Şahin Tağıyev
Şahin Talıb oğlu Tağıyev (3 fevral 1949, Tərtər rayonu – 29 dekabr 2025, Malmö) — Azərbaycanın Milli Qəhrəmanı (1992). Birinci Qarabağ müharibəsi iştirakçısı.
| Şahin Tağıyev | |
|---|---|
| Şəxsi məlumatlar | |
| Doğum adı | Şahin Tağıyev |
| Doğum tarixi | 3 fevral 1949 |
| Doğum yeri | |
| Vəfat tarixi | 29 dekabr 2025 (76 yaşında) |
| Vəfat yeri | |
| Dəfn yeri | |
| Dəfn tarixi | 16 yanvar 2026 |
| Vətəndaşlığı | |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Rütbəsi | Polkovnik-leytenant |
| Döyüşlər | |
| Təltifləri |
 |
Şahin Talıb oğlu Tağıyev 3 fevral 1949-cu ildə Tərtər şəhərində anadan olmuşdur. Əslən Şuşadandır.[1] Kiçik yaşlarından Bakıya köçmüş, Bakının Bülbülə qəsəbəsində böyümüşdür. Bülbülə qəsəbəsindəki 208 saylı məktəbə getmiş və beşinci sinfə qədər burada təhsil almışdır. Yarımçıq qalmış təhsilini 12 saylı internat məktəbində davam etdirmişdir. Daha sonra Energetika texnikumuna daxil olmuşdur. 1969-cu ildə texnikumu bitirmiş və təyinatla Rusiyanın Udmurt vilayətinə göndərilmişdir. Gənc yaşlarında Rusiya və Azərbaycanda əvvəlcə energetika, sonra ticarət sahələrində işləmişdir.[2]
1988-ci ildən milli azadlıq hərəkatının fəal iştirakçısı olmuşdur. Dağlıq Qarabağ münaqişəsinin başlanması ilə döyüşlərdə iştirak etməyə başlamış, Tərtər, Seysulan, Yarımca, Levonarx bölgələrindəki döyüşlərdə iştirak etmişdir.[3]
Azərbaycan Respublikası prezidenti Əbülfəz Elçibəyin 23 iyun 1992-ci il tarixli 6 saylı fərmanı ilə Şahin Tağıyev "Azərbaycanın Milli Qəhrəmanı" adına layiq görülmüşdür.[4][5] Tağıyev bu ada layiq görülən ilk 4 nəfərdən biridir.[2] "Qurtuluş" batalyonunda vuruşan Şahin bir müddət sonra bu batalyonun komandiri təyin edilmişdir.[6] 1993-cü ilin martında döyüşlərin birində ağır yaralanmış, hospitalda uzunmüddətli müalicədən sonra polkovnik–leytenant rütbəsində ordudan tərxis olunmuşdur.[3]
Şahin Tağıyev 1998-ci ildə Qarabağ Koordinasiya Şurasının işində fəal iştirak etmişdir. O, Qarabağ Azadlıq Təşkilatının yaradıcılarından olmuş, 2000-ci ildə Qarabağ Azadlıq Təşkilatının bərpa qurultayında Ali Məclis üzvü, sədr müavini seçilmişdir.[7] 2001-ci ildən İsveçdə mühacirətdə yaşayırdı.[3] Ailəli idi, bir oğlu, bir qızı (Rövşən və Nigar)[8], nəvələri var.[3] Şahin Tağıyev 2024-cü ildə infarkt keçirmiş,[9] beyin qanaması və infarkt diaqnozu ilə xəstəxanaya yerləşdirilmişdir.[10] O, bundan sonra "Oxie" reabilitasiyası mərkəzində[11] yaşamağa başlamışdır.[7] Bu dövrdə Tağıyev nitqini itirmişdi və hərəkət edə bilmirdi.[12] O, 29 dekabr 2025-ci ildə 76 yaşında uzun sürən xəstəlikdən sonra İsveçin Malmö şəhərində vəfat etmişdir.[13] 15 yanvar 2026-cı ildə nəşi Azərbaycana gətirilmişdir. Hərbi Memorial Məzarlıq – İkinci Fəxri Xiyabanda dəfn edilmişdir.[14][15]
- ↑ "Azərbaycanı tərk edən Milli Qəhrəman HARALARDADI…". Modern.az.
- ↑ 1 2 "Vəfat edən Milli Qəhrəman kimdir? - DOSYE". Modern.az.
- ↑ 1 2 3 4 "Milli Qəhrəman 22 ildən sonra Azərbaycana qayıtdı - FOTO". Oxu.Az (az.). 4 noyabr 2023. 4 noyabr 2023 tarixində arxivləşdirilib. İstifadə tarixi: 4 noyabr 2023.
- ↑ "Сайт Министерства Юстиции АР. Приказ о присвоении звания героя". 22 oktyabr 2021 tarixində arxivləşdirilib. İstifadə tarixi: 27 dekabr 2018.
- ↑ "Azərbaycan Respublikası Silahlı Qüvvələrinin hərbi qulluqçularına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidenti Əbülfəz Elçibəyin 23 iyun 1992-ci il tarixli 6 nömrəli fərmanı" (az.). www.e-qanun.az. 23 iyun 1992. 22 oktyabr 2021 tarixində arxivləşdirilib. İstifadə tarixi: 31 dekabr 2018.
- ↑ "Milli Qəhrəman Şahin Tağıyev xəstəxanaya yerləşdirildi". demokrat.az.
- ↑ 1 2 "Azərbaycanın Milli Qəhrəmanı Qocalar evində yaşayır - FOTOLAR". Modern.az.
- ↑ "Şahin Tağıyevin qızı: "Azərbaycan yeməklərini mənə atam öyrədib"". Teleqraf. 16 yanvar 2026.
- ↑ "Milli Qəhrəman vəfat etdi - Foto". Axar.Az. 29 dekabr 2025.
- ↑ "Azərbaycanın Milli Qəhrəmanı infarkt keçirib". Oxu.az.
- ↑ "Şahin Tağıyev qocalar evində vəfat edib? - Qızı danışdı". Axar.Az. 16 yanvar 2026.
- ↑ "Milli Qəhrəman Şahin Tağıyevin qohumu: "Yalan məlumatlar yayılmasın"". GlobalInfo.az. 16 yanvar 2026.
- ↑ "Milli Qəhrəman Şahin Tağıyev vəfat edib". Oxu.az (az.). İstifadə tarixi: 29 dekabr 2025.
- ↑ "Milli Qəhrəman Şahin Tağıyevin cənazəsi Azərbaycana gətirildi". Oxu.az (az.). 15 yanvar 2026. İstifadə tarixi: 15 yanvar 2026.
- ↑ "Azərbaycanın Milli Qəhrəmanı Şahin Tağıyev Hərbi Memorial Məzarlıqda torpağa tapşırılıb - YENİLƏNİB 2 VİDEO - AZƏRTAC".
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 272.