Zeynəb Sönməz (türk. Zeynep Sönmez, 30 aprel 2002[2], İstanbul[4]) — türkiyəli peşəkar tennisçi. Qadın Tennis Assosiasiyasının (WTA) fərdi dərəcədə turnirinin (Merida Open 2024) və bir neçə ITF turnirinin qalibidir. Billi Cin Kinq Kubokunda Türkiyə millisinin oyunçusudur.
| Zeynəb Sönməz | |
|---|---|
| türk. Zeynep Sönmez[1] | |
.jpg) Sönməz 2023-cü ildə Uimbldon çempionatında | |
| Şəxsi məlumatlar | |
| Vətəndaşlığı | |
| Doğum tarixi | 30 aprel 2002[2] (23 yaş) |
| Doğum yeri | |
| Boyu | 170 sm |
| İşlək əli | sağ |
| Məşqçisi | İssam Cəlali |
| Mükafat pulları | 1.294.157 $[4] |
| Fərdi nəticələri | |
| Fərdi nəticələri | 229–156[4] |
| Fərdi titulları |
1 WTA 4 ITF[3] |
| Ən yüksək fərdi mövqeyi | 69 (20 oktyabr 2025) |
| Hal-hazırkı mövqeyi | 110 |
| Böyük Dəbilqə turnirləri (fərdi) | |
| Avstraliya Açıq | 1-ci raund (2025) |
| Fransa Açıq | 1-ci raund (2024, 2025) |
| Uimbldon | 3-cü raund (2025) |
| ABŞ Açıq | 2-ci raund (2025) |
| Cütlərdə nəticələri | |
| Cütlərdə nəticələri | 14–34[4] |
| Cütlərdə ən yüksək mövqeyi | 382 (14 iyul 2025) |
| Hal-hazırkı mövqeyi | 499 |
| Böyük Dəbilqə turnirləri (cütlər) | |
| Fransa Açıq | 1-ci raund (2025) |
| Uimbldon | 2-ci raund (2025) |
| Milli yığma | |
| Fed Kuboku | 7-4 |
 Vikianbarda əlaqəli mediafayllar | |
Çağla Büyükakçaydan sonra fərdi dərəcədə WTA titulunu qazanmağı bacaran ilk türkiyəli tennisçidir (8 ildən sonra).[5]
Zeynəb Sönməz 30 aprel 2002-ci ildə İstanbulda anadan olmuşdur. Uşaqlıq illərində özünü üzgüçülük və basketbolda sınasa da, komanda oyunları onun xarakterinə uyğun gəlməmişdir. İdmançı xatırlayır ki, o, tez-tez basketbol məşqlərindən yayınaraq qonşuluqdakı tennis kortlarına qaçır və orada təkbaşına oynamağa çalışırdı. Məhz həmin vaxt onun bu həvəsi ilk məşqçisinin diqqətini cəlb etmiş və məşqçi ona idman növünü dəyişərək tennislə məşğul olmağı məsləhət görmüşdür.[6]
Peşəkar karyerasına Türkiyə və Avropada keçirilən ITF turnirlərində iştirak edərək başlamışdır. Daha çox sərt (hard) örtüklü kortlarda oynamağa üstünlük verir.[7]
Sönməz böyüklər səviyyəsindəki karyerasına Beynəlxalq Tennis Federasiyasının (ITF) təşkil etdiyi turnirlərlə başlamışdır. Fərdi yarışlarda ilk ITF titulunu (W15) 2020-ci ildə Antalyada əldə etmişdir. Növbəti illərdə o, reytinqini mərhələli şəkildə yaxşılaşdıraraq W25 və W40 kateqoriyalı turnirlərdə, o cümlədən 2023-cü ildə Tallində keçirilən yarışda qalib gələrək növbəti titullarına sahib çıxmışdır.[3]
2023-cü il mövsümü Sönməz üçün karyerasında sıçrayış dövrü oldu. Böyük Dəbilqə turnirlərinin təsnifat mərhələlərində ilk dəfə iştirak etdi. Həmçinin, Sloveniyanın Lyublyana şəhərində keçirilən WTA 125 turnirində finala qədər irəliləyərək, həlledici görüşdə ispan tennisçi Marina Bassols Riberaya məğlub oldu. Bu nəticə sayəsində o, dünya reytinqində ilk 150-liyə daha da yaxınlaşdı.[8]
