TRT Beynəlxalq 23 aprel Uşaq Şənliyi[1] (türk. TRT Uluslararası 23 Nisan Çocuk Şenliği) — Türkiyə Respublikasının milli bayramlarından olan 23 aprel Milli Suverenlik və Uşaq Bayramı həftəsində, 1979-cu ildən bəri hər il Türkiyə Radio Televiziya Qurumu tərəfindən təşkil edilən beynəlxalq uşaq şənliyi[2] Qeyd edək ki, həmin il UNESCO tərəfindən "Uşaq ili" elan edilmişdir[1]. Ona görə də TRT 23 aprel Milli Suverenlik və Uşaq Bayramını start verdiyi tədbirlərlə beynəlxalq səviyyəyə çatdırmışdır[1].
Həmin vaxtdan dünyadakı bir çox ölkədən bu şənlikdə iştirak etmək üçün Türkiyəyə gələn 8-14 yaşları arasındakı uşaqlar uşaqlı könüllü türk ailələr tərəfindən evlərində qonaq saxlanılır.
Şənlik hər il orta hesabla 40 ölkənin iştirakı ilə reallaşar. 1979-cu ildən bu yana, 90 fərqli ölkədən 20 minə qədər uşaq və təxminən 5 min qrup lideri bu şənliyə qatılmışdır[3]. Şənliyi qatılan nümayəndələr öz ölkələrinin xalq oyunları ilə, mahnıları ilə və s. nümunələrlə milli mədəniyyətlərini təqdim edərlər[2].
Şənlik 1979-cu ildən 2000-ci ilə qədər paytaxt Ankarada təşkil olunmuşdur. Daha sonrakı illərdə isə Türkiyənin müxtəlif yerlərində – İstanbul, Quşadası, Səlcuq, Antalya və İzmir kimi şəhərlərdə təşkil edilmişdir. 2011-ci ildə Bursada, 2012-ci ildə Konyada, 2013-cü ildə isə İzmirdə təşkil olunmuşdur.
- 1 2 3 Bu gün uşaq Türkiyə prezidenti olacaq Arxivləşdirilib 2021-10-21 at the Wayback Machine. bizimyol.info, 23.04.2016 (az.)
- 1 2 23 Nisan Uluslararası Çocuk Şenliği Tarihçesi. trt.net.tr (türk.)
- ↑ 23 Nisan Uluslararası Çocuk Şenliğine İlişkin İstatistiki Bilgiler. trt.net.tr (türk.)
- trt23nisan.com — rəsmi saytı
- TRT Beynəlxalq 23 aprel Uşaq Şənliyi — Facebook səhifəsi
- TRT Beynəlxalq 23 aprel Uşaq Şənliyi — Twitter səhifəsi