Yusif Mirzəyev (23 may 1958, Böyükdüz, Naxçıvan rayonu – 19 fevral 1993, Ağdərə rayonu) — Azərbaycanın Milli Qəhrəmanı, Birinci Qarabağ müharibəsi şəhidi.
| Yusif Mirzəyev | |
|---|---|
| Yusif Vəli oğlu Mirzəyev | |
 | |
| Şəxsi məlumatlar | |
| Doğum tarixi | |
| Doğum yeri | Böyükdüz, Babək rayonu, Azərbaycan Respublikası |
| Vəfat tarixi | |
| Vəfat yeri | Ağdərə rayonu, Azərbaycan Respublikası |
| Vəfat səbəbi | Şəhid |
| Dəfn yeri | Naxçıvan şəhəri, Şəhidlər Xiyabanı |
| Vətəndaşlığı |
 SSRİ→ Azərbaycan |
| Uşağı | Nurlana Mirzəyeva |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü | Quru qoşunları |
| Döyüşlər | Birinci Qarabağ müharibəsi |
| Təltifləri |
 |
1958-ci il 23 may Babək rayonunun Böyükdüz kəndində anadan olmuşdur. 1975-ci ildə İ.Səfərli adına 1 saylı məktəbi bitirmişdir. 1988-ci illərdə Xalq Hərəkatına qoşulur. 90-cı illərdə xalq hərəkatına və 20 Yanvar faciəsi zamanı etdiyi etirazlara görə Bakı şəhər komendantı tərəfindən həbs edilir. Həbsdə işgəncələr gördüyü üçün böyrəkləri zədələnir. 1 uşaq atası Yusif könüllü olaraq cəbhəyə yollanır.
Goranboy və Ağdərə uğrunda gedən döyüşlərdə iştirak edir. Qısa zamanda taborun ən adlı sanlı döyüşçüsünə çevrilir. Yusif 14 nəfərlik dəstə ilə əksər döyüşlərdə iştirak edir. Təhlükəli olduğu üçün tabora Ağdərə istiqamətində çıxmaq əmri verilsə də, 14 nəfərlik döyüşçü ilə Yusif elə bir vəziyyət yaradır ki, düşmən tərəf Ağdərədə böyük bir batalyon olduğunu düşünür.
Ancaq böyrəklərindəki xəstəlik şiddətləndikdən sonra onu bir müddət müalicə olmağa razı sala bilirlər. O, Şəmistan Əlizamanlı ilə bir otaqda müalicə alır. Onun səhhətini yaxından izləyən həkimi dostu Şahin Musaoğlu Yusifə yazmış olduğu "İgid əsgər möhkəm dayan"adlı bir mahnıdan söhbət salir Sözlərlə tanış olub mahnını dinlədikdən sonra mahnını çox bəyənən Yusif onu ifa etməyi Şəmistan Əlizamanlıdan istəyir və o sözü alir.Daha sonra Yusif müalicəsini yarımçıq qoyaraq xəstəxananı tərk edir.Həkim dostu Şahin Musaoğlu buna qəti etiraz etsə də
"Bilirəm canım əldən gedir, ancaq vətən də əldən gedir."deyərək yenidən cəbhəyə yollanır.Bu gediş onun sön gedişi olur.
Bakıda Yusifə müxtəlif vəzifələr təklif edilsə də, o, razı olmur. 1993-cü il 19 fevralda Ağdərədə mühasirəyə düşmüş əsgərləri xilas etməyə çalışarkən özü şəhid olur. Ölümündən sonra, o, Naxçıvan şəhərinin Şəhidlər xiyabanında dəfn edilmişdir.Həmin ilin martında Yusif Mirzəyevə "Azərbaycanın Milli Qəhrəmanı" adı verilir.Elə həmin ilin martında Şahin Musaoğlu və Şəmistan Əlizamanlı söz verdikləri "İgid əsgər, möhkəm dayan" mahnısını Azərbaycanın Milli Qəhrəmanı Yusif Mirzəyevə həsr edirlər.[1]
Naxçıvan şəhərində büstü qoyulmuşdur. Bakının Nəsimi rayonundakı 44 saylı məktəbə qəhrəmanımızın adı verilmiş, qarşısında büstü qoyulmuşdur.
- ↑ İctimai TV. "Fatehin divanı. Şəmistan Əlizamanlı" (az.). Youtube.com. 03.10.2020. 2024-12-28 tarixində arxivləşdirilib. İstifadə tarixi: 2020-10-10.
- Fəxrəddin Quliyev, "Milli qəhrəmanlar", "Məktəb" qəzeti, №39(304), 20 oktyabr 2014-cü il. səh.1
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 213.