Vikipediya:Kənd meydanı/Arxiv/Dekabr/2025

Salam. İndiki durumda VP:Qiymətləndirmə və VP:Məqalə namizədləri səhifələrində faktiki olaraq iş dayanıb. 5 il öncə VP:Laboratoriya sisteminin üçmərhələli sistemdən, hazırki ikimərhələli sistemə keçməsi barədə qərar versək də, təəssüf ki, yenə də, orada işlək mexanizm qura bilməmişik. Birinci mərhələdə qərarvermə demək olar ki, əksərən mənim tərəfimdən aparılır. İkinci mərhələdə isə müzakirədə iştirak ya kütləvi dəvətlə olur (normaldır), ya da 1-2 nəfərin iştirakı ilə yekunlaşır. Beləliklə, məqalə Ana səhifəyə ötürülür. Nəticə olaraq məqalələr ya birinci mərhələdə aylarla (1 il gözləyən məqalə də var) gözləyir, ya da ikinci mərhələdə yenə də aylarla gözləyərək 1-2 nəfərin qərarı ilə Ana səhifəyə çıxır. Bu da, yoxlama prosesinin kifayət qədər keyfiyyətli olmamasına və Ana səhifənin yeni məqalələr ilə tez-tez təmin edilməməsinə gətirib çıxarır.

Təklif edirəm en-vikidəki kimi ikimərhələli sistemdən birmərhələli sistemə keçək. Belə ki, VP:Məqalə namizədlərində onsuz da 1 nəfər inzibatçı/yoxlayıcı məqalələri yoxlayır və ikinci mərhələyə, yəni müzakirə mərhələsi olan VP:Qiymətləndirməyə ötürür. Beləliklə, onsuz da işlək olmayan VP:Qiymətləndirməni ləğv edərək, həm işi sürətləndirə bilərik, həm də məqalələri 1 nəfərin daha dərindən yoxlamasını təmin edə bilərik. En-vikidə müvafiq yoxlayan istifadəçi məqaləni hazırlayan istifadəçiyə boşluqları göstərərək, müvafiq SM/YM/SS qaydalarına əsasən düzəltməsi barədə tapşırıqlar verir. Yekunda istifadəçi məqaləni normal vəziyyətə gətirdikdən sonra proses yekunlaşır və məqaləyə status verilir (bax). 1 nəfərin VP:Məqalə namizədlərində məqaləni 1 dəfəyə səthi yoxlayıb, VP:Qiymətləndirməyə keçirməsindənsə, daha normal yoxlayıb, birbaşa status verməsi daha yaxşı olmazmı?

Yuxarıda təklif etdiyim sistemin tətbiq edilməsini  dəstəkləyirəm, daha sürətli və keyfiyyətli olar. Təbii ki, başqa təkliflər də ola bilər. Bütün hallarda düşünürəm ki, bu məsələni müzakirə etməliyik. Turkmen ^müzakirə 06:47, 25 noyabr 2025 (UTC)

Belə təklifi  dəstəkləyirəm. Əsas məsələ yenə aktivlik və marağın olmamasıdır. Bu cür sınayaq, daha uğurlu olacağına ümid edirəm. Bu layihə bizim "qanayan yaramızdır". Burada da əsas yük Turkmenə düşür. İnzibatçı kimi qeyd etdiyim digər bütün istiqamətlərdə töhfə verməyimə baxmayaraq, buna vaxtım çatmır. Ara-sıra göz atma imkanı tapıram. Bəzən də imkan tapıb məqalə yazanda ora yolum düşür. Həm də hər mövzu barədə məlumat sahibi olmuram, həmişə eyni bir neçə nəfərlə olan iş də deyil. Ümumiyyətlə, bu bölməni eləcə inzibatçıların məsuliyyətinə vermək düzgün deyil, çünki nə isə texniki məhdudiyyətli bir iş deyil. Kor-koranə nəzərdən keçirmək və səthi baxıb mövqe bildirmək də düzgün deyil. Bu fikir məndə də var idi, təşəbbüs qaldırdığınız üçün təşəkkür edirəm. Mən imkan olduqca qaydalar üzərində işləməyə davam edəcəm, hətta işi sürətləndirmək üçün bu barədə qrup yaratmağı da düşünürəm. Düşünürəm ki, qaydaların tamamlanması da ən az bunun qədər vacib məsələdir, bəlkə də ən vacib. Hörmətlə, Qədir (müzakirə) 08:34, 25 noyabr 2025 (UTC)

