Yaşar Nuri Öztürk (türk. Yaşar Nuri Öztürk; 5 fevral 1951, Bayburt – 22 iyun 2016[1], İstanbul) — türk ilahiyyatçı, hüquqşünas, yazıçı, siyasətçi[3] və akademik.
| Yaşar Nuri Öztürk | |
|---|---|
| Doğum tarixi | 5 fevral 1951 |
| Doğum yeri | |
| Vəfat tarixi | 22 iyun 2016[1] (65 yaşında) |
| Vəfat yeri | |
| Vəfat səbəbi | mədə xərçəngi |
| Dəfn yeri |
|
| Elmi dərəcəsi | |
| İş yeri | |
| Təhsili | |
Öztürk, 1951-ci ildə Bayburtda dünyaya gəlib. Ərəbcə və farscanı ilk müəllimi olan atasından öyrənib. Bakalavr təhsilini hüquq və ilahiyyat sahələri üzrə, magistratura və doktorantura təhsilini isə İslam fəlsəfəsi üzrə başa vurub. Bir müddət hüquqşünas işlədikdən sonra universitetdə müəllim fəaliyyətinə başlayıb. Onun türk ali məktəblərindəki müəllimlik və dekanlıq stajı 26 il təşkil edir. Həmçinin Nyu Yorkda qonaq professor qismində "İslam Düşüncəsi" dərsləri verib. Türkiyədə, Rusiyada, Afrikada, Avropada, ABŞ-də və digər yerlərdə İslam düşüncəsi, insan və insan haqları mövzularında çoxsaylı konfranslar verib. Quranı ilk dəfə şərhsiz şəkildə tərcümə edib. Qələmə aldığı məqalələr həm İslam, həm də qərb dünyasında böyük əks-səda doğurub.[4] Öztürk, 22 iyun 2016-cı ildə vəfat edib.[3]
Time jurnalının keçirdiyi "XX əsrin ən mühüm şəxsləri" (The Most Important People of the 20th Century) sorğusunun "Ən mühüm alimlər və islahatçılar" (The Most Important Scientists and Healers) siyahısında, dünya ictimaiyyəti tərəfindən seçilmiş yüz nəfərin ilk onluğu arasında onun adı da var idi. Öztürkün, türkcə, almanca, ingilizcə və farsca nəşr olunmuş əsərlərinin sayı səksənə yaxındır. Onun düşüncələri müxtəlif ali məktəblərində tədqiqat obyekti olmuşdur.[4]
Qələmə aldığı əsərlərdən bəziləri bunlardır: 400 Soruda İslam, Din ve Fıtrat, Tarih Boyunca Bektaşilik, Asrısaadetin Büyük Kadınları, Tasavvufun Ruhu ve Tarikatler[5] və s.
- ↑ 1 2 http://www.ulusalkanal.com.tr/gundem/yasar-nuri-ozturk-hayatini-kaybetti-h108301.html.
- ↑ Deutsche Nationalbibliothek Record #121138003 // Gemeinsame Normdatei (alm.). 2012—2016.
- ↑ 1 2 "Yaşar Nuri Öztürk vefat etti". Anadolu Ajansı. 2016. 10.10.2025 tarixində arxivləşdirilib. İstifadə tarixi: 10.10.2025.
- ↑ 1 2 "Hayatı". Prof. Yaşar Nuri Öztütk Vakfı. 10.10.2025 tarixində arxivləşdirilib. İstifadə tarixi: 10.10.2025.
- ↑ "Eserleri". Prof. Yaşar Nuri Öztürk Vakfı. 10.10.2025 tarixində arxivləşdirilib. İstifadə tarixi: 10.10.2025.