Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYeni Şuşa məscidi — Şuşa şəhərində inşa olunan ibadət məkanı.
| Yeni Şuşa məscidi |
|---|
Məscidin təməli 2021-ci il mayın 12-də Azərbaycan Prezidenti İlham Əliyev, birinci xanım Mehriban Əliyeva, qızları Leyla Əliyeva və Arzu Əliyevanın iştirakı ilə qoyulub.[1] Layihə Heydər Əliyev Fondunun və “Paşa Holdinq”in dəstəyi ilə həyata keçirilir.[2]
2025-ci il iyulun 17-də isə Türkmənistan Xalq Məsləhətinin sədri Qurbanqulu Berdiməhəmmədov,[3] 2025-ci il sentyabrın 16-da isə Birləşmiş Ərəb Əmirliklərinin Prezidenti Şeyx Məhəmməd bin Zayed Əl-Nəhyan[4] məsciddə aparılan tikinti işləri ilə tanış olublar.
Məscidin inşasının 2026-cı ildə yekunlaşdırılması nəzərdə tutulur.[3]
Yeni Şuşa məscidi Şuşa şəhərinin yuxarı hissəsində inşa edilir və memarlıq həlli rəmzi xarakter daşıyır. Məscidin layihələndirilən ümumi forması 8 rəqəmini xatırladır ki, bu da Şuşanın işğaldan azad edildiyi günü – Zəfər Gününü təcəssüm etdirir. Şuşanın və Qarabağın işğaldan ilin on birinci ayında azad edilməsinin rəmzi kimi məscidin iki minarəsinin 11 rəqəmi formasında inşa edilməsi nəzərdə tutulub.[5]
Layihəyə əsasən, məscidin minarələrinin hündürlüyü 72 metr olacaq. Məscidin xarici səthi Şuşanın qədim məscidlərinin minarələrində istifadə olunan həndəsi naxışlarla bəzədiləcək, günbəzi mozaika ilə işlənəcək.[2]
Yeni Şuşa məscidinin layihələndirilməsi azərbaycanlı və italyan memarların birgə iştirakı ilə aparılıb.[1]
- ↑ 1 2 "İlham Əliyev Şuşada yeni məscidin təməlini qoyub". Azərbaycan Respublikası Prezidentinin rəsmi internet saytı. 12 may 2021. İstifadə tarixi: 25 noyabr 2025.
- ↑ 1 2 "Yeni Şuşa məscidi belə inşa olunur (VİDEO)". Trend. 08 sentyabr 2025. İstifadə tarixi: 25 noyabr 2025.
- ↑ 1 2 "Azərbaycan Prezidenti və Türkmənistan Xalq Məsləhətinin sədri Yeni Şuşa məscidində tikinti işlərinin gedişi ilə tanış olublar". President.az. Azərbaycan Respublikası Prezidentinin rəsmi internet saytı. 17 iyul 2025. İstifadə tarixi: 25 noyabr 2025.
- ↑ "Azərbaycan və BƏƏ prezidentləri Yeni Şuşa məscidində tikinti işlərinin gedişi ilə tanış olublar". Report. 16 sentyabr 2025. İstifadə tarixi: 25 noyabr 2025.
- ↑ "Yeni Şuşa məscidi - Qalanın gələcək simvolu inşa edilir". Musavat.com. 17 iyul 2025. İstifadə tarixi: 25 noyabr 2025.