2024-cü ildə karyerasında ilk dəfə olaraq Böyük Dəbilqə seriyalı turnirin - Fransa Açıq Çempionatının (Roland Garros) əsas mərhələsinə vəsiqə qazandı. Təsnifat mərhələsində Deyana Radanoviç, Aleksandra Sasnoviç və Yana Fett üzərində qələbə qazanaraq uğura imza atdı. Əsas mərhələnin ilk turunda isə ABŞ təmsilçisi Emma Navarro ilə qarşılaşan tennisçi, rəqibinə iki setdə məğlub oldu.[9]
İdmançının ən böyük uğuru 2024-cü ilin noyabrında Meksikada keçirilən "Merida Open Akron" (WTA 250) turnirində qeydə alındı. Sönməz finala qədər inamla irəlilədi və həlledici görüşdə ABŞ təmsilçisi Enn Li üzərində 2-6:2 və 6:1 hesablı qələbə qazandı. Bu zəfər ona karyerasının ilk WTA titulunu gətirməklə yanaşı, dünya reytinqində 91-ci pilləyə yüksəlməsinə və ilk 100-lükdə debüt etməsinə şərait yaratdı. Bununla da o, 2016-cı ildə İstanbulda WTA titulunu əldə edən Çağla Büyükakçaydan sonra bu səviyyədə fərdi titul qazanan ikinci Türkiyə təmsilçisi kimi tarixə düşdü.[10]
2025: Uimbldonda tarixi uğur
2025-ci ildə karyerasında ilk dəfə olaraq Böyük Dəbilqə seriyalı bütün dörd turnirin əsas mərhələsində mübarizə apardı.
Mövsüm Avstraliya Açıq Çempionatındakı debütlə başladı. Burada o, ilk turda "wild card" (xüsusi dəvət) sahibi Taliya Qibsona[11] qarşı keçirdiyi gərgin üç setlik görüşdə məğlub oldu (6:3, 6:7, 1:6).[12]
Fevral ayında o, artıq WTA 500 kateqoriyasına yüksəlmiş Merida turnirinə (Mérida Open) qayıtdı. Son çempion statusunda çıxış edən Sönməz, tennisçi Mariya Sakkari[13] və Maqda Linett[14] üzərində önəmli qələbələr qazanaraq dörddəbir finala qədər irəlilədi. Onu yalnız turnirin bir nömrəli raketkası və çempion Emma Navarro dayandıra bildi.[15]
Mövsümün yaz hissəsində Rabat Qran-prisinə (WTA 250) qatılan Zeynəb, üçüncü nömrəli Lüçiya Brontsettiyə qalib gəlsə də[16], ikinci dövrədə Anastasiya Sevastovaya məğlub oldu[17]. Fransa Açıq Çempionatında isə o, ilk turdaca 13-cü nömrəli Elina Svitolina ilə qarşılaşaraq mübarizəni dayandırdı[18].
İlin ən əlamətdar hadisəsi Uimbldondakı çıxış oldu. Jaklin Kristian (7:6, 6:3) və Van Sinyuy (7:5, 6:4) üzərində qələbə qazanan Sönməz, Böyük Dəbilqə turnirinin üçüncü mərhələsinə yüksələn ilk türk qadın tennisçi kimi tarixə düşdü.[19] 1/8 finala çıxmaq uğrunda mübarizədə o, 18-ci nömrəli Yekaterina Aleksandrovaya uduzdu (3:6, 6:7).[20]
Avqustda ABŞ Açıq Çempionatında (US Open) Sönməz ilk turda Keti Volinetsi məğlub etsə də (6:3, 6:4), ikinci mərhələdə Marta Kostyuka uduzaraq turnirlə vidalaşdı (5:7, 6:7, 3:6).[21]
Sönməz, Billi Cin Kinq Kubokunda (əvvəlki adı ilə Federasiya Kuboku) iştirak etmək üçün mütəmadi olaraq Türkiyə milli komandasına cəlb olunur. Orada həm fərdi, həm də cütlü yarışlarda ölkəsini təmsil edir.
