Vikipediya:Silinməyə namizəd səhifələr/Mürsəl Cavadov

Mənbə axtar: Google (xəbər • kitab • akademik • azad şəkillər) • JSTOR

• Tək bir mənbəyə əsaslanan məqalə. VP:ƏSAS ödənilmir. Hörmətlə, Qədir (müzakirə) 16:21, 13 yanvar 2026 (UTC)[cavabla]

Mürsəl Cavadov məqaləsinin silinməsinə etiraz edirəm. Mən onun nəvəsiyəm və onun haqqında materialı Maştağa ensiklopediyasından əlavə etmişəm. Linkə müraciət edə bilərsiniz. Babam Azərbaycan jurnalistikası üçün çox iş görüb və Azərbaycan Radiosunda 30 ildən çöx şöbə müdiri işləyib, neftçilər və əmək qəhrəmanları haqqında oçerklər hazırlayıb. AMEA-nın İnsan Hüquqları İnstitutunda illərlə çalışıb və Dirçəliş 21-ci Əsr Jurnalının redaktoru olub.

Deyəcəksiniz mənbə azdır, bəli, azdır. Bu, Azərbaycan Radiosunun və babamın çalışdığı təşkilatların ayıbıdır ki, həmin təşkilatlarda illərlə mükəmməl səviyyədə xidmət göstərmiş insanlar haqqında yazmırlar. Onları yaşatmırlar, sadəcə öz yaxınlarını qabağa çəkirlər. Ona görə mən onun nəvəsi olaraq məqalə yazmışam və məlumatlar ensiklopediyadan götürülüb. Mən sadəcə kitabda yazılanı buraya köçürürəm. Təəssüf ki, mən etməsəm, kimsə etməyəcək, bir daha həmin təşkilatları önəmli redaktorlar və jurnalistlər haqqında araşdırma eləyib məqalə yazmağa dəvət edirəm. Buna qədər isə mən subyektiv və obyektiv olaraq babamın gördüyü işlərin işıqlandırılmalı olduğunu düşünürəm və ona görə bu barədə məqalə yazdım.

Wikipedia insanları məlumatlandırmaq üçün azad ensiklopediyadır və təəssüf edirəm ki, insanlar öz mənafelərinə uyğun insanlar haqqında yazırlar və Azərbaycan üçün, vətən üçün xidmət göstərmiş insanları silməyə cəhd edirlər. Mən hər zaman məlumat öyrənmək üçün ilk mənbə olaraq Wikipedia-ya müraciət edirdim və artıq buraya töhfə də vermək qərarına gəlmişdim. Ümid edirəm, mənim etirazım haqlı qarşılanar və məqalə silinməz. Babamın işləri haqqında online çox az məlumat olsa da, fiziki kitablar, jurnallar evdə durur. Gərəkdirsə, skan etməyə hazıram. Bundan əlavə Azərbaycan Radio arxivinə də müraciət edə bilərsiniz.SSRİ dövründə və müstəqillikdən sonra babamın fəaliyyət göstərdiyi illərdə internet məhdud idi və hələ də Azərbaycanda informasıya azlığı hiss edilir və mən yetərli məlumat tapmaq üçün xarici mənbələrə müraciət edirəm öz araşdırmalarımda. Ona görə biz bəzən sıfırdan başlamağa məcburuq. Mən Wikipedia-da həvəsli və yeni bir editor olmaq istəyirdim və ilk əvvəl əlimdə olan materialları yazmaqla başladım. Təşəkkürlər! Tofiq di Montini (müzakirə) 16:20, 18 yanvar 2026 (UTC)[cavabla]