Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin
|
Bu məqalə birinci vitse-prezidentin köməkçisi haqqındadır. Kimyaçı alim üçün Yusif Məmmədəliyev səhifəsinə baxın. |
Yusuf Ülfət oğlu Məmmədəliyev (23 yanvar 1979, Bakı) — Azərbaycan siyasətçisi və diplomatı, Azərbaycan Respublikası Prezidentinin Administrasiyasının Gənclər siyasəti və idman məsələləri şöbəsinin müdiri (2017-ci ildən), Birinci vitse-prezidentin köməkçisi (2017-ci ildən).
| Yusuf Məmmədəliyev | |
|---|---|
  | |
Vəzifədədir | |
| 1 iyun 2017-ci ildən | |
| Prezident | İlham Əliyev |
Vəzifədədir | |
| 11 aprel 2017-ci ildən | |
| Vitse-prezident | Mehriban Əliyeva |
| Şəxsi məlumatlar | |
| Doğum tarixi | 23 yanvar 1979 (46 yaş) |
| Doğum yeri | |
| Təhsili | |
Yusuf Ülfət oğlu Məmmədəliyev 23 yanvar 1979-cu ildə Bakı şəhərində anadan olub. 1995-ci ildə Səbail rayon 134 nömrəli orta məktəbi bitirdikdən sonra Bakı Sosial İdarəetmə və Politologiya İnstitutunun Dövlət və Bələdiyyə idarəetməsi fakültəsinə qəbul olunub. 1999-cu ildə buradan bakalavr dərəcəsini aldıqdan sonra Azərbaycan Respublikasının Prezidenti yanında Dövlət İdarəçilik Akademiyasında təhsilini davam etdirib. 2001-ci ildə Akademiyanın İnzibati idarəetmə fakültəsini Dövlət və bələdiyyə idarəetmə ixtisası üzrə fərqlənmə diplomu ilə bitirərək magistr dərəcəsi alıb.[1]
Y. Məmmədəliyev 1997-ci ildə Azərbaycan Respublikası Xarici İşlər Nazirliyində diplomatik karyerasına başlayıb və 1997–2002-ci illər ərzində nazirliyin Beynəlxalq Təşkilatlar İdarəsində referent və attaşe vəzifələrində çalışıb. 2002–2005-ci illərdə Azərbaycan Respublikasının BMT yanında Daimi Nümayəndəliyində attaşe kimi fəaliyyət göstərib.[1]
2003-cü ildə Azərbaycan Respublikası Prezident seçkilərində Leyla Əliyevanın rəhbərliyi ilə "İlhamla İrəli" şüarı altında gənclərin təşəbbüs qrupunun tərkibində İlham Əliyevin seçkiqabağı kampaniyasında iştirak edib. 2005–2009-cu illərdə Xarici İşlər Nazirliyinin Təhlükəsizlik Problemləri İdarəsində əvvəlcə ikinci, daha sonra isə birinci katib vəzifələrində çalışıb. 2009–2011-ci illərdə Madrid şəhərində Azərbaycan Respublikasının İspaniya Krallığındakı Səfirliyində birinci katib və müşavir vəzifələrində fəaliyyət göstərib.[1]
2011–2013-cü illərdə ABŞ-nin Nyu-York şəhərində yerləşən Azərbaycan Respublikasının BMT yanında Daimi Nümayəndəliyində müşavir və daha sonra daimi nümayəndənin müavini vəzifələrində çalışıb. 2011-ci il 14 noyabr tarixində Azərbaycanın 2012–2013-cü illər üçün BMT Təhlükəsizlik Şurasının qeyri-daimi üzvü seçilməsi prosesində fəaliyyətinə görə birinci dərəcəli birinci katib diplomatik rütbəsini alıb.[1]
2013-cü il 1 may – 30 dekabr tarixlərində Azərbaycan Respublikası Xarici İşlər Nazirliyində idarə rəisi vəzifəsində çalışıb və ona birinci dərəcəli müşavir diplomatik rütbəsi verilib. 2014-cü il yanvar ayından etibarən Heydər Əliyev Fondunda ekspert qismində və IDEA İctimai Birliyinin icraçı direktoru vəzifələrində iş fəaliyyətini davam etdirib.[1]
Azərbaycan Respublikası Prezidentinin müavfiq sərəncamları ilə 11 aprel 2017-ci ildə Azərbaycan Respublikasının Birinci vitse- prezidentinin köməkçisi[2], 1 iyun 2017-ci ildə Azərbaycan Respublikası Prezidentinin Administrasiyasının Gənclər siyasəti və idman məsələləri şöbəsinin müdiri təyin edilmişdir.[3] 2-ci dərəcə dövlət müşaviridir.[4]
- Yusif Məmmədəliyev (babası)
- ↑ 1 2 3 4 5 "Birinci vitse-prezidentə köməkçi təyin edilən Yusif Məmmədəliyev kimdir?". 21 yanvar 2021 tarixində arxivləşdirilib. İstifadə tarixi: 6 iyun 2017.
- ↑ "Y.Ü.Məmmədəliyevin Azərbaycan Respublikasının Birinci vitse-prezidentinin köməkçisi təyin edilməsi haqqında Azərbaycan Respublikası Prezidentinin Sərəcamı". e-qanun.az. İstifadə tarixi: 14 sentyabr 2025.
- ↑ "Y.Ü.Məmmədəliyevin Azərbaycan Respublikası Prezidentinin Administrasiyasının gənclər siyasəti və idman məsələləri şöbəsinin müdiri təyin edilməsi haqqında Azərbaycan Respublikası Prezidentinin Sərəcamı". e-qanun.az. İstifadə tarixi: 14 sentyabr 2025.
- ↑ "Azərbaycan Respublikası Prezidentinin Administrasiyasında və Azərbaycan Respublikası Prezidentinin İşlər İdarəsində inzibati vəzifə tutan dövlət qulluqçularına ixtisas dərəcələrinin verilməsi haqqında Azərbaycan Respublikası Prezidentinin Sərəcamı". e-qanun.az. İstifadə tarixi: 14 sentyabr 2025.