Vikipediya:İnzibatçılar

İnzibatçılar Vikipediyada aşağıdakı texniki imkanlara malik olan istifadəçilərdir:

• Səhifələri və yüklənmiş faylları və onların versiyalarını patrullamaq, silmək, bərpa etmək, silinmiş versiyalarına baxmaq və adlarını dəyişmək;
• səhifələri mühafizə etmək, mühafizəni kənarlaşdırmaq və mühafizə olunan səhifələrdə etmək;
• faylları yükləmək, adını dəyişmək və yeni versiyasını yükləmək;
• istifadəçiləri, fərdi IP ünvanlarını və IP diapazonlarını bloklamaq və blokdan çıxarmaq. Bu əməliyyatlardan və sürət məhdudiyyətlərindən təsirlənməmək;
• bəzi interfeys səhifələrini etmək (həmçinin bax: Vikipediya:İnterfeys inzibatçıları#Texniki_icazələr);
• istifadəçi qruplarını əlavə etmək və silmək;
• xüsusi jurnal qeydlərini və səhifələrdəki düzəlişlərin versiyalarını silmək və bərpa etmək;
• səhifələrin tarixçəsini birləşdirmək;
• sui-istifadə filtirlərini dəyişmək və məxfi kimi işarələnmiş filtirlərə baxmaq;
• səhifələri köçürərkən mənbə səhifələrdən yönləndirmə yaratmaq;
• birdən çox istifadəçiyə mesaj göndərmək (massmessage);
• API sorğularında daha yüksək limitlərdən istifadə etmək;
• teqləri yaratmaq, deaktiv etmək və silmək;
• CAPTCHA tələb edən fəaliyyətlərdən yan keçmək;
• digər vikilayihələrdən səhifələr idxal etmək;
• yeni istifadəçi hesabları yaratmaq;
• istifadəçinin mentorunu təyin etmək.

Bunlar hamısı birlikdə inzibatçı alətləri kimi bilinir. Daha geniş məlumat üçün bax: Xüsusi:QrupHüquqlarıSiyahısı#inzibatçı

İnzibatçılar Azərbaycanca Vikipediya icması tərəfindən səsvermə yolu ilə seçilərək əlavə texniki işləri öz üzərinə götürmüş və idarəetmə alətləri həvalə edilmiş təcrübəli və etibarlı istifadəçilərdir. Hər inzibatçının müxtəlif maraq və təcrübə sahələri var, lakin tipik admin fəaliyyətlərinə aid olan silmə müraciətlərinə baxılması və müraciətin bağlanması, müəllif hüquqları pozuntularının silinməsi, lazım olduqda faylların və səhifələrin bərpa edilməsi, Vikipediyanı vandalizmdən qorumaq, şablonlar və digər mühafizə edilən səhifələr üzərində işləmək daxildir. Təbii ki, bu tapşırıqların bəzilərini inzibatçı olmayanlar da edə bilər.

İnzibatçılardan layihənin məqsədlərini başa düşmələri və bu məqsədlər üçün başqaları ilə konstruktiv işləməyə hazır olmaları gözlənilir. İnzibatçılar həmçinin Vikipediyanın qaydalarını anlamalı və onlara əməl etməlidirlər. Habelə lazım olduqda icma konsensusuna hörmət etməlidirlər.

İnzibatçı alətlərinin tətbiq edilməsi xaricində inzibatçıların xüsusi bir redaktor hüquqları yoxdur. Müzakirələrdə və səsvermələrdə rolları digər istifadəçilərlə eynidir.