Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalənin ensiklopedik tələblərə cavab vermədiyinə dair şübhələr var. |
Toğrul Rasim oğlu Əfəndiyev (1 yanvar 1960 – 6 dekabr 2022) — azərbaycanlı sənətşünas alim, fəlsəfə doktoru, Əməkdar mədəniyyət işçisi, Azərbaycan Milli İncəsənət Muzeyinin Elmi araşdırmalar şöbəsinin müdiri.
| Toğrul Əfəndiyev | |
|---|---|
| Doğum tarixi | |
| Doğum yeri | Bakı, Azərbaycan SSR |
| Vəfat tarixi | |
| Vəfat yeri | Bakı |
| Atası | Rasim Əfəndiyev |
| Milliyyəti | azərbaycanlı |
| Təhsili | Bakı Dövlət Universiteti (Tarix fakültəsi) |
| Tanınır | Azərbaycan incəsənətinin tədqiqatçısı |
Toğrul Əfəndiyev 1 yanvar 1960-cı ildə Bakı şəhərində anadan olub.[1] O, tanınmış alim, akademik Rasim Əfəndiyevin oğludur.[2] 1977–1982-ci illərdə Bakı Dövlət Universitetinin (o dövrdə Azərbaycan Dövlət Universiteti) Tarix fakültəsində təhsil almışdır. 1986-cı ildə “Azərbaycan incəsənətində təsviri motivləri (VII–XV yüzilliklər)” mövzusunda sənətşünaslıq üzrə fəlsəfə doktoru dissertasiyasını müdafiə etmişdir.[3]
1982–1988-ci illərdə Azərbaycan Mədəniyyət Nazirliyinin nəzdində Muzey Sərvətləri və Xatirə Əşyalarının Elmi-Bərpa Mərkəzində Elmi araşdırmalar şöbəsinin müdiri vəzifəsində çalışıb. 1988-ci ildən Azərbaycan Yaradıcı Gənclər Birliyinin vitse-prezidenti olmuşdur.[4] 2012–2014-cü illərdə Azərbaycan Xalça Muzeyinin yeni binasının ekspozisiyasının elmi konsepsiyasını hazırlayanlardan biri olmuşdur.[5] O, həmçinin Azərbaycanın kəlağayı sənətinin UNESCO-nun Qeyri-maddi Mədəni İrs Siyahısına daxil edilməsi üçün təqdim olunan sənədlərin hazırlanmasında iştirak etmişdir.[6]
Toğrul Əfəndiyev bir sıra elmi məqalələrin, monoqrafiyaların və məruzələrin müəllifidir. O, Azərbaycan dekorativ-tətbiqi sənətinin, xüsusilə xalçaçılıq və kəlağayı mədəniyyətinin araşdırılmasında mühüm rol oynamışdır. Onun “Azərbaycan bəzək sənəti” adlı kitabı atası Rasim Əfəndiyevlə birgə müəlliflikdə 2002-ci ildə nəşr olunmuşdur.[7]
- “Əməkdar mədəniyyət işçisi” fəxri adı[8]
- Azərbaycan Rəssamlar İttifaqının üzvü
Toğrul Əfəndiyev 6 dekabr 2022-ci ildə Bakı şəhərində vəfat etmişdir.[9]
- ↑ https://medeniyyet.info.az/page/news/65401/Senetsunas-alim-Togrul-Efendiyev-vefat-edib.html
- ↑ https://pravda.az/news/99248
- ↑ https://medeniyyet.info.az/page/news/65401/Senetsunas-alim-Togrul-Efendiyev-vefat-edib.html
- ↑ https://medeniyyet.info.az/page/news/65401/Senetsunas-alim-Togrul-Efendiyev-vefat-edib.html
- ↑ https://kulis.az/xeber/media/togrul-efendiyev-vefat-etdi-44834
- ↑ https://pravda.az/news/99248
- ↑ https://ebooks.az/az/book/caqyfpb
- ↑ https://apa.az/art/emekdar-medeniyyet-iscisi-togrul-efendiyev-vefat-edib-736297
- ↑ https://medeniyyet.info.az/page/news/65401/Senetsunas-alim-Togrul-Efendiyev-vefat-edib.html