- Açar
| Ç | F | YF | DF | #R | RR | Q# | DNQ | A | P | Z# | PO | Q | G | B | NMS | NH |
(Ç) Çempion; (F) finalçı; (YF) yarımfinalçı; (DF) dörddəbir finalçı; (#R) raund 4, 3, 2, 1; (RR) dairəvi mərhələ; (Q#) təsnifat mərhələsi; (DNQ) təsnifatı keçə bilməyib/diskvalifikasiya olunub; (A) iştirak etməyib; (P#) ilkin mərhələ; (Z#) Devis/Fed Kuboku qrupları (qrup nömrəsi ilə) və ya (PO) pley-off; (Q) qızıl, (G) gümüş; (B) bürünc Olimpiya/Paralimpiya medalı; (NMS) statusu aşağı salınmış "Masters" seriyalı 1000 turniri; (NH) keçirilməyib. SR=uğur faizi (turnir qazanma/itirmə) Q-M= Qalibiyyət - Məğlubiyyət
Qələbə-məğlubiyyət statistikasına yalnız WTA 1000, Böyük Dəbilqə turnirləri, Billi Cin Kinq Kuboku və Olimpiya Oyunlarının əsas mərhələsindəki nəticələr daxildir.
Fərdi turnirlər[22]
| Turnir | 2022 | 2023 | 2024 | 2025 | Q-M |
|---|---|---|---|---|---|
| Böyük Dəbilqə | |||||
| Uimbldon | A | Q1 | Q3 | 3R | 2–1 |
| Avstraliya Açıq | A | A | Q3 | 1R | 0–1 |
| Fransa Açıq | A | A | 1R | 1R | 0–2 |
| ABŞ Açıq | A | Q1 | Q3 | 2R | 1–1 |
| Q-M | 0–0 | 0–0 | 0–1 | 3–4 | 3–5 |
| WTA 1000 | |||||
| Qatar Open | A | A | A | 1R | 0–1 |
| Dubay | A | A | Q1 | A | 0–0 |
| İndian-Uells | A | A | A | Q2 | 0–0 |
| Mayami Open | A | A | A | Q1 | 0–0 |
| Madrid Open | A | A | A | 1R | 0–1 |
| İtaliya Açıq | A | A | A | Q1 | 0–0 |
| Kanada Açıq | A | A | A | A | 0–0 |
| Sinsinnati Open | A | A | A | A | 0–0 |
| Uxan Open | - | A | A | Q1 | 0–0 |
| Çin Açıq | - | A | Q2 | 3R | 2–1 |
| Q-M | 0–0 | 0–0 | 0–0 | 2–3 | 2–3 |
| Karyera statistikası | |||||
| Turnir | 0 | 0 | 5 | 12 | 17 |
| Çempionluq | 0 | 0 | 1 | 0 | 1 |
| Final | 0 | 0 | 1 | 0 | 1 |
| Q-M Ümumi | 0–0 | 0–0 | 7–4 | 11–12 | 18–16 |
| İl sonu reytinqi | 345 | 159 | 90 | 113 | $1.034.627 |
Sönməz tennisdə kumirinin Rocer Federer olduğunu qeyd etmişdir. O, tennisdən əlavə kitab oxumağı sevir və idman psixologiyası ilə də maraqlanır.[6]
Ailəsi əslən Artvinin Arhavi ilçesindəndir.[23]
- ↑ 1 2 3 https://www.cumhuriyet.com.tr/spor/zeynep-sonmezden-avustralya-acik-elemelerinde-buyuk-basari-2161694.