Bunun problemi sistemdə deyil, iştiraksızlıqdandır. Belə baxıram, birmərhələli sistem bəs edir bizim üçün --► Hörmətlə: ChanisCaucasi 00:39, 26 noyabr 2025 (UTC)

 Lehinə Nemoralis (müzakirə) 10:37, 27 noyabr 2025 (UTC)

•  dəstəkləyirəm --Tarixi Nadir (müzakirə) 08:13, 27 noyabr 2025 (UTC)

  Yoxlama prosesi əsas inzibatçıların fəaliyyət dairəsində olduğu üçün, düşünürəm ki, onların fikirləri də vacibdir: @Araz Yaquboglu, @Atakhanli, @Qədir, @Nemoralis, @Nicat49, @Sortilegus, @Sura Shukurlu, @Toghrul R, @Wertuose, @White Demon. Turkmen ^müzakirə 10:34, 27 noyabr 2025 (UTC)

  İş orasıdır ki, indi də yoxlayan olmayacaq, ya da səthi baxılıb qəbul ediləcək. Araz Yaquboglu (müzakirə) 13:24, 27 noyabr 2025 (UTC)

  EnVikidə istifadəçi çoxdur, hər mövzudan başı çıxan bir nəfər tapmaq olur. Bizdə istifadəçilər çox azdır. Məsələn, mən anime və manqa mövzusunda məqalə yazsam, inanmıram ki, hansısa istifadəçi məqaləni dərindən qiymətləndirə, səthi qiymətləndirmə baş verəcək. Amma indiki sistem də yaxşı deyil, mən də düşünürəm ki, dəyişməlidir. Sousou no Frieren 15:17, 27 noyabr 2025 (UTC)

   Lehinə effektiv olacağını düşünmürəm ancaq dəyişilməsi daha uyğun olar. — ReiKaze🌸 (müzakirə) 05:42, 28 noyabr 2025 (UTC)

Bizdə bəzi qaydalar böyük vikilərdəkinə uyğunlaşdırılıb, halbuki istifadəçi sayımız və hər hansı mövzuya maraq göstərən istifadəçilərimiz elə də çox deyil. Ona görə təklifi dəstəkləyirəm.--Wertuose (müzakirə) 14:46, 1 dekabr 2025 (UTC)

Salam. Hərbi xidmətlə əlaqədar olaraq, gələn ayın 5-dən etibarən, buradakı fəaliyyətimə 1 illik ara verməliyəm. Sizləri tanımaq və burada olmaq mənim üçün həmişə maraqlı və xoş olub. Həm online, həm də offline bu layihə və insanlarla kifayət qədər maraqlı xatirələrim var. Bu mesajı yazmamışdan əvvəl, heç bu qədər təsirlənəcəyimi də düşünməmişdim, amma yazarkən bunu hiss edirəm. Hər birinizə şəxsi işlərinizdə, buradakı fəaliyyətinizdə uğurlar və sağlıq arzu edirəm.

İstifadəçi hüquqlarımla bağlı VP:İBSQ-də hərbi xidmət bəndi olsa da, müzakirəni sizə buraxıram. Belə anda bu haqda danışmağım da, düşünürəm ki, doğru olmaz.

Görüşənədək, Turkmen ^müzakirə 09:59, 15 dekabr 2025 (UTC)

Yolunuz açıq olsun. Hörmətlə, Qədir (müzakirə) 10:04, 15 dekabr 2025 (UTC)

Yolunuz açıq olsun — Bikar ^müzakirə 11:02, 15 dekabr 2025 (UTC)

Sağ salamat gəlin.--namikilisu 13:17, 15 dekabr 2025 (UTC)

@Turkmen sağ salamat qayıdasınız🙏🏽 -- 𖣂︎ QRAF 𖣂︎   (✉ → ♕) 13:57, 15 dekabr 2025 (UTC)

Sağ salamat! Nemoralis (müzakirə) 14:31, 15 dekabr 2025 (UTC)

Sağ-salamat, Türkmən Atakhanli (müzakirə) 15:48, 15 dekabr 2025 (UTC)

Sağ salamat gedib. Sağ salamat qayıdasan Allahın izni ilə @Turkmen. Hörmətlə, Vikotals (müzakirə) 17:41, 15 dekabr 2025 (UTC)

sağ-salamat --► Hörmətlə: ChanisCaucasi 20:07, 16 dekabr 2025 (UTC)

