İnetimi Alfred Odon (29 noyabr 1977, Port-Harkort[d][1]) — Timaya təxəllüsü ilə tanınan Nigeriya musiqiçisi. Yaradıcılığında Nigeriya pop musiqisini densholl, hip-hop, soka və Afro-Karib musiqisi üslubları ilə sintez edir. "DM ("Dem Mama") Records Limited" şirkətini təsis edib.[2]
| Timaya | |
|---|---|
 | |
| Ümumi məlumatlar | |
| Doğum adı | Inetimi Timaya Odon |
| Ləqəbi | Timaya |
| Doğum tarixi | 29 noyabr 1977 (47 yaş) |
| Doğum yeri |
|
| Musiqiçi məlumatları | |
| Fəaliyyəti | müğənni, mahnı yazarı[d] |
| Fəaliyyət illəri | 2005-ci ildən |
| Janrlar | densholl[d] |
 Vikianbarda əlaqəli mediafayllar | |
Timayanın solo fəaliyyəti 2005-ci ildə Odi hadisələrini əks etdirən "Dem Mama" sinqlı ilə başlanıb. 2006-cı ildə ilk albomu "True Story" (tərc. "Gerçək hekayə"), 2008-ci ildə ikinci albomu "Gift and Grace" (tərc. "Nemət və Lütf") yayımlanıb. "Black Body Entertainment" şirkəti ilə birgə istehsal edilmiş üçüncü albomu "De Rebirth"də (tərc. "Təkrar diriliş") "Plantain Boy" mahnısı yer alıb. 2011-ci ildə "Dem Mama Soldiers" qrupu ilə "LLNP" ("Long Life N Prosperity") albomunu buraxıb. 2012-ci ildə "Upgrade" adlı növbəti albomunu təqdim edib. Yaradıcılığına görə dörd "Headies", iki "AFRIMMA", bir "Nigeria Music" və bir "NEA" mükafatı alıb.[3]
İnetimi Alfred Odon 1980-ci il avqustun 15-də Nigeriyanın Rivers ştatının Port-Harkort şəhərində anadan olub. 15 uşaqlı ailənin sonbeşiyidir. Atası bank sektorunda çalışıb, anası ticarətlə məşğul olub. İbtidai təhsilini "Assemblies of God" məktəbində alıb.[4] Orta təhsilinə Port-Harkortun Nkpolu-Orovoruko məktəbində başlayıb, burada təhsil aldığı dövrdə məktəb qaydalarını pozaraq gecə musiqi tədbirlərində iştirak edib.[5] Sonradan Laqos şəhərinə köçüb və İkeca qrammatika məktəbində orta təhsilini başa vurub.[6]
Timayanın Port-Harkort Universitetində təhsili uğursuz olub. Birinci semestrdə aşağı akademik göstəricilərə görə universiteti tərk edərək Laqos şəhərinə qayıdıb və İdris Abdulkərimin hip-hop qrupunda vokal müşayiətçisi kimi fəaliyyətə başlayıb.[7] Üç ildən sonra qrupdan ayrılaraq solo ifaçılıq fəaliyyətinə keçib. Laqos şəhərinin "UDX" rep qrupunun buraxılmamış musiqi klipində epizodik rol alıb.[8] Mafoluku rayonunda prodüser Obaksolo ilə tanışlığı nəticəsində "Dem Mama" adlı ilk uğurlu musiqisini yazıb.[9] "True Story" adlı ilk albomu üçün Namse Udsen (Menthol X) ilə birgə "Pomporo" musiqisini hazırlayıb.
Studiya albomları
- True Story (2007)
- Gift And Grace (2008)
- De Rebirth (2010)
- LLNP Long Life N' Prosperity (2011)
- Upgrade (2012)
- Epiphany (2014)
- Gratitude (2020)
- Gladiator (2024)
Minialbomlar
- Chulo Vibes (2019)
- ↑ 1 2 Freebase Data Dumps. Google.
- ↑ Nation, The. "Why I exited Timaya's record label, by King Perry". The Nation Newspaper (ingilis). 16 iyul 2022. İstifadə tarixi: 10 yanvar 2025.
- ↑ Chukwu, Reginald. "Timaya Surpasses Haters Expectations To Remain Relevant in the Industry". Nigeriaflims.com. 25 noyabr 2013. 4 dekabr 2013 tarixində orijinalından arxivləşdirilib. İstifadə tarixi: 10 mart 2014.
- ↑ Adamu, Naomi. "Nigeria: The Story Behind Timaya's Rise". AllAfrica.com. AllAfrica Global Media. 10 iyul 2012. İstifadə tarixi: 10 mart 2014.
- ↑ "Timaya's Plantain Boy Rules Music Scene… Picks N9.5m Escalade jeep, new Lover". The Tide News. 5 dekabr 2009. İstifadə tarixi: 8 mart 2014.
- ↑ "Timaya, plantain seller tells his story". Vanguardngr.com. Vanguard Media. 14 yanvar 2012. İstifadə tarixi: 7 mart 2014.
- ↑ "'I was a backup singer for Idris Abdulkareem' – Timaya". Nigeria Entertainment Today. Chrysanthus Ikeh. İstifadə tarixi: 27 sentyabr 2015.[ölü keçid]
- ↑ "Timaya". Bukati. İstifadə tarixi: 27 sentyabr 2015.
- ↑ "Timaya Settles 4 Years Beef With Obaksolo [PHOTOS]". Naijaxtra. Chijioke5050. İstifadə tarixi: 27 sentyabr 2015.