Azərbaycan təsiri — Azərbaycan linqvistik və mədəni mühitinin təsir dairəsinin inkişaf tarixi, Azərbaycan dili, mədəniyyəti, adət-ənənələri, elmi, siyasəti və s. sahələrin müxtəlif bölgələrdə və xalqlarda oynadığı rol, həmçinin Azərbaycan Respublikasının kənardakı Azərbaycan icmalarına təsiri. Hal-hazırda Azərbaycan dili adlandırılan türk dili tarixən XorasandanAnadoluya, QafqazdanBağdada qədər yayılmışdı. XIV əsrdən etibarən İran Azərbaycanından və İrandan başqa Cənubi Qafqaz, Şərqi Anadolu və İraqın bəzi hissələrində də Azərbaycan dilində ədəbiyyat yüksək səviyyədə inkişaf etmişdir. Azərbaycan ədəbiyyatı Osmanlı, Türkmən və Çağatay ədəbiyyatları arasında körpü rolunu oynamışdır. Osmanlı dövlətində paytaxtdan uzaq regionlarda, həcc və ticarət yollarında hərəkət edən karvanlar vasitəsilə Osmanlı şairləri ilə Azərbaycan şairləri arasında qəzəl və digər nəzm növlərinin bir növ "mübadilə"si aparılmışdır.