Sağ salamat gəl NurAy (müzakirə) 11:59, 17 dekabr 2025 (UTC)

Sağ salamat! Alisoyjavid (müzakirə) 18:05, 17 dekabr 2025 (UTC)

Sağ-salamat get gəl. Sousou no Frieren 02:16, 18 dekabr 2025 (UTC)

Yolunuz açıq olsun hörmətli Turkmen --Xayala Mammadli (müzakirə) 07:45, 18 dekabr 2025 (UTC)

Yolunuz açıq olsun, sağ-salamat gedib-gəlin İnşəAllah, həmkar! -- Rüfət Həsənli 21:16, 18 dekabr 2025 (UTC)

Sağ-salamat !--Nicat^{49   ⋠müzakirə⋡} 21:29, 18 dekabr 2025 (UTC)

Sağ-salamat! Sura Shukurlu (müzakirə) 08:05, 21 dekabr 2025 (UTC)

Sağ-salamat! كتب محمد (müzakirə) 10:00, 21 dekabr 2025 (UTC)

Uğurlar arzulayır, yolunu səbirsizliklə gözləyəcəyik. Araz Yaquboglu (müzakirə) 11:34, 21 dekabr 2025 (UTC)

bir uğurlar & sağ-salamat gedib-qayıtmağınızı arzulayıram, bir də qayıdanda müsbət mənada təəccüblənəcəyiniz bir vikipediya :D əkrəm. 12:17, 21 dekabr 2025 (UTC)

Vətənə xidmət yolunda güc, səbr və uğur arzulayıram Turkmen! Patriot (müzakirə) 09:04, 24 dekabr 2025 (UTC)

Uğurlar arzulayıram! İnşallah, sağ-salamat geri qayıdasan!--Sortilegus (müzakirə) 09:09, 24 dekabr 2025 (UTC)

Təşəkkür edirəm hər kəsə! Turkmen ^müzakirə 19:29, 24 dekabr 2025 (UTC)

Sağ-salamat! — Xeyal ^(müzakirə) 21:30, 24 dekabr 2025 (UTC)

Salam, təklif edirəm ki, qəpik və manat məqalələrinin başlıqlarını sadə və ümumişlək şəkildə "1 manat" və "20 qəpik" edək. Hazırda isə hər birinə "1 manatlıq əsginas" və "20 qəpiklik sikkə" qeyd edilib. Ümumiyyətlə, bunları birləşdirmək də olar. Hörmətlə, Qədir (müzakirə) 12:43, 5 dekabr 2025 (UTC)

 Şərh: Salam birləşdirilməsinin əlehinəyəm ancaq adlandırmada sikkə və əsginas olaraq qalması uyğun deyil bu adlandırma tarixi əskinaslara verilməsi daha uyğundur. Manat və qəpik olaraq dəyişdirlməsi daha uyğundur. - ReiKaze🌸 (müzakirə) 14:54, 5 dekabr 2025 (UTC)

Mən qarşı deyiləm əslində, amma digər istifadəçilərin fikirləri maraqlıdır. Sousou no Frieren 17:47, 6 dekabr 2025 (UTC)

Təklifinizə qatılıram, sadəcə Türkmənistanın da pul vahidi Manat olduğu üçün bu zaman dəqiqləşdirməni etsək, daha yaxşı olar. -- Rüfət Həsənli 21:50, 14 dekabr 2025 (UTC)

təklifə qatılıram. Alisoyjavid (müzakirə) 18:04, 17 dekabr 2025 (UTC)

Salam. Bu mövzuda öz fikrimi bölüşmək istəyirəm. Məncə, inzibatçı köməkçisi kimi ayrıca bir vəzifənin olması inzibatçıların işini yüngülləşdirə bilər. Bu status inzibatçı səlahiyyətlərini əhatə etməməlidir və inzibatçı alətlərinə çıxış verilməməlidir.

İnzibatçı köməkçiləri yalnız texniki olmayan sahələrdə fəaliyyət göstərə bilərlər: yeni lərin izlənməsi, qayda pozuntularının inzibatçılara bildirilməsi, müzakirələrin izlənməsi və xülasələndirilməsi, yeni istifadəçilərə istiqamət verilməsi və mentorluq, eləcə də icma ilə əlaqələndirmə kimi işlərdə dəstək vermək. Köməkçini İnzibatçı özü seçir, 2 köməkçi seçə bilər. İnzibatçı istənilən vaxt köməkçini çıxarda bilər-dəyişə bilər. Məncə Vikipediyada belə birşey olsa gözəl olar.

