Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVotivkirxa (alm. Votivkirche) — Vyanada Rinqştresse küçəsində yerləşən Neoqotika üslublu kilsə. 1853-cü ildə İmperator I Frans İosifə qarşı təşkil edilmiş sui-qəsd cəhdi zamanı imperatorun həyatının xilas olunmasına görə Tanrıya minnətdarlıq ifadə etmək məqsədilə tikilmişdir. Tikinti üçün vəsait imperiyanın hər yerindən toplanmışdır. Kilsə 1879-cu ildə İmperator I Frans İosif və onun həyat yoldaşı İmperatriça Yelisavetin gümüş yubileyi münasibətilə təqdis edilmişdir.[3]
| katolisizm | |
| Votivkirxa | |
|---|---|
| Votivkirche | |
.JPG) | |
 | |
| Ölkə | |
| Üslubu | neoqotika |
| Hündürlüyü | 99 m |
| votivkirche.at | |
 Vikianbarda əlaqəli mediafayllar | |
Kilsənin inşası 18 fevral 1853-cü ildə macar millətçisi Yanos Libenyi tərəfindən İmperator I Frans İosifə qarşı təşkil edilmiş uğursuz sui-qəsd cəhdi ilə bağlıdır. O zamanlar Hofburq Sarayında qalan imperator, gündüzlər məşq etmək üçün köhnə istehkamlar ətrafında gəzintiyə çıxırdı. Belə bir gəzinti zamanı 21 yaşlı Libenyi 23 yaşlı imperatora arxadan hücum edərək uzun bıçaqla boynundan zərbə endirdi. Zərbə İmperatorun sərt yaxasındakı qızıl örtüyə dəydi. Həyatı xilas olsa da yarası dərin idi. Uğursuz sui-qəsdçi həbs edilərkən macar dilində "Yaşasın Koşut!" deyə qışqırdı. Frans İosif sui-qəsdçinin pis rəftara məruz qalmamasını tələb etdi. Libenyi edam edildikdən sonra, imperator onun anasına kiçik təqaüd təyin etdi.[4]
Uğursuz sui-qəsd cəhdindən sonra imperatorun qardaşı Maksimilian (sonradan Meksika imperatoru) imperiyanın hər yerindən olan icmalara hücumun baş verdiyi yerdə yeni bir kilsə tikmək üçün ianə toplamağa çağırış etdi. Kilsə Frans İosifin xilası üçün bir votiv təqdimatı və "xalqın İmperator Evinə sədaqətinin və vətənpərvərliyinin abidəsi" olmalı idi.
Kilsənin planları 1854-cü ilin aprelində keçirilən memarlıq müsabiqəsində müəyyən edildi. Münsiflər heyəti, o zaman cəmi 26 yaşında olan Henrix von Ferstelin (1828–1883) layihəsini seçdi. O, kafedralı Neoqotika üslubda tikməyi təklif edirdi. Kilsə bir memarın nəzarəti altında tikilmişdir, Orta əsrlərdəki kafedrallar kimi bir neçə nəslin əməyi ilə deyil.
- ↑ 1 2 Wiki Loves Monuments monuments database. 2017.
- ↑ 1 2 ArchINFORM (alm.). 1994.
- ↑ Schnorr 2012, p. 69.
- ↑ "Attentat auf Kaiser Franz Joseph I". Wein-Vienna (alman). 5 fevral 2013 tarixində orijinalından arxivləşdirilib. İstifadə tarixi: 10 fevral 2013.
- Bousfield, Jonathan; Humphreys, Rob. The Rough Guide to Austria. London: Rough Guides. 2001. ISBN 978-1858280592.
- Brook, Stephan. DK Eyewitness Travel Guide: Vienna. London: Dorling Kindersley Ltd. 2012. ISBN 978-0756684280.
- Farrugia, Joseph. The Votive Church in Vienna. Ried im Inkreis: Kunstverlag Hofstetter. 1990.
- Gaillemin, Jean-Louis. Knopf Guides: Vienna. New York: Alfred A. Knopf. 1994. ISBN 978-0679750680.
- Meth-Cohn, Delia. Vienna: Art and History. Florence: Summerfield Press. 1993. ASIN B000NQLZ5K.
- O'Domhnaill, Abu. O'Donnell Clan Newsletter, No. 7. 1987.
- Palmer, Alan. Twilight of the Habsburgs: The Life and Times of Emperor Francis Joseph. New York: Grove Press. 1995. ISBN 978-0802115607.
- Schnorr, Lina. Imperial Vienna. Vienna: HB Medienvertrieb GesmbH. 2012. ISBN 978-3950239690.
- Schulte-Peevers, Andrea. Alison Coupe (redaktor). Michelin Green Guide Austria. London: Michelin Travel & Lifestyle. 2007. ISBN 978-2067123250.
- Toman, Rolf. Vienna: Art and Architecture. Cologne: Könemann. 1999. ISBN 978-3829020442.
- Votivkirche official website Arxivləşdirilib 2005-11-06 at the Wayback Machine (German)
- Votivkirche Arxivləşdirilib 2016-03-04 at the Wayback Machine, photo gallery in Flickr
- YouTube Video of church Arxivləşdirilib 2020-11-21 at the Wayback Machine, YouTube video showing the inside of the church.