Azad Əyyub oğlu Abdullayev (9 iyun 1976, Yenikənd, Qazax rayonu) – Azərbaycan Silahlı Qüvvələrinin general-mayoru, Dövlət Sərhəd Xidmətinin "Qubadlı" Əlahiddə Sərhəd Diviziyasının sabiq komandiri, Azərbaycan Sərhəd Qoşunları Komandanlığının qərargah rəisi.
| Azad Abdullayev | |
|---|---|
| Şəxsi məlumatlar | |
| Doğum tarixi | |
| Doğum yeri | Qazax rayonu, Azərbaycan SSR, SSRİ |
| Vətəndaşlığı | Azərbaycan |
| Hərbi fəaliyyəti | |
| Mənsubiyyəti | Dövlət Sərhəd Xidməti |
| Qoşun növü | Azərbaycan Sərhəd Qoşunları |
Azad Abdullayev 1976-cı il iyun ayının 9-da Qazax rayonu Yenikənd kəndində anadan olmuşdur. 1983–1993-cü illərdə Qazax rayonu Şahnabat Nəsibova adına Sarıvəlli kənd orta məktəbində təhsil almışdır.
1994-cü ildə Bakı Ali Birləşmiş Komandanlıq Məktəbinə daxil olmuş, 1998-ci ildə həmin ali hərbi təhsil müəssisəsini “Sərhəd” ixtisası üzrə bitirmişdir.
Azad Abdullayev əvvəlcə Sərhəd Qoşunlarının Göytəpə şəhərində yerləşən "N" saylı hərbi hissəsinin komandiri vəzifəsində çalışmışdır. 2022-ci ilin avqust ayında ona general-mayor ali hərbi rütbəsi verilmişdir. O, sərhəd mühafizəsinin təmin edilməsində və Azərbaycan Respublikasının sərhəd təhlükəsizliyinin qorunmasında mühüm xidmətlər göstərmişdir.
General-mayor Abdullayev sərhəd xidmətindəki xidməti və peşəkarlığına görə müxtəlif orden və medallarla təltif olunmuşdur. Onun təltifləri arasında "Azərbaycan Bayrağı" ordeni də mövcuddur. 2025-ci ilin avqust ayında Prezident İlham Əliyev tərəfindən imzalanan sərəncama əsasən o və digər DSX hərbi qulluqçuları təltif edilmişdir.