Bu, yalnız şəxsi fikrimdir. İnzibatçıların və Vikipediyaçıların bu mövzuda rəy və təkliflərini bilmək istərdim. @Sortilegus, @Wertuose, @Araz Yaquboglu, @White Demon, @Nicat49, @Turkmen, @Toghrul R, @Atakhanli, @Nemoralis, @Sura Shukurlu, @Qədir, @ChanisCaucasi. Hörmətlə, Alisoyjavid (müzakirə) 23:46, 17 dekabr 2025 (UTC)

Bunları etmək üçün hüquq lazım deyil ki. Hüquqsuz da etmək olar. Hörmətlə, Qədir (müzakirə) 00:05, 18 dekabr 2025 (UTC)

@Qədir bəy mənim fikrim bir az daha fərqlidir. Məncə, istifadəçi inzibatçı seçildiyi zaman özünə 1 və ya 2 köməkçi təyin etsin. Bu mexanizmin rəsmi şəkildə müəyyənləşdirilməsi işi daha sistemli edər.

Bəli, sadaladığımız bəzi işləri hazırda hüquqsuz da etmək mümkündür. Amma rəsmi status və məhdud hüquqlar olduqda həm məsuliyyət daha aydın olar, həm də inzibatçı–köməkçi əməkdaşlığı daha effektiv şəkildə qurular. Bu, inzibatçı alətlərinin verilməsi demək deyil, lakin müəyyən texniki və ya təşkilati imkanların ayrıca müəyyənləşdirilməsi faydalı ola bilər.

Bu yanaşmanın məqsədi inzibatçıların yükünü real şəkildə bölüşdürmək və idarəçilik prosesini daha səmərəli etməkdir. Əlbəttə, bu yalnız təklifdir və Hərkəsin bu mövzuda fikirlərini eşitmək maraqlıdır. Şərhiniz üçün təşəkkürlər! Hörmətlə, Alisoyjavid (müzakirə) 00:10, 18 dekabr 2025 (UTC)

İstifadəçi hüquqları əsasən texniki imkanlar vermək üçündür. Sırf ad olsun deyə yeni hüquq yaratmaq məntiqli deyil. Sousou no Frieren 02:16, 18 dekabr 2025 (UTC)

bunlara uyğun fərqli hüquqlar var axı --► Hörmətlə: ChanisCaucasi 03:57, 18 dekabr 2025 (UTC)

Şərhləriniz üçün təşəkkürlər, qeyd etdiyim kimi bu sadəcə fikirdir. Alisoyjavid (müzakirə) 07:29, 18 dekabr 2025 (UTC)

Bunun üçün xüsusi status və ya ad lazım deyil. Kim istəyirsə kömək edə bilər. İnzibatçı da o qədər yüksək bir şey deyil ki, bir də onun köməkçisi olsun. Nemoralis (müzakirə) 16:28, 18 dekabr 2025 (UTC)

Təşəkkürlər şərhiniz üçün! Hörmətlə, Alisoyjavid (müzakirə) 17:03, 18 dekabr 2025 (UTC)

Salam. Bildiyiniz kimi, Prezidentin saytından Commonsa şəkil yükləməyə icazə var. Bəs video? Burada yazılır ki: The are no restrictions on the full or partial use of textual, photographic, video and audio material featured on the official website of the President of the Republic of Azerbaijan by the media outlets, internet resources and information carriers. This also applies to television channels, radio stations, newspapers, magazines, scientific publications and encyclopedias (including online encyclopedias). Yəni sayt bir tərəfdən videoları da istifadə etməyə icazə verir. Amma məsələ var ki, videolar birbaşa sayta yüklənməyiblər, Youtube-dakı Prezidentin səhifəsi vasitəsilə yükləniblər. Təcrübəli istifadəçilər bəlkə bilərlər, Youtube-dakı o videoları istifadə etməyə icazə var? Məsələn videodan şəkil çıxarıb Commons-a yükləmək. Zohrab Javad (müzakirə) 13:55, 24 dekabr 2025 (UTC)