- ↑ 1 2 https://www.elipshaber.com/zeynep-sonmez-kimdir.
- ↑ 1 2 "Zeynep Sonmez Women's Singles Titles". International Tennis Federation (ingilis). İstifadə tarixi: 6 yanvar 2026.
- ↑ 1 2 3 4 5 WTA website.
- ↑ "Sonmez wins Merida for first WTA singles title of career". WTA (ingilis). 4 noyabr 2024. İstifadə tarixi: 6 yanvar 2026.
- ↑ 1 2 "Zeynep Sonmez's journey from ballgirl to Turkish tennis standout". WTA (ingilis). 12 dekabr 2024. İstifadə tarixi: 6 yanvar 2026.
- ↑ "Zeynep Sonmez Overview". International Tennis Federation (ingilis). İstifadə tarixi: 6 yanvar 2026.
- ↑ "Zeynep Sonmez Player Stats & More". WTA (ingilis). İstifadə tarixi: 6 yanvar 2026.
- ↑ "Player Card: Zeynep Sonmez". Roland Garros (ingilis). İstifadə tarixi: 6 yanvar 2026.
- ↑ "Milli tenisçi Zeynep Sönmez, kariyerinin ilk WTA şampiyonluğunu elde etti". Anadolu Ajansı (türk). 4 noyabr 2024. İstifadə tarixi: 9 yanvar 2026.
- ↑ "AO wildcards awarded to Hijikata, Hon, Gibson, Preston". Tennis Australia (ingilis). 22 dekabr 2025. İstifadə tarixi: 6 yanvar 2026.
- ↑ "AO 2025: Rising Aussie Talia Gibson scores memorable maiden victory". Tennis Australia (ingilis). 13 yanvar 2025. İstifadə tarixi: 6 yanvar 2026.
- ↑ "Reigning Merida champion Sonmez knocks out No. 8 seed Sakkari". WTA. 4 iyul 2025. İstifadə tarixi: 6 yanvar 2026.
- ↑ "M. Linette vs. Z. Sonmez Match Stats". WTA (ingilis). 28 fevral 2025. İstifadə tarixi: 6 yanvar 2026.
- ↑ "Zeynep Sönmez, Merida Açık'a Çeyrek Finalde Veda Etti". Eurosport (türk). 1 mart 2025. İstifadə tarixi: 6 yanvar 2026.
- ↑ "Sonmez routs former champion Bronzetti to reach Rabat second round". WTA (ingilis). İstifadə tarixi: 6 yanvar 2026.
- ↑ "Wild card Sevastova defeats Sonmez to make Rabat quarterfinals". WTA (ingilis). İstifadə tarixi: 6 yanvar 2026.
- ↑ "Roland-Garros: Svitolina moves into second round". Tennis Majors. 25 may 2025. İstifadə tarixi: 6 yanvar 2026.
- ↑ "Zeynep Sönmez, Wimbledon'da 3. tura yükselerek tarihe geçti". Anadolu Ajansı. 3 iyul 2025. İstifadə tarixi: 6 yanvar 2026.
- ↑ "Wimbledon'da tarih yazan Zeynep Sönmez: Hayallerime çok uzak olmadığımı gördüm". Anadolu Ajansı (türk). 5 iyul 2025. İstifadə tarixi: 6 yanvar 2026.
- ↑ "Zeynep Sönmez Amerika Açık'a ikinci turda veda etti". BBC News Türkçe. 28 avqust 2025. İstifadə tarixi: 6 yanvar 2026.
- ↑ "Zeynep Sonmez Activity". International Tennis Federation. İstifadə tarixi: 6 yanvar 2026.
- ↑ "ARHAVİ'DEN BİR DÜNYA ŞAMPİYONU… ZEYNEP SÖNMEZ." arhavizyon.com. 4 noyabr 2024. İstifadə tarixi: 6 yanvar 2026.