Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTyrannus couchii — Sərçəkimilər fəsiləsinə aid quş növü.
| Tyrannus couchii | ||||||||
|---|---|---|---|---|---|---|---|---|
 | ||||||||
| Elmi təsnifat | ||||||||
|
XƏTA: parent və rang parametrlərini doldurmaq lazımdır. ???: Tyrannus couchii |
||||||||
| Beynəlxalq elmi adı | ||||||||
|
||||||||
| ||||||||
Tyrannus couchii təxminən 17.78 sm uzunluğundadır. Böyük başı və dimdiyi var. Tünd, çəngəlşəkilli quyruğu var. Başı açıq boz rəngdədir və daha tünd yanaqlarla ziddiyyət təşkil edir. Üst hissələri boz-yaşıl rəngdədir. Açıq boğazı və daha tünd sinəsi var. Aşağı sinəsi parlaq sarı rəngdədir. Cavan fərdlərin alt hissələri yetkinlərdən daha qəhvəyi rəngdədir və qanadlarının kənarları açıq rəngdədir.[3]
Tyrannus couchii tez-tez oxşar olan tropik T. melancholicus ilə qarışdırıla bilər. Əslində Tyrannus couchii 1979-cu ilə qədər T. melancholicus ilə eyni növ kimi qəbul edilirdi. İki növü fərqləndirməyin ən asan yolu onların səsini dinləməkdir.Tyrannus couchiinin səsi daha qıcıq və daha mürəkkəbdir, tonu daha müxtəlifdir. Bundan əlavə Tyrannus couchii T. melancholicusdan fərqli olaraq daha meşəli mühitdə yaşayır. T. vociferans da Tyrannus couchiiilə qarışdırıla bilər. T. vociferansun baş rəngi daha tünddür və xarici quyruq lələklərinin ucları ağdır. Tyrannus couchii Tyrannus verticalisdən ağ xarici quyruq lələkləri və sinə rəngi ilə fərqlənir. Tyrannus verticalisun sinəsində başdan aşağıya doğru uzanan boz bir sahə var, Tyrannus couchiidə isə bu yoxdur.[4][5]
Tyrannus couchii cənubi Texas, şərqi Meksika, Beliz və şimal-şərqi Qvatemalaya endemikdir. Yüngül meşəli ərazilərdə, məsələn, seyrək meşələrdə, şəhərətrafı ərazilərdə, tikanlı meşələrdə və meşəli axarların kənarlarında yaşayır. Tyrannus couchii su yaxınlığında, xüsusilə çaylar yaxınlığında yaşamağı xoşlayır və tez-tez yol kənarlarında və meşə kənarlarında tapıla bilər. 2014-cü ilin dekabrında Nyu-York şəhərində səyyah bir fərd müşahidə edilmiş və bir çox quş müşahidəçisinin diqqətini cəlb etmişdir.[6]
Tyrannus couchii əsasən həşəratlarla qidalanır, lakin kiçik giləmeyvə və toxumlarla da qidalana bilər. Adətən böcək, çəyirtkə, eşşək arısı və iri milçək kimi böyük həşəratları yeyir. Bu quşun davranışları haqqında az məlumat olduğu üçün qidası tam olaraq məlum deyil. Digər kralquşlar kimi, Kauç kralquşu da əsasən oturaraq ətrafına nəzarət edir və həşərat hərəkətlərini izləyir. Ovunu havada tutur, üzərində asılı qalır və ya sürətlə enərək tutur. Sonra yenidən budaq üzərinə qayıdaraq həşəratları yeyir.[7][8]
Yuva qurma davranışı tam olaraq məlum deyil, lakin tropik kralquşuna bənzədiyi güman edilir. Tyrannus couchii yüngül meşəli ərazilərdə yuva qurmağı xoşlayır və tez-tez şəkər çəyirtkəsi, sidr qarağacı, Texas eben ağacı və Meksika dişbudağı ağaclarında yuva qurur. Yastı, fincan şəklində olan yuva əsasən dişi tərəfindən qurulur. Yuva budaqlar, yarpaqlar, otlar, mamır və qabıqdan ibarətdir və kökçüklər, bitki tükləri və ispan mamırı kimi yumşaq materiallarla döşənir. Yuva yer səviyyəsindən 8–25 m yüksəklikdə yerləşir və yetkinlər tərəfindən qorunur, böyük quşlar yuva yaxınlığından qovulur. İnkubasiya müddəti tam məlum deyil, lakin dişi tərəfindən təxminən iki həftədən bir qədər çox müddətə həyata keçirildiyi güman edilir. Dişi beş yumurta qoya bilər, lakin adətən hər yuvada üç-dörd yumurta olur. Yumurtalar çəhrayımtıl-sarı rəngdədir və tünd qəhvəyi və bənövşəyi ləkələrlə örtülüdür. Hər iki valideynin balaları qidalandırdığı güman edilir, lakin bu haqqında çox məlumat yoxdur. Balaların ilk uçuş yaşı təxminən 2–3 həftədir.[8]
Beynəlxalq Təbiəti Mühafizə Birliyi (IUCN) Ochetorhynchus melanurusu "Ən Az Narahatlıq Doğuran" kimi qiymətləndirib. Şünki populyasiya artmaqda davam edir. Texasda populyasiya sabitdir, lakin Meksikada şəhərləşmə və meşələrin tamamilə məhv edilməsi səbəbindən populyasiya dəyişkəndir.[9]
- ↑ Integrated Taxonomic Information System (ing.). 1996.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ "COUCH'S KINGBIRD | The Texas Breeding Bird Atlas". txtbba.tamu.edu. İstifadə tarixi: 15 mart 2021.
- ↑ "Couch's Kingbird Similar Species to, All About Birds, Cornell Lab of Ornithology". www.allaboutbirds.org (ingilis). İstifadə tarixi: 15 mart 2021.
- ↑ "Tropical, Couch's, and Western comparisons". www.birds.cornell.edu. İstifadə tarixi: 15 mart 2021.
- ↑ A vagrant caused bird-watchers' excitement in New York City in December 2014 (New York post "Couch's kingbird spotted for first time in New York", 29 December 2014: accessed 29 December 2014).
- ↑ "Couch's Kingbird Overview, All About Birds, Cornell Lab of Ornithology". www.allaboutbirds.org (ingilis). İstifadə tarixi: 15 mart 2021.
- ↑ 1 2 "Couch's Kingbird". Audubon (ingilis). 13 noyabr 2014. İstifadə tarixi: 15 mart 2021.
- ↑ BirdLife International. "Tyrannus couchii". IUCN Red List of Threatened Species. 2022. 2022: e.T22700488A137933642. İstifadə tarixi: 14 dekabr 2022.
- USGS
- Couch's kingbird videos on the Internet Bird Collection
- Couch's kingbird photo gallery VIREO Photo-High Res