlər də vardır). Əsərdə Mötəzilə aydın şəkildə rədd olunmuş, dilçilərin nasla təzad təşkil edən fikirlərinə qarşı çıxılmış,^[2] Rafizi təfsirlərinə yer verilməmişdir.

Əsər böyük rəğbət görmüş, müxtəlif yer (Mumbay, Qahirə, Beyrut və s.) və tarixlərdə (1989, 1990, 1993 və s.) dəfələrlə nəşr edilmişdir.^[3]