Teyt Makrey (ing. Tate McRae; 1 iyul 2003[1][2], Kalqari, Alberta) — Kanada müğənnisi. 13 yaşında olarkən o, ABŞ realiti televiziya şousu-rəqs müsabiqəsi "So You Think You Can Dance"-də finala qədər yüksələn ilk kanadalı iştirakçı kimi tanınma qazanıb. Teyt Makrey Forbes-in 2021-ci ildə tərtib etdiyi "30 Under 30" siyahısında yer alan ən gənc musiqiçi olmuşdur.
| Teyt Makrey | |
|---|---|
| ing. Tate McRae | |
.png) | |
| Ümumi məlumatlar | |
| Doğum tarixi | 1 iyul 2003[1][2] (22 yaş) |
| Doğum yeri | |
| Musiqiçi məlumatları | |
| Fəaliyyəti | müğənni, rəqqasə, mahnı yazarı[d], səsləndirmə aktrisası[d] |
| Fəaliyyət illəri | 2012-ci ildən |
| Janrlar | pop musiqisi[3], alternativ pop[d][4], dans-pop[4] |
| Albom şirkəti | RCA Records[5] |
| tatemcrae.com | |
 Vikianbarda əlaqəli mediafayllar | |
Onun 2017-ci ildə çıxardığı "One Day" sinqlı viral hitə çevrilmişdir. 2019-cu ildə o, RCA Records ilə müqavilə bağlayıb. Debüt miksteypi olan "All the Things I Never Said"-i 2020-ci ilin yanvarında təqdim edib. Teytin 2020-ci ildə yayımladığı "You Broke Me First" sinqlı video paylaşma tətbiqi olan TikTok sayəsində dünyanın xeyli sayda ölkəsində hit olmuşdur. Bu mahnı Billboard Hot 100-də 17-ci pillədə qərarlaşmışdır.
Teytin 2021-ci ildə çıxardığı "Too Young to Be Sad" adlı ikinci minialbomu, Spotify-da qadın sənətçilərin yayımladığı digər minialbomlar arasında ən populyarı və dinləniləni olmuşdur. Onun 2022-ci ildə təqdim etdiyi debüt studiya albomu "I Used to Think I Could Fly" tənqidçilər tərəfindən müsbət rəylərlə qarşılanmış və eyni zamanda kommersiya baxımından yaxşı nəticə göstərərək ABŞ Billboard 200 hit-paradında 13-cü pilləyə çatmışdır. Teyt Makreyin 2023-cü ildə yayımladığı "Greedy" sinqlı həm Kanadada, həm də ABŞ-də hit-paradlara başçılıq etmişdir. Onun növbəti sinqlı "Exes" Kanada hit-paradlarında ilk onluğa, Billboard Global 200-də isə 23-cü sıraya düşmüşdür. Onun 2023-cü ildə işıq üzü görən ikinci studiya albomu "Think Later" bir çox ölkələrdə ilk beşliyə daxil olub.
Teyt Rozner Makrey 1 iyul 2003-cü ildə Alberta əyalətinin Kalqari şəhərində, Kanadanın milli bayramı olan Kanada Günündə anadan olub.[6] Onun atası əslən şotland, anası əslən almandır.[7] Dörd yaşı olanda ailəsi atasının işi ilə əlaqədar Omana köçmüşdür. Anası orada rəqs dərsləri verirdi. Onlar üç il orada yaşayıblar.[8][9] Teyt Omanda olarkən Maskatdakı Beynəlxalq Amerikan Məktəbində (The American International School Muscat) getmişdir.[10] O, altı yaşında ikən hobbi kimi rəqslə məşğul olur və dərslər alırdı.[11] Səkkiz yaşında Kalqariyə qayıtdıqdan sonra o, rəqslə daha ciddi məşğul olmağa başlayıb.[12] O, rəqs təlimləri və müsabiqələr təşkil edən rəqs şirkəti "Drewitz Dance Productions"-un müsabiqələrində iştirak edirdi. Teyt 11 yaşından başlayaraq, anasına məxsus bir rəqs şirkəti olan "YYC Dance Project"-də müxtəlif rəqs üslubları üzrə dərslər almışdır.[13] O, həmçinin Alberta Balet Şirkətinin (Alberta Ballet Company) təlim müəssisəsi olan Alberta Balet Məktəbində (Alberta Ballet School) balet üzrə dərs alıb.[11][14][15] Teyt Makrey "Western Canada High School"-da oxumuş və oradan 2022-ci ildə onlayn məzun olmuşdur.[16][17]
Teyt Makrey, Kalqari şəhərinin buzüstü hokkey komandası olan "Calgary Flames"-in fanatıdır və tez-tez onların oyunlarına baxmağa gedir.[18]
O, 2021-ci ilin sonundan 2023-cü ilin əvvəlinə qədər Ohayonun hokkey komandası olan "Columbus Blue Jackets"-in oyunçusu Koul Sillincer[ing.] ilə münasibətdə olmuşdur.[19] 2024-cü ilin aprelində avstraliyalı repçi The Kid Laroi[ing.], Teyt Makrey ilə romantik münasibətdə olduğunu bildirib.[20]
Studiya albomları
- I Used to Think I Could Fly (2022)
- Think Later (2023)
- So Close to What (2025)
- ↑ 1 2 Dutch Top 40.
