Umud Mirzəyev (tam adı: Umud Rəhim oğlu Mirzəyev; 1 fevral 1961, Aşağı Əbdürrəhmanlı, Füzuli rayonu) — Beynəlxalq Avrasiya Mətbuat Fondunun (BAMF) prezidenti,[1] Əməkdar mədəniyyət işçisi, ictimai xadim, jurnalist və şair-publisist; Azərbaycan Yazıçılar Birliyinin üzvü, 2007-2022-ci illərdə Azərbaycan Mətbuat Şurasının sədr müavini, hal-hazırda isə idarə heyətinin üzvü.[2]
| Umud Rəhimoğlu | |
|---|---|
| Umud Rəhim oğlu Mirzəyev | |
 | |
| Doğum tarixi | 1 fevral 1961 (65 yaş) |
| Doğum yeri | |
| Vətəndaşlığı |
 SSRİ Azərbaycan |
| Təhsili | M.Qorki adına Ədəbiyyat İnstitutu |
| Fəaliyyət illəri | 1982-ci ildən |
| Tanınır |
jurnalist ictimai xadim şair-publisist |
| Mükafatları |
    |
 Vikianbarda əlaqəli mediafayllar | |
.svg){kind=small}
Umud Mirzəyev 1961-ci ilin fevral ayında Füzuli rayonunun Aşağı Əbdürrəhmanlı kəndində anadan olub. 1968-1978-ci illərdə Aşağı Əbdürrəhmanlı kənd orta məktəbində təhsil alıb.[3] 1979-1981-ci ilərdə Monqolustanda ordu sıralarında hərbi xidmət keçib. 1982-ci ildə Moskvada M.Qorki adına Ədəbiyyat İnstitutunun poeziya şöbəsinə qəbul olunub və 1987-ci ildə təhsilini başa vurub.[4] 1988-ci ildə Azərbaycan Yazıçılar İttifaqının mətbu orqanı olan "Ədəbiyyat və incəsənət" qəzetində əmək fəaliyyətinə başlayıb. 1989-1993-cü illərdə isə həmin qəzetin "Elm, publisistika və məktublar" şöbəsinə rəhbərlik edib.[2]
Umud Mirzəyev ailəlidir, üç övladı var.[2]
Əmək fəaliyyətinə 1982-ci ildə Sumqayıt Şəhər İstilik-Elektrik Mərkəzində başlayıb. 1988-ildə Azərbaycan Yazıçılar İttifaqının mətbu orqanı olan "Ədəbiyyat və incəsənət" qəzeti ilə əməkdaşlıq edib. 1989–1993-cü illərdə həmin qəzetin "Elm, publisistika və məktublar" şöbəsinə rəhbərlik edib.[3] U.Mirzəyev 1992-ci ildən fəaliyyətə başlayan və bu gün BMT-nin İqtisadi-Sosial Şurasının ən yüksək statuslu üzvü olan Beynəlxalq Avrasiya Mətbuat Fondunun (BAMF) qurucusu və prezidentidir.[5]
Umud Mirzəyevin təşəbbüsü ilə müxtəlif ölkələrin jurnalistlərinin dəstəyi ilə yaradılan BAMF, xarici media nümayəndələrinin keçmiş Sovet məkanındakı münaqişə bölgələrinə səfərlərinin təşkili və obyektiv informasiyanın yayılması istiqamətdə fəaliyyət göstərib. Onun rəhbərliyi ilə BAMF, Dağlıq Qarabağ münaqişəsinin ən qaynar vaxtlarında xarici ölkələri təmsil edən jurnalistlərin, xalq diplomatlarının cəbhə xəttinə yaxın ərazilərə yüzdən artıq səfərlərini reallaşdırmış, Ermənistan ordusunun törətdiyi cinayətlərlə bağlı obyektiv məlumatların dünya ictimaiyyətinə çatdırılması istiqamətində xidmətlər göstərmişdir.
Umud Mirzəyev 1996-cı ildən BMT-nin media və vətəndaş cəmiyyəti qurumları ilə birgə MDB ölkələrində həyata keçirdiyi QHT konfranslarının və beynəlxalq qurumların Cənubi Qafqaz regionu üzrə tədqiqat qruplarının fəal üzvü olub.
