Kateqoriya təklifçisi — məqalənin digər dillərdəki versiyalarına əsaslanaraq müvafiq kateqoriyaları tapıb təklif edən və onları bir kliklə əlavə etməyə imkan verən Codex əsaslı MediaWiki qadceti.
Qadceti aktivləşdirmək üçün avtopatrul hüququnuz olmalıdır. Qadcet gördüyü iş olaraq 2 yerə bölünür. Məqalələr (həmçinin kateqoriya, Vikipediya, kömək, portal) səhifələri üçün kateqoriya təklif etmək və kateqoriyalar üçün məqalə (və altkateqoriya) təklif etmək.
Qadceti işə salmaq üçün səhifənin ən aşağısında, kateqoriyalar bölməsinin aşağısında yerləşən "Kateqoriya təklifləri" (kateqoriya səhifələrində sadəcə "Təkliflər") düyməsinə klikləyin. Açılan pəncərədən axtarış etmək istədiyiniz dil layihəsini seçin və "Təklifləri al" düyməsinə klikləyin. Qadcet həmin dil layihəsi əsasında sizə müxtəlif kateqoriyalar təklif edəcək. Onları seçib əlavə edə biləcəksiniz.
Qadcet bəzən məqaləyə əlavə edilməsinə ehtiyac olmayan, çox ümumi olan kateqoriya (məsələn kişi haqqında olan məqaləyə Kateqoriya:Kişi təklif etmək) təklif edə bilər. Belə kateqoriyaları təkliflərdən silmək mümkündür. Bunun üçün interfeys inzibatçılarına müraciət edin.
Alətin yüksək sürətlə işləməsi üçün "mw.storage" vasitəsilə aşağıdakı keşləmələrdən istifadə olunur:
- Dil adlarının keşdə saxlanması — Digər dillərin adları (məsələn, "English", "русский") bir il müddətinə yadda saxlanılır.
- Lokal kateqoriya ağacı strukturu — Kateqoriyada işləyərkən, Azərbaycanca Vikipediyada həmin kateqoriyadakı məqalə və altkateqoriyalar 1 dəqiqəlik keşdə saxlanılır.
- Xarici viki datası — Digər dillərdən alınan anlıq məlumatlar 1 dəqiqə keşdə saxlanılır.
- İstifadəçi seçimləri — "Bu dilləri mənim üçün yadda saxla" seçimi aktiv edildikdə, seçdiyiniz dillər bir il müddətinə yadda saxlanılır və alət hər dəfə açıldıqda avtomatik seçili gəlir.