Vüqar Novruzov (dövlət xadimi)
Vüqar Vahid oğlu Novruzov (7 oktyabr 1980, Bakı) — Göygöl rayon İcra Hakimiyyətinin başçısı (2025), Naftalan Şəhər İcra Hakimiyyətinin başçısı (2019-2025).
| Vüqar Novruzov | |
|---|---|
 | |
Vəzifədədir | |
| 12 noyabr 2025-ci ildən | |
| Əvvəlki | Elvin Paşayev |
| 4 dekabr 2019 – 12 noyabr 2025 | |
| Əvvəlki | Rövşən İbrahimov |
| Şəxsi məlumatlar | |
| Doğum tarixi | 7 oktyabr 1980 (45 yaş) |
| Doğum yeri | |
| Təhsili | |
| Atası | Vahid Novruzov |
|
|
|
| Təltifləri |
  |
 Vikianbarda əlaqəli mediafayllar | |
Vüqar Novruzov 7 oktyabr 1980-ci ildə Bakı şəhərində anadan olub. 2001-ci ildə Azərbaycan Texniki Universitetinin Mühəndis-menecmenti ixtisası üzrə bakalavr, 2004-cü ildə Azərbaycan Dövlət İqtisad Universitetinin Mühasibat uçotu və audit ixtisası üzrə magistratura pilləsini, 2017-ci ildə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi ixtisası üzrə magistratura pilləsini bitirib.[1]
Yeni Azərbaycan Partiyasının üzvüdür. Dövlət qulluğunun baş müşaviridir.
Ailəlidir, üç övladı var.
Fəaliyyətinə 2002–2003-cü illərdə Azərbaycan Respublikasının Hesablama Palatasının Təşkilat şöbəsində böyük mütəxəssis kimi başlayıb. 2003–2007-ci illərdə Azərbaycan Respublikası Hesablama Palatasının böyük mütəxəssisi, məsləhətçisi, aparıcı məsləhətçisi, sektor müdiri, 2007–2019-cu illərdə Azərbaycan Respublikası Prezidentinin Administrasiyasının Ərazi-təşkilat məsələləri şöbəsində məsləhətçi, baş məsləhətçi vəzifələrində çalışıb. Bakı şəhəri Xəzər Rayon İcra Hakimiyyəti başçısının 27 sentyabr 2019-cu il tarixli 107 nömrəli əmri ilə Xəzər Rayon İcra Hakimiyyəti başçısının müavini vəzifəsinə təyin edilib.[2]
Azərbaycan Respublikası Prezidentinin 4 dekabr 2019-cu il tarixli Sərəncamı ilə Naftalan Şəhər İcra Hakimiyyətinin başçısı vəzifəsinə təyin edilib.[3]
Azərbaycan Respublikasının Prezidenti İlham Əliyevin 12 noyabr 2025-ci il tarixli sərəncamı ilə Naftalan Rayon İcra Hakimiyyətinin başçısı vəzifəsindən azad olunub. Prezidentin digər sərəncamı ilə Göygöl Rayon İcra Hakimiyyətinin başçısı təyin edilib[4]
Azərbaycan Respublikası Prezidentinin 2 fevral 2024-cü il tarixli Sərəncamı ilə "Heydər Əliyevin 100 illiyi (1923–2023)" yubiley medalı ilə, 21 iyun 2017-ci il tarixli Sərəncamı ilə "Dövlət qulluğunda fərqlənməyə görə" medalı ilə təltif olunmuşdur.
- ↑ "İcra başçısı təyin edilən 39 yaşlı Vüqar Novruzov kimdir?". 4 dekabr 2019 tarixində arxivləşdirilib. İstifadə tarixi: 26 noyabr 2019.
- ↑ "Prezident İlham Əliyev Vüqar Novruzovu Naftalan Şəhər İcra Hakimiyyətinin başçısı təyin edib". 04 Dec 2019 - 04 Dec 2019 tarixində arxivləşdirilib. İstifadə tarixi: 2019-11-26.
- ↑ "V.V.Novruzovun Naftalan Şəhər İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 4 dekabr 2019 tarixində arxivləşdirilib. İstifadə tarixi: 26 noyabr 2019.
- ↑ "Naftalanın icra başçısı vəzifəsindən azad edildi, Göygölə təyin olundu". Oxu.az (az.). İstifadə tarixi: 12 noyabr 2025.