Bu məqalədəki və ya bölmədəki məlumatlar köhnədir. |
"Azadlıq" – 1989–2016-cı illərdə Azərbaycanda çap edilmiş gündəlik ictimai–siyasi qəzet. 2002-ci ildən[1] həm də, 2016-cı ildən[a] isə sadəcə onlayn fəaliyyət göstərir.[2]
| Azadlıq qəzeti | |
|---|---|
 | |
| Növ | Gündəlik ictimai–siyasi qəzet |
| Format | A3 |
| Təsisçi | Qəzetin kollektivi |
| Baş redaktor | Qənimət Zahid |
| Yaranma tarixi | 24 dekabr 1989 |
| Dil | Azərbaycan dili |
| Qiymət | 50 qəpik |
| Baş ofis | |
| Ünvan | Bakı, Mətbuat prospekti, 529-cu məhəllə, 9-cu mərtəbə. |
| Ölkə | |
| Tiraj | 7 500 |
| azadliq.info | |
 Vikianbarda əlaqəli mediafayllar | |
"Azadlıq" qəzeti 1989-cu ildə Azərbaycan Xalq Cəbhəsi Partiyasının həftəlik nəşri kimi yaradılıb. İlk sayı həmin il dekabrın 24-də işıq üzü görüb. Qəzetin ilk redaktoru Nəcəf Nəcəfov olub (1989–1991).
1991–1994-cü illərdə "Azadlıq"a Qənimət Zahid, 1994–2001-ci illərdə Gündüz Tahirli,[3] 2001–2003-cü illərdə Rövşən Hacıbəyli rəhbərlik edib. 2003-cü ildən "Azadlıq"ın baş redaktoru Qənimət Zahiddir.
1989-cu ildən həftədə bir dəfə, 1991-ci ildən iki dəfə, 1992-ci ildən üç dəfə, 1996-cı ildən gündəlik (həftədə 5-7 dəfə) çıxan "Azadlıq" 2016-cı ilə qədər həftədə 6 dəfə çap edilib[4].
AXCP 2015-ci ilin sentyabrında qəzetin təsisçiliyindən imtina etsə də bu qərar Ədliyyə Nazirliyi tərəfindən qəbul olunmayıb.
2016-cı ilin sentyabrında çap fəaliyyəti tamamilə dayanıb[5], onlayn fəaliyyəti davam edir.
2017-ci il mayın 12-də isə Səbail Rayon Məhkəməsi qəzetin Azadliq.info saytına girişi məhdudlaşdıran qərar qəbul edib. Bakı Apellyasiya Məhkəməsi və Ali Məhkəmə həmin qərarı qüvvədə saxlayıb. Sayt Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Mərkəzinin iddiası ilə bloklