"Yeni yol" qəzeti (az.-əski. یݣی یول; azərb. Jeni jol) — ictimai, ədəbi qəzet.
| Yeni yol | |
|---|---|
| Baş redaktor |
|
| Redaktor | |
| Yaranma tarixi | 21 sentyabr 1922 |
| Dil | Azərbaycan dili |
| Nəşrini dayandırıb | 28 fevral 1939 |
| Ölkə | |
 Vikianbarda əlaqəli mediafayllar | |
Əvvəllər Yeni Əlifba Komitəsinin, 1925 ildən isə Azərbaycan K(b)P MK orqanı olmuşdur. İlk nömrəsi 1922 il sentyabrın 21-də, sonuncu nömrəsi 1939 il fevralın 28-də çıxmışdır.
1924 ilin axırınadək həftəlik, 1925 ildən isə gündəlik nəşr olunmuşdur. Cəlil Məmmədquluzadə 1922 il 5-ci saydan 1922 il 26-cı sayadək qəzetin redaktoru olmuş, 1923 il 38-ci sayına kimi B.Bəhramovla birlikdə redaktorluq etmişdir. "Yeni yol" qəzeti yeni əlifbanı təbliğ etmiş, savadsızlığın ləğvi və mədəni inqilabın qələbəsində mühüm rol oynamışdır. 1924 il mayın 1-də Cəlil Məmmədquluzadə öz xahişi ilə redaksiya heyəti üzvlüyündən azad edilmişdir. Ədib "Yeni yol"-da bir neçə məqalə və felyetonla iştirak etmiş, onun "Rus qızı', "Müəllim", "Taxıl həkimi", "Şərq fakültəsi", "Saqqallı uşaq", "Bəlkə də qaytardılar", "Buz", "Hamballar", "Yan tütəyi" kimi hekayələri burada çap olunmuşdur.[1]
- Cəlil Məmmədquluzadə Ensiklopediyası. Bakı, 2008. səh. 295.
- Mehriban Sultan. Mollanəsrəddinçilər "Yeni Yol"da. Naxçıvan: Qeyrət. 2006.
- Mehriban Sultan. Milli mətbuat tarixində "Yeni yol" qəzeti. Bakı: Elm və təhsil. 2015.