Tivoli bağları və ya Tivoli parkı — Danimarkanın paytaxtı Kopenhagendə yerləşən əyləncə və istirahət parkı. Park 15 avqust 1843-cü ildə açılıb və beləliklə, Kopenhagen yaxınlığındakı Direhavsbakken parkından sonra, dünyanın ikinci ən köhnə əyləncə parkıdır.[2] Bəzi mənbələrdə Volt Disneyin Disneyland ideyasını məhz Tivolidən götürdüyü iddia edilir.[3] Belə ki, o, 1951-ci ildə bu parkı ziyarət edib.[4]
| Tivoli bağları | |
|---|---|
 2015 | |
| Məlumatlar | |
| Ölkə | |
| Yerləşməsi |
 Danimarka, Kopenhagen |
| Yaradılıb | 15 avqust 1843 |
| Ziyartəçi sayı |
|
| Saytı | tivoli.dk |
| Xəritədə yeri | |
 |
|
 Vikianbarda əlaqəli mediafayllar | |
2016-cı ildə Tivoli bağlarını 4,6 mln. adam ziyarət edib.[5]
Danimarka kralı VIII Kristian parkın 6 hektar ərazidə qurulması üçün Georq Karstensena icazə vermişdi. Parkın ilk adı Tivoli & Vauxhall olmuşdur.[6] Açılışı 1843-cü ilin avqustun 15-də baş tutub. O gün parkın ilk ziyarətçiləri arasında Hans Xristian Andersen də olub. O, parkdan ilhamlanaraq Bülbül nağılını yazıb.[7]
1901-ci ildən başlayaraq Tivolidə bir sıra "insan sərgiləri" keçirilib. Xaricə gedə bilməyən danimarkalılar bu sərgilərdə başqa irqlərin və mədəniyyətlərin nümayəndələrini canlı olaraq görə bilirdi.[6]
1943-cü ildə nasizm tərəfdarları Tivolinin bir çox binalarını, o cümlədən konsert zalını yandırdılar. Həmin binaların yerində müvəqqəti tikintilər quraşdırıldı və bir neçə həftə sonra, park yenidən işləməyə başladı.[8]
Park taxtadan tikilmiş amerikan təpələrinə görə tanınır. Məsələn, 1914-cü ildə (başqa mənbələrinə görə 1915-də və ya ondan sonra) quraşdırılan Rutschebanen və ya yerlilər tərəfindən Bjergbanen adlanan amerikan təpələri dünyada hələ də işləyən ən köhnə amerikan təpələrindən biridir.[9] Bundan başqa, parkda poladdan olan 1974-cü ildə quraşdırılan Karavanen, 1985-ci ilin Odin Ekspressen və 2004-cü ilin aprelin 16-da quraşdırılan Dæmonen adlı amerikan təpələri var.[10]
2006-cı ildə Tivoli üçün Avstriyada Funtime şirkəti tərəfindən dünyanın ən yüksək karuseli olan Himmelskibet adlı attraksion quraşdırılıb.[6]
Tivoliyə giriş biletlidir. Biletlərin fərqli növləri olur, o cümlədən, nisbətən ucuz olan və attraksionlardan istifadə etməyə icazə verməyən biletlər var. Attraksionlardan başqa, Tivolidə müxtəlif restoranlar, kafelər, süni göl, [11] teatr, bağlar, gül ləki və şərq üslubunda binalar var.[12]
Parkın yanında 1893-cü ildə tikilən Tivoli sarayına baxan Hans Xristian Andersenin heykəli yerləşir.[13]
- ↑ Global attractions Attendance Report 2023 (ing.): The definitive annual attendance study for the themed entertainment and museum industries. TEA, AECOM, 2024. P. 59. 88 p.
- ↑ "Top attractions in Denmark". visitdenmark.com. Visit Denmark. 2 aprel 2016 tarixində arxivləşdirilib. İstifadə tarixi: 8 aprel 2016.
- ↑ "Arxivlənmiş surət". 19 iyul 2013 tarixində orijinalından arxivləşdirilib. İstifadə tarixi: 9 dekabr 2019.
- ↑ "Arxivlənmiş surət". 6 avqust 2021 tarixində arxivləşdirilib. İstifadə tarixi: 14 dekabr 2019.
- ↑ "Arxivlənmiş surət". 16 dekabr 2018 tarixində arxivləşdirilib. İstifadə tarixi: 8 dekabr 2019.
- ↑ 1 2 3 Tivoli – Tivoli Gardens Copenhagen – Copenhagen Portal – Tourist Guide Arxivləşdirilib 2013-11-02 at the Wayback Machine. Copenhagenet.dk. Retrieved on 15 August 2011.
- ↑ "Our history". 31 iyul 2021 tarixində arxivləşdirilib. İstifadə tarixi: 9 dekabr 2019.
- ↑ The Twentieth Century with Walter Cronkite: Sabotage. CBS, 1950s.
- ↑ "Arxivlənmiş surət". 21 sentyabr 2021 tarixində arxivləşdirilib. İstifadə tarixi: 11 dekabr 2019.
- ↑ [1]
- ↑ p. 62–63
- ↑ "Arxivlənmiş surət". 18 iyul 2022 tarixində arxivləşdirilib. İstifadə tarixi: 9 dekabr 2019.
- ↑ "Arxivlənmiş surət". 22 oktyabr 2021 tarixində arxivləşdirilib. İstifadə tarixi: 23 dekabr 2019.