"Weekly Shōnen Jump" (週刊少年ジャンプ, Şukan Şonen Canpu?) – "Shueisha" nəşriyyatı tərəfindən nəşr olunan həftəlik şonen manqası jurnalı. "Jump" jurnallar seriyasına daxildir. Jurnalda nəşr olunan manqalar əsasən komediya və döyüş seriyalarıdır. Jurnalda nəşr olunan manqalar tankobon cildlərində toplanaraq "Jump Comics" imprinti ilə buraxılır. Ən uzun müddət davam edən manqa jurnallarından biridir. Jurnalın birinci sayı 1 avqust 1968-ci ildə buraxılmışdır.
| Weekly Shōnen Jump | |
|---|---|
 | |
 Jurnalın 2019-cu ilin yanvar buraxılışının üzlüyü. | |
| Baş redaktor | Yu Sayto[1] |
| Növ | şonen manqası[2][3] |
| Dövrilik |
|
| Tiraj | 1.047.500 (aprel–iyun 2025)[4] |
| Nəşriyyat | Shueisha |
| Ümumi tiraj | 1.290.417[5] |
| Təsis tarixi | 1968 |
| İlk buraxılışı | 1 avqust 1968 |
| Ölkə |
 Yaponiya |
| Qərargah | Tokio |
| Dil | yaponca |
| OCLC nömrəsi | 663347730 |
| shonenjump.com/j/index.html | |
 Vikianbarda əlaqəli mediafayllar | |
"One Piece", "Dragon Ball", "Naruto", "Demon Slayer", "Slam Dunk" kimi çox satılan manqa seriyaları bu jurnalda serializasiya olunmağa başlamışdır. Jurnalın "Jump SQ", "V Jump", "Saikyō Jump" kimi qardaş jurnalları mövcuddur.
"Weekly Shōnen Jump" jurnalı 11 iyul 1968-ci ildə "Shueisha" nəşriyyatı tərəfindən "Weekly Shōnen Magazine" və "Weekly Shōnen Sunday" jurnalları ilə rəqabət aparmaq məqsədilə yaradılmışdır.[6][7][8] Jurnal ilk 20-ci buraxılışa qədər sadəcə "Shōnen Jump" adlanırdı və iki həftədən bir nəşr olunan jurnal idi. 1969-cu ildə "Shōnen Book" nəşrinin fəaliyyətinin dayandırmasından sonra jurnal həftəlik formata keçmişdir.[9]
1990-cı illərdə jurnal populyarlığının qızıl dövrünü yaşamışdır. 1995-ci ildə jurnalın tirajı 6,53 milyon nüsxəyə çatmışdır. "Dragon Ball" və "Slam Dunk" kimi populyar seriyaların başa çatmasından sonra 1998-ci ilə qədər tiraj 4,15 milyon nüsxəyə düşmüşdür.[10][11] 1990-cı illərin əvvəlində jurnalın Yaponiyadakı ümumi oxucu sayı 18 milyon çatmışdı.[12]
22 sentyabr 2014-cü ildə jurnalın "Shōnen Jump+" adlı saytı və tətbiqi istifadəyə verilmişdir.[13] 28 yanvar 2019-cu ildə saytın "Manga Plus" adlı qlobal ingilisdilli versiyası yaradılmışdır.[14]
"Jump Giga" 20 iyul 2016-cı ildə yaradılmışdır və "Weekly Shōnen Jump" jurnalının xüsusi mövsümi buraxılışıdır.[15] Jurnalın digər xüsusi buraxılışı olan "Super Jump" isə 1968–1988-ci illərdə nəşr olunmuşdur. "Jump VS" jurnalın 22 mart 2013-cü ildə nəşr olunmuş xüsusi sayı olmuşdur. "Döyüş manqalarına" həsr olunmuş bu saya 12 van-şot daxil idi.[16][17]
"Hunter × Hunter", "One Piece", "Demon Slayer", "Gintama", "Bleach", "Naruto" kimi populyar manqa seriyaları bu jurnalda nəşr olunmağa başlamışdır. Jurnalda nəşr olunan və ya olunmuş digər manqalara "Akane-banashi", "Blue Box", "Ichi the Witch", "Kagurabachi", "Sakamoto Days", "Mashle: Magic and Muscles", "Chainsaw Man", "Jujutsu Kaisen", "Dr. Stone", "The Promised Neverland", "Black Clover", "My Hero Academia", "Assassination Classroom", "The Disastrous Life of Saiki K.", "Bakuman", "D.Gray-man", "Death Note", "Shaman King" kimi seriyalar daxildir.