U.Mirzəyev 2012-2016-cı illərdə dünyanın tanınmış media qurumlarını özündə birləşdirən Beynəlxalq Mətbuat İnstitutunun (BMI) İdarə Heyətinin, 2013-cü ildən etibarən isə Nobel Sülh mükafatı laureatı olan Beynəlxaq Sülh Bürosunun Ali Şurasının üzvü və qurumun 18 Qərbi Asiya ölkəsi üzrə nümayəndəsi seçilmişdir.[3]
2012-ci ilin sentyabrında Beynəlxalq Mətbuat İnstitutu ilə birgə Bakıda keçirilən və dünyanın 27 ölkəsindən 200-dən yuxarı peşəkar media mənsubunun iştirakı ilə keçirilən "Neft, Qaz və Media konfransı"nın təşəbbüskarı və təşkilatçısıdır. Beynəlxalq Mətbuat İnstitutunun milli komitələrinin Bakı toplantısının təşkilatçısı, "Bakı deklorasiyası"-nın müəllifidir.
Onun Azərbaycanda vətəndaş cəmiyyətinin formalaşmasında və inkişafında, QHT-dövlət münasibətlərinin güclənməsində xidmətləri vardır və Azərbaycan Milli Qeyri Hökumət Təşkilatları Forumunun qurucularındandır.[5]
Azərbaycan Respublikası Prezidenti seçkiləri ilə əlaqədar yaradılan "Seçki-2008" və "Seçki 2013" Qeyri-Hökumət Təşkilatları Koalisiyasının təsisçilərindən olub və koalisiyaya rəhbərlik edib.
Umud Mirzəyev 2009-cu il mayın 22-də Azərbaycan Respublikasının Prezidenti İlham Əliyevin sərəncamı ilə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasına üzv təyin edilib. 2009-2016-ci illərdə həmin qurumun Müşahidə Şurasına sədrlik edib.[2]
ADA Universiteti ilə birgə Nobel Sülh mükafatı laureatı, BMT-nin Baş Katibinin Sülh çağrışçısı, dünyanın 124 ölkəsinin müxtəlif fəxri adlarına layiq görülmüş prof. Məhəmməd Yunusun ölkəmizə səfərinin təşkilatçısıdır.
Umud Mirzəyev həmçinin, Azərbaycan Dövlət Pedaqoji Universiteti yanında İctimai Şuranın sədridir.
Onun rəhbərlik etdiyi təşkilatın Qarabağ münaqişəsi ilə bağlı 10-dan yuxarı bəyanatı BMT–nin rəsmi səhifəsində dərc edilmiş, BMT-nin Nyu-York, Cenevrə ofislərində Azərbaycan həqiqətləri ilə bağlı paralel sessiyalar, tədbirlər keçirilmiş, çoxsaylı nəşrlər, müraciətlər hazırlanmışdır. BMT-nin Cenevrə ofisində BAMF-ın təmsilçisi vasitəsi ilə erməni vandalizmi, erməni işğalçılıq siyasəti haqda hazırlanan bəyanat dünya liderlərinin çap olunduğu "Diva İnternational Diplomat" və "Diva İnternational Geneve" jurnallarında nəşr edilərək BMT-nin bütün ofislərində yayılmışdır.
Ermənistanın Azərbaycana təcüvüzünün nəticələrini özündə əks etdirən, müharibənin infrastruktura vurduğu ziyanın aradan qaldırılması istiqamətində çoxsaylı proqramların və layihələrin müəllifidir. Qarabağda törədilən vandalizm aktlarını nümayiş etdirən "Atəşkəs", "Mədəni İrsimizin səsi", "Su müharibə maşını" və s. sənədli filmlərin, sosial çarxların BMT paralel sessiyalarında, Dünya Su Şurasının toplantılarında, BMT İnsan Haqqları Komitəsinin iclaslarında əsas təqdimatçısıdır.[6]
CNN, BBC, Əl-Cəzirə, CGTN, DND və dünyaca məşhur digər televiziya kanallarında ölkəmiz haqda məlumatların yer almasında müstəsna xidmətlər göstərmişdir. 2019-cu ildə onun təşəbbüsü ilə Əl Cəzirə Media Şəbəkəsi və BAMF arasında bağlanan memorandum əsasında Azərbaycanı tanıtım üçün çəkilmiş hər biri 25 dəqiqədən ibarət olan 5 sənədli film bir ay müddətində həmin kanalda çoxmilyonluq ərəb dünyasına təqdim edilmişdir. Onun rəhbərliyi ilə macar jurnalistlərlə birgə Qarabağ həqiqətlərini dünyaya çatdırmaq üçün çəkilən "Atəşkəs" sənədli filmi 2020-ci ildə Türk Dövlətləri Film Festivalında yüksək mükafata layiq görülmüşdür.
