Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAdolf Fik Mükafatı-Adolf Fik Fondu[alm.] tərəfindən təsis olunan almandilli fiziologiya sahəsində ən vacib mükafat hesab olunur. Mükafat 1929-cu ildən bəri hər beş ildən bir və ya daha çox görkəmli fizioloqa təqdim olunur və 10.000 avro dəyərindədir. Bu dəyər 2019-cu ilə qədər öz qüvvəsində qalmışdır. Mükafat laureatına həmçinin "Adolf Fik Medalı"nı təqdim edilir.
Mükafat Adolf Eugen Fikin oğulları tərəfindən onun 100 illik yubileyini qeyd etmək üçün təsis edilib; onun idarə olunması və təqdimatı Vürzburq Fiziki-Tibbi Cəmiyyəti tərəfindən həyata keçirilib.
Namizədliklər yalnız almandilli ölkələrdəki fizioloji cəmiyyətlərin üzvləri tərəfindən təqdim olunur və namizədlərin elmi işlərinin əhatə dairəsini əks etdirmək üçün nəzərdə tutulub. Mükafat laureatlarının seçim komitəsinə (2019-cu il tarixinə) Vürzburq Universitetinin Fiziologiya İnstitutunun idarə heyətinin üzvü, Alman Fizioloji Cəmiyyətinin iki idarə heyəti üzvü, Vürzburq Fiziki-Tibbi Cəmiyyətinin sədri və Adolf Fikin nəslindən bir nəfər daxildir. Ərizə tələblərinə əsasən, laureat 45 yaşdan yuxarı olmamalı, son beş ildə fiziologiya və ya əlaqəli bir sahədə görkəmli nəşrlər dərc etdirməli və (vətəndaşlığından asılı olmayaraq) alman dilində danışmalıdır.