Bu səhifədə iş davam etməkdədir. |
Zaur bəy Daqirov (tam adı: Zaur bəy Yusif oğlu Daqirov; 11 (24) may 1902, Vladiqafqaz – 1957) — Azərbaycan Xalq Cümhuriyyəti Parlamentinin xüsusi qərarı ilə dövlət hesabına ali təhsil almaq üçün xaricə göndərilmiş tələbələrdən biri, Dağıstanın ilk opera müğənnisi.
| Zaur bəy Daqirov | |
|---|---|
 | |
| Doğum tarixi | 11 (24) may 1902 |
| Doğum yeri | |
| Vəfat tarixi | 1957 (54–55 yaşında) |
| Təhsili | |
| Fəaliyyəti | opera müğənnisi |
Zaur bəy Daqirov 1901-ci ildə Şimali Osetiyanın paytaxtı Vladiqafqazda qumuq əsilzadə ailəsində anadan olmuşdur. 1918-ci ildə Tiflis kadet korpusunu bitirmişdi. Parlamentin 1919-cu il 1 sentyabr tarixli qərarına əsasən, təhsilini etnoqrafiya sahəsində davam etdirmək üçün Paris Universitetinə (Fransa) göndərilmişdir.[1]
Gözəl səsə malik olan Zaur-bəy 1922-ci ildə Parisdən Bakıya qayıtmış, daha sonra isə peşəkar müğənni olmaq üçün yenidən Bakıdan ayrılmışdır.
1927-ci ildə o, Moskva Böyük Teatrının nəzdində fəaliyyət göstərən Dövlət Opera Studiyasını uğurla bitirmişdir. Bu studiya 1926-cı ildə yenidən təşkil edilərək K. S. Stanislavski adına Opera Studiyası-Teatrı adlandırılmışdı.
Studiyanı professor Dekanova sinfi üzrə bitirdikdən sonra Zaur-bəy Dağırov, görünür, yeni təşkil olunmuş Moskva Operetta Teatrına (əvvəllər Səyyar Teatr kimi fəaliyyət göstərirdi) qəbul olunmuşdur. SSRİ xalq artisti, onun dostu G. Jjenovun sözlərinə görə, o, burada 1937-ci ildə də fəaliyyət göstərirdi.
- ↑ Azərbaycan Xalq Cümhuriyyəti Ensiklopediyası, I cild, "Lider nəşriyyat", Bakı-2004, səh. 299