Yunis Qurbanəli oğlu Orucov (21 dekabr 1977, Masis rayonu) — Azərbaycan əməkdar jurnalisti, Azərbaycan Yazıçılar Birliyinin üzvü, yazıçı, tərcüməçi.
| Yunis Orucov | |
|---|---|
| Yunis Qurbanəli oğlu Orucov | |
| Doğum tarixi | 21 dekabr 1977 (47 yaş) |
| Doğum yeri | |
| Milliyyəti | azərbaycanlı |
| Təhsili | |
| Fəaliyyəti | jurnalist |
| Fəaliyyət illəri | 1996-cı ildən |
| Üzvlüyü | |
| Mükafatları |
   |
Yunis Orucov 1977-ci il dekabrın 21-də Ermənistan SSR-nin Masis rayonunda (keç. Zəngibasar, daha əvvəl isə Uluxanlı) anadan olub. 1984-cü ildə ailəsi ilə Azərbaycana köçüb, əvvəlcə Şirvan, daha sonra Bakı şəhərində məskunlaşıblar. Yunis Orucov Şirvan şəhərindəki 13 saylı orta məktəbin məzunudur.
1994-cü ildə Azərbaycan Dövlət Pedoqoji Universitetinin tarix fakültəsinə daxil olan Yunis Orucov 1998-ci ildə bakalavr, 2000-ci ildə isə magistr pilləsini bitirib. "Türk xalqlarının mədəniyyəti XI–XV əsrlərdə" mövzusunda magistr dissertasiyası müdafiə edib.
2001–2002-ci illərdə Azərbaycan silahlı qüvvələrində hərbi xidmət keçib.
Yunis Orucov tələbəlik illərindən mətbuata gəlib. Onun ilk iş yeri "Yeni Azərbaycan" qəzeti olub. 90-cı illərin sonundan başlayaraq qəzetdə bir çox mövzularda maraqlı məqalələri dərc olunan Yunis Orucov 2006-2022-ci illərdə televiziya sahəsində fəaliyyət göstərib. Azərbaycan Televiziya və Radio Verilişləri QSC-də (AzTV) müxbir, şef-redaktor, baş redaktorun müavini, informasiya proqramları departamentinin direktor müavini və direktoru vəzifələrində çalışıb.[1] O, xəbər işi ilə yanaşı, ictimai-siyasi, iqtisadi, sosial və mədəniyyət mövzularında bir çox sənədli televiziya filmlərinin ssenari müəllifidir. O, həmçinin böyük tamaşaçı rəğbəti qazanan "Jurnalist araşdırması" verilişinin müəllifi və aparıcısı olub. İndiyə qədər Qafqaz İslam Ordusuna, XX əsrin 30–50-ci illərdəki repressiya dövrünün əsas həbs düşərgələri olan KARLAQ və ALJİR-ə, Nargin adasının tarixinə, Azərbaycan Cümhuriyyətinin müstəqilliyinin beynəlxalq miqyasda tanınmasının 100 illiyinə, Ermənistanın Azərbaycan torpaqlarında həyata keçirdiyi işğal və soyqırım siyasətinə, "Başlıbel faciəsi"nə, "Tunel qətliamı"na və digər mövzulara həsr olunan çoxsaylı verilişlər və sənədli filmlər hazırlayıb.
- "İz" Ulu öndər Heydər Əliyevin 100 iliyinə həsr olunan sənədli film.
- "XXI əsrin salnaməsi"[2]. (silsilə Prezident İlham Əliyevin fəaliyyətinə həsr olunub)
- "Əbədiyyət", (silsilə ulu öndər Heydər Əliyevin həyat və fəaliyyətinə həsr olunub).
- Xocalı soyqırımı.
- Xocalıdan səslər.
- Azərbaycanlıların soyqırımı.
- Birinci respublika.
- Azərbaycan parlamenti
- Azərbaycan Ordusu
- Çörəkdən qülləyə
- Mixaylo şəhərdədir.
- Əbədi Vətən.
- Əsrin müqaviləsi[3]
- Neft Daşları
- Müstəqil Azərbaycan.
- 50 il Azərbaycan uğrunda.
- Öndərin yolu.
- Liderlik missiyası.
- Olimpin sönməz məşəli
- 20 Yanvar.
- Azərbaycan bayrağı (film)[4]
Yunis Orucov "Nargin — saralmış kədər", "Boraltan — azadlığın tələsi" və “Tunel” romanlarının müəllifidir. Yunis Orucov həmçinin Orxan Pamukun “Qar”, Yunus Şenin “Xəzərin qanı”, Erdem Beyazitin “İpək yolu ilə Əfqanıstana”, Nurullah Gəncin “Evə aparan yollar”, Həyati Təkin “Tağıyev: əsilzadənin fövqündə” və “Qardaş köməyi”, Hakan Mengüçün “Sən yola çıx, yol sənə görünər” romanlarınI Azərbaycan dilinə tərcümə edib.
- Yunis Orucov 2015-ci ildə Azərbaycanda milli mətbuatın yaranmasının 140 illiyi ilə əlaqədar Azərbaycan Respublikasının Prezidenti İlham Əliyevin sərəncamı ilə "əməkdar jurnalist" fəxri adına layiq görülüb[5][6]
- Dövlət başçısının 2019-cu ildə imzaladığı digər sərəncamla isə Azərbaycan Xalq Cümhuriyyətinin 100 illik yubiley medalı ilə təltif olunub[7]
- İlham Əliyevin 2 fevral 2024-cü ildə imzaladığı sərəncamla Yunis Orucov "Heydər Əliyevin 100 illiyi (1923–2023)" yubiley medalı ilə təltif olunub.
Ailəlidir, iki övladı var.
- ↑ "Haqqımızda TV VƏ RADİO HAQQINDA, STRUKTUR". 28 iyun 2019 tarixində arxivləşdirilib. İstifadə tarixi: 17 yanvar 2020.
- ↑ "Heydər Əliyev Fondunun Prezident İlham Əliyevin 50 illik yubileyi ilə bağlı hazırladığı "XXI əsrin salnaməsi" adlı sənədli filmin nümayiş olub". 31 dekabr 2013 tarixində arxivləşdirilib. İstifadə tarixi: 17 yanvar 2020.
- ↑ "Əsrin müqaviləsi" ilə qoyulan təməl Azərbaycanın firavan gələcəyini təmin etdi
- ↑ "Azərbaycan filmlərinin siyahısı". 22 mart 2022 tarixində arxivləşdirilib. İstifadə tarixi: 17 yanvar 2020.
- ↑ "Arxivlənmiş surət". 23 yanvar 2022 tarixində arxivləşdirilib. İstifadə tarixi: 17 yanvar 2020.
- ↑ "Prezident 44 nəfərə "əməkdar jurnalist" adı verdi…". 23 aprel 2021 tarixində arxivləşdirilib. İstifadə tarixi: 17 yanvar 2020.
- ↑ ""Azərbaycan Xalq Cümhuriyyətinin 100 illiyi (1918–2018)" Azərbaycan Respublikasının yubiley medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" Azərbaycan Respublikasının Qanununda dəyişiklik edilməsi barədə". 12 avqust 2020 tarixində arxivləşdirilib. İstifadə tarixi: 17 yanvar 2020.