- ↑ 1 2 WorldCat Entities (ing.). OCLC, Inc., 2022.
- ↑ The Wylde Interview: Tate McRae (ing.). 2020.
- ↑ 1 2 Tate McRae // AllMusic (ing.). 1991.
- ↑ https://www.rcarecords.com/artist/tate-mcrae/.
- ↑ Tate McRae – Instagram Live at Gov Ball (September 24, 2021) (ingilis), 24 sentyabr 2021, 24 aprel 2022 tarixində arxivləşdirilib, İstifadə tarixi: 24 aprel 2022
- ↑ Johnson, Tom. "On The Rise: Tate McRae". The Line of Best Fit (ingilis). 6 mart 2020. 11 noyabr 2022 tarixində arxivləşdirilib. İstifadə tarixi: 18 may 2020.
- ↑ Kim, Jae-Ha. "Go Away With ... Tate McRae". Chicago Tribune. 8 oktyabr 2019. 18 iyun 2020 tarixində arxivləşdirilib. İstifadə tarixi: 22 aprel 2022.
- ↑ Di Orio, Laura. "Up and Coming: Tate McRae". Dance Informa. 4 iyun 2015. 25 iyun 2020 tarixində arxivləşdirilib. İstifadə tarixi: 22 may 2020.
- ↑ "Tate McRae Trivia | 40 facts about the young singer". Useless Daily: Facts, Trivia, News, Oddities, Jokes and more! (ingilis). 24 fevral 2021. 19 dekabr 2021 tarixində arxivləşdirilib. İstifadə tarixi: 9 mart 2021.
- ↑ 1 2 "Tate McRae, 12, Calgary dancer a Top 10 contestant on So You Think You Can Dance". CBC News. 29 iyun 2016. 11 oktyabr 2016 tarixində arxivləşdirilib. İstifadə tarixi: 22 may 2020.
- ↑ "Interview: Dancer and Singer Tate McRae". Everly Mag. 19 mart 2018. 1 aprel 2023 tarixində arxivləşdirilib. İstifadə tarixi: 11 dekabr 2020.
- ↑ "YYC Dance Project: A dance team with a dancer's best interests at heart". Dance Informa. 2 may 2018. 5 aprel 2023 tarixində arxivləşdirilib. İstifadə tarixi: 11 dekabr 2020.
- ↑ Hunt, Stephen. "Kevin Chen and Tate McRae, Calgary's new generation of artists". Calgary Herald. 22 iyul 2013. 19 dekabr 2021 tarixində arxivləşdirilib. İstifadə tarixi: 22 may 2020.
- ↑ Pappaianni, Kayla. "Tate McRae Is This Month's 'One To Watch' Artist!". CKIS-FM. 31 yanvar 2020. 25 iyun 2020 tarixində arxivləşdirilib. İstifadə tarixi: 22 may 2020.
- ↑ Volmers, Eric. "Fast Track: Calgary teen Tate McRae's music career is exploding, but she still has to do her homework". Calgary Herald. 8 may 2020. 19 dekabr 2021 tarixində arxivləşdirilib. İstifadə tarixi: 22 may 2020.
- ↑ Sang, Zach. "Tate McRae Talks Stupid, all the things i've never said, Billie Eilish comparisons & more!" (Event occurs at 1:20). The Zach Sang Show. 21 yanvar 2020. 4 may 2020 tarixində arxivləşdirilib. İstifadə tarixi: 24 iyun 2020.
- ↑ "Tate McRae repped Flames at NHL All-Star Game | Offside". dailyhive.com (ingilis). 18 may 2024 tarixində arxivləşdirilib. İstifadə tarixi: 12 aprel 2024.
- ↑ Leijon, Erik. "Tate McRae's Ex Cole Sillinger Responds To NHL All-Star Game Cheating Meme: 'All False My Guy'". Complex (ingilis). Canada. 7 fevral 2024. 20 aprel 2024 tarixində arxivləşdirilib. İstifadə tarixi: 20 aprel 2024.
- ↑ Dailey, Hannah. "The Kid Laroi Calls Tate McRae His 'Girlfriend' On Stage at Dublin Concert: Watch". Billboard (ingilis). 15 aprel 2024. 20 aprel 2024 tarixində arxivləşdirilib. İstifadə tarixi: 20 aprel 2024.