Umud Mirzəyev 2007-2022-ci illərdə Azərbaycan Mətbuat Şurasının sədr müavini, hal-hazırda isə idarə heyətinin üzvü,[2] Azərbaycan Yazıçılar Birliyinin üzvü[3] və eyni zamanda Azərbaycan Respublikasının Minatəmizləmə Agentliyinin (ANAMA) yanında ictimai şuranın sədridir.
Dünyadan və xüsusi ilə də münaqişə bölgələrindən obyektiv informasiya verilməsi məqsədi ilə 2015-ci ildə yaradılan və 5 dildə (ingilis, rus, türk, ərəb, azərbaycan) yayımlanan "Avrasiya Gündəliyi" analitik-informasiya saytının daxil olduğu "Avrasiya Media Şəbəkəsi"-nin təsisçidir.
Vətən müharibəsi dövründə Tərtər, Bərdə, Gəncə, Ağdam, Goranboy, Füzuli istiqamətindəki ən qaynar nöqtələrdən 40-dan çox televiziya reportajını və 100-dən çox canlı yayımları dünyaya təqdim edən Əl Cəzirə televiziyasını ölkəyə dəvət və müşayət edərək, ölkəmiz haqda həqiqətlərin dünyaya yayılmasında xüsusi xidmətlər göstərmişdir.
Umud Mirzəyev 2010-cu ildə Azərbaycan Respublikası Prezidentinin 22 iyul 2010-cu il tarixli sərəncamı ilə "Əməkdar mədəniyyət işçisi" fəxri adına layiq görülmüşdür. 2019-cu ildə Azərbaycan Respublikası Prezidenti İlham Əliyevin sərəncamı ilə "Azərbaycan Xalq Cümhuriyyətinin 100 illiyi (1918-2018)" yubiley medalı və 2024-cü ildə "Azərbaycan Dövlət Pedaqoji Universitetinin 100 illiyi (1921–2021)" yubiley medalı ilə təltif edilmişdir.
2024-cü ildə Dövlət Sərhəd Xidmətinin "Hərbi əməkdaşlıq sahəsində xidmətlərə görə" medalı və 2025-ci ildə Azərbaycan Respublikası Prezidentinin müvafiq Fərmanı ilə təsis edilən "Azərbaycan milli mətbuatının 150 illiyi (1875–2025)" yubiley medalı ilə təltif edilmişdir.[6]
- ↑ "Beynəlxalq Avrasiya Mətbuat Fondunun prezidenti Umud Mirzəyev Qətərdə səfərdədir" (az.). https://iepf-ngo.org. 20 fevral 2026 tarixində arxivləşdirilib. İstifadə tarixi: 20 fevral 2026.
- 1 2 3 4 5 (az.). https://www.presscouncil.az. 03 Oct 2022 https://www.presscouncil.az/az/board-public-representatives/281 (#bare_url_missing_title). 20 Feb 2026 tarixində arxivləşdirilib. İstifadə tarixi: 20 fev 2026.
- 1 2 3 4 "Umud Mirzəyevin 65 illik yubileyinə həsr olunmuş tədbir keçirilib" (az.). https://525.az. 20 fevral 2026 tarixində arxivləşdirilib. İstifadə tarixi: 20 fevral 2026.
- ↑ Beynəlxalq Avrasiya Mətbuat Fondunun sədri Umud Mirzəyev[ölü keçid]
- 1 2 "Umud Mirzəyev beynəlxalq təşkilatda idarə heyətinə üzv seçilib" (az.). https://modern.az. 20 fevral 2026 tarixində arxivləşdirilib. İstifadə tarixi: 20 fevral 2026.
- 1 2 Gülşən BEHBUD. ""Toplum olaraq, millət olaraq bizim uğurumuz bizim birlikdə olmağımızdan keçir" - Umud Mirzəyev" (az.). https://hafta.az. 24 iyul 2025. İstifadə tarixi: 20 fevral 2026.
- BAMF-ın prezidenti: Sərsəng su anbarından siyasi məqsədlər üçün istifadə olunması dayandırılmalıdır
- Umud Mirzəyev Udmurtiya rəhbərinə BAMF-ın ali mükafatını verib
- Umud Mirzəyev beynəlxalq təşkilatda idarə heyətinə üzv seçilib
- Umud Mirzəyev: Söz azadlığı pərdəsi arxasında mətbuatın adını ləkəyənlərin üzə çıxarılması vacibdir