- ↑ Tai, Anita. "Hiroyuki Nakano Steps Down as Weekly Shonen Jump Editor-in-Chief". Anime News Network. 26 iyun 2024. İstifadə tarixi: 26 iyun 2024.
- ↑ Thompson, Jason. Manga: The Complete Guide. Del Rey Books. 2007. səh. xxiii-xxiv. ISBN 978-0-345-48590-8.
- ↑ "Boy's Manga" (yapon). Japanese Magazine Publishers Association. sentyabr 2016. 3 noyabr 2016 tarixində arxivləşdirilib. İstifadə tarixi: 6 noyabr 2016.
- ↑ "週刊少年ジャンプ (第69回：2025年4月～2025年6月)". Japanese Magazine Publishers Association. İstifadə tarixi: 31 iyul 2025.
- ↑ 印刷証明付部数.
- ↑ ｢ドラゴンボール｣新作 少年ジャンプ40周年イベントで上映 (yapon). Oricon. 19 iyul 2008. İstifadə tarixi: 4 noyabr 2008.
- ↑ ジャンプ50周年記念の復刻版、第1弾は創刊号と653万部記録号の2冊. Natalie (yapon). Natasha, Inc. 15 iyul 2017. İstifadə tarixi: 3 dekabr 2021.
- ↑ 「週刊少年ジャンプ展」に見る少年ジャンプ飛躍の秘密. ITmedia (yapon). 14 iyul 2017. İstifadə tarixi: 3 dekabr 2021.
- ↑ "集英社 小史成長期". Shueisha history 4. Shueisha. may 3, 2008 tarixində orijinalından arxivləşdirilib. İstifadə tarixi: avqust 12, 2008.
- ↑ "The Rise and Fall of Weekly Shonen Jump: A Look at the Circulation of Weekly Jump | ComiPress".
- ↑ "45 years of 'Shonen Jump,' the Japanese magazine that shaped your childhood". The Daily Dot. 20 avqust 2013.
- ↑ Sheff, David. Inside the Mother Brain (PDF) // Game Over: How Nintendo Conquered the World. Vintage Books. 1994 [1993]. səh. 81. ISBN 978-0-307-80074-9. 2 yanvar 2021 tarixində orijinalından (PDF) arxivləşdirilib. İstifadə tarixi: 2 yanvar 2021.
The readership of Shukan Shonen Jump shot up to 18 million, and circulation grew to 6 million.
- ↑ First, Rae. "Shueisha to Launch Jump Live App". Anime News Network. 28 iyun 2013. İstifadə tarixi: 30 noyabr 2013.
- ↑ Morrissy, Kim. "Everything You Need to Know about Manga Plus by Shueisha". Anime News Network. 27 yanvar 2019. İstifadə tarixi: 11 fevral 2019.
- ↑ "ジャンプGIGA本日創刊！椎橋寛ら新連載に、Webで話題集めたけん玉マンガも" (Japanese). Natalie. 20 iyul 2016. İstifadə tarixi: 21 iyun 2021.
- ↑ Nelkin, Sarah. "Shueisha to Print Jump VS Special Issue of Shonen Jump". Anime News Network. 17 fevral 2013. İstifadə tarixi: 30 noyabr 2013.
- ↑ Loveridge, Lynzee. "Jump Vs. Issue's Contents Revealed". Anime News Network. 20 fevral 2013. İstifadə tarixi: 30 noyabr 2013.
- shonenjump.com/j/index.h… — rəsmi saytı