Tofiq Əliyev (29 noyabr 2004) — tamblinq (tramplin gimnastikası) üzrə yarışan Azərbaycan idmançısı, Azərbaycan milli komandasının üzvü. 2025-ci ildə Çinin Çendu şəhərində keçirilən Dünya Oyunlarında gümüş medal qazanaraq idman tarixində ilk dəfə "tam-tam-tam" (ing. "full-full-full" və ya "triple full"), hər bir saltoda 360° tam burulma ilə üçlü geri dönmə elementini rəsmi şəkildə icra etmişdir.
| Tofiq Əliyev | |
|---|---|
| Şəxsi məlumatlar | |
| Doğum tarixi | 29 noyabr 2004 (20 yaş) |
| İdman növü | Tamblinq[d] |
Tofiq Əliyev 29 noyabr 2004-cü ildə Bakı şəhərində dünyaya gəlmişdir.[1]
2017-ci ildə tamblinq üzrə Azərbaycan çempionu olub.[1] Həmin il Sankt-Peterburqda keçirilən beynəlxalq turnirdə 4-cü, Stavropolda 2-ci, Krasnodarda isə 1-ci yeri tutub. 2017-ci ildə Ukrayna çempionatında tamblinq üzrə 1-ci yerə layiq görülüb.
2021-ci ildə Rusiyanın Soçi şəhərində keçirilən batut üzərində tullanma və tamblinq üzrə Avropa çempionatında komanda hesabında bürünc medal qazanıb.
2022-ci ildə Bolqarıstanın Sofiya şəhərində keçirilən yaş qrupları üzrə dünya yarışlarında 2-ci yeri tutub. Eyni ildə Birmingemdə keçirilən Böyük Britaniya çempionatında tamblinq üzrə 3-cü, Azərbaycan çempionatında 2-ci, Bakı çempionatında isə 3-cü yeri tutub.[2] 2022-ci ilin martında Polşanın Krakov şəhərində keçirilən 9-cu beynəlxalq «Vavel» turnirində gümüş medal əldə edib. Həmin ilin iyununda Rimini şəhərində (İtaliya) keçirilən Avropa çempionatında komanda yarışlarında gümüş medal qazanıb.[3]
2023-cü ildə Birmingemdə keçirilən Birləşmiş Krallıq tamblinq çempionatında qızıl medal qazanıb. ABŞ-ın Palm-Biç şəhərində keçirilən Dünya Kubokunda gümüş, Krakovda keçirilən «Vavel 2023» beynəlxalq turnirində isə yenidən gümüş medal qazanıb. 2023-cü ilin oktyabrında Fransanın paytaxtı Parisdə keçirilən «Tumbling French Cup 2023» turnirində komanda hesabında qızıl medal əldə edib.[4]
2024-cü ilin aprelində Portuqaliyanın Gimaraynş şəhərində keçirilən Avropa çempionatında fərdi şəkildə gümüş, komanda yarışlarında isə qızıl medal əldə edib. 2024-cü il 7 dekabrda Danimarkanın Herninq şəhərində keçirilən «FaceOFF» yarışlarında qalib olub.[5][6][7]
2025-ci il 10 avqustda Çinin Çendu şəhərində keçirilən Dünya Oyunlarında 30,500 xal toplayaraq gümüş medal qazanıb. Həmin yarışda Tofiq Əliyev idman tarixində ilk dəfə olaraq "tam-tam-tam" (ing. "full-full-full" və ya "triple full") – hər bir dövrədə tam 360° fırlanma olmaqla üçlü arxa salto elementini uğurla icra edib. Bu element bundan əvvəl heç bir gimnast tərəfindən rəsmi şəkildə yerinə yetirilməmişdi.[8][9]
| Dünya çempionatı | |||
|---|---|---|---|
| İl | Yer | Medal | Növ |
| 2023 | Birminhem (Birləşmiş Krallıq) |  Qızıl
|
Tamblinq Komandası |
| Avropa Çempionatı | |||
| İl | Yer | Medal | Növ |
| 2021 | Soçi (Rusiya) |  Bürünc
|
Tamblinq Komandası (gənc) |
| 2022 | Rimini (İtaliya) | Bürünc
|
Tamblinq Komandası |
| 2024 | Gumaraynş (Portuqaliya) |  Gümüş
|
Tamblinq |
- ↑ 1 2 "Национальная сборная". agf.az. 28 fevral 2024 tarixində arxivləşdirilib. İstifadə tarixi: 18 aprel 2024.
- ↑ "Представители Азербайджана завоевала 4 медали на чемпионате Европы по прыжкам на батуте и тамблингу". Azertag (rus). 6 iyun 2022. 6 iyul 2022 tarixində arxivləşdirilib. İstifadə tarixi: 18 aprel 2024.
- ↑ "Азербайджанские тамблингисты завоевали 4 медали в Польше". Azertag (rus). 28 mart 2022. 20 aprel 2022 tarixində arxivləşdirilib. İstifadə tarixi: 18 aprel 2024.
- ↑ "Сборная Азербайджана по тамблингу завоевала золотую медаль на турнире в Париже". Azertag (rus). 1 oktyabr 2023. 2 dekabr 2023 tarixində arxivləşdirilib. İstifadə tarixi: 18 aprel 2024.
- ↑ "2024 European Trampoline Championships Results" (PDF). Европейский гимнастический союз (ingilis). 2024-04. 2024-04-09 tarixində arxivləşdirilib (PDF). İstifadə tarixi: 2024-04-18.
- ↑ "Азербайджанский гимнаст завоевал серебряную медаль чемпионата Европы". Azertag (rus). 7 aprel 2024. 12 aprel 2024 tarixində arxivləşdirilib. İstifadə tarixi: 18 aprel 2024.
- ↑ "Успешно выступившие на ЧЕ азербайджанские гимнасты вернулись на родину". Azertag (rus). 9 aprel 2024. 9 aprel 2024 tarixində arxivləşdirilib. İstifadə tarixi: 20 aprel 2024.
- ↑ "A world first in Men's Tumbling". www.gymnastics.sport. İstifadə tarixi: 20 sentyabr 2025.
- ↑ "Reddit - The heart of the internet". www.reddit.com. İstifadə tarixi: 20 sentyabr 2025.
- Tofiq Əliyev Azərbaycan Gimnastika Federasiyasının saytında profili