"YouTube"dan icazə və istifadə üçün gərək müvafiq videomateriallar "CC-BY-SA" əsasında dərc edilə, ki müvafiq şəkildə istinad da edilə. Hörmətlə, Qədir (müzakirə) 14:05, 24 dekabr 2025 (UTC)

@Qədir, saytdan Youtubdakı, İnstaqramdakı, Feysbukdakı , X-dəki səhifələrə keçid göstərilir, belə nəticəyə gəlmək olar ki, rəsmi səhifələrdir. Videoya gəlincə, məsələn bu xəbərin axırında video da var - amma Youtube-dakı səhifəyə yüklənmiş formada. Buna nə etməli? Əgər yenə də “CC-BY-SA” ehtiyyac varsa, izah edə bilərdinizmi, bu nədir və bunu necə yoxlamaq olar? Zohrab Javad (müzakirə) 14:33, 24 dekabr 2025 (UTC)

"YouTube" videolarının açıqlama hissəsinin altında qeyd edilir bu. O, materialların orijinal müəllifə və işə istinad verilərək və ya tamamən azad şəkildə heç bir istinadsız şəkildə istifadəsini tənzimləyən yenidən istifadə lisenziyasıdır. Ancaq Vikipediya təbiəti gərəyi azad hallarda da istinadlar verir. Açıq-aşkar materiallardan məhdudiyyətsiz istifadəyə icazə verdiklərini bəyan ediblər. CC-BY-SA ilə bağlı ətraflı buradan oxuya bilərsiniz. Hörmətlə, Qədir (müzakirə) 15:10, 24 dekabr 2025 (UTC)

Yükləyə bilərsiz. Nemoralis (müzakirə) 15:32, 24 dekabr 2025 (UTC)

belə, ümumiyyətlə, youtubea nəsə yükləyəndə videonu cc by lisenziyalı kimi qeyd eləmək olur («müəllif kimi adımı qeyd elə, nə istəyirsən, elə») və bu zaman sözügedən lisenziya videonun təsvir hissəsinin ən aşağısında avtomatik qeyd olunur (nümunə), commonsdakı youtubeəsaslı mənbələrin (videoların, videolardan kadrların və s.) əksəriyyəti də buna əsaslanır. amma commons özü də deyir ki, müəyyən hallarda istisnalar ola bilər — azad lisenziya müxtəlif üsullarla qeyd edilə bilər. president.az məsələsi də, yəqin ki, belədir, çünki saytın özündə qeyd olunubsa ki, saytdakı bütün material cc bydır və gördüyümə əsasən bütün videolar youtubea yüklənibsə, deməli, bu cc by məsələsi prezidentin youtube kanalına da şamil olunur, baxmayaraq ki, bu məlumat youtubeun özünə yerləşdirilməyib :3 əkrəm. 22:55, 24 dekabr 2025 (UTC)

salammm!! :3

hamını qarşıdan gələn 2026-cı il münasibətilə təbrik eləyir; redaktorlarımıza uğurlar, oxucularımıza daha razı qalacaqları bir vikipediya arzu eləyirəm ^^ əkrəm. 19:07, 31 dekabr 2025 (UTC)

bahəm --► Hörmətlə: ChanisCaucasi 19:12, 31 dekabr 2025 (UTC)

bahəm — Bikar ^müzakirə 19:36, 31 dekabr 2025 (UTC)

Salam. Məndə bu təbriklərə qoşuluram və hər bir həmkarımı Dünya azərbaycanlılarının həmrəylik günü və Yeni ilini təbrik edirəm. Hörmətlə, Vikotals (müzakirə) 19:48, 31 dekabr 2025 (UTC)

mən də bütün icmanı Dünya Azərbaycanlılarının Həmrəyliyi Günü və Yeni il münasibətilə təbrik edirəm. Yeni il uğurlu olsun 🙏🏻 Atakhanli (müzakirə) 19:50, 31 dekabr 2025 (UTC)

Təbriklər! Yeni ilə yeni uğurlara! Hər şey ürəyiniz və könlünüzcə olsun. Hörmətlə, Qədir (müzakirə) 20:09, 31 dekabr 2025 (UTC)

Hər kəsin Yeni ilini təbrik edirəm! Nemoralis (müzakirə) 11:44, 1 yanvar 2026 (UTC)

Təbrik edirəm hər kəsi. Turkmen ^müzakirə 11:58, 1 yanvar 2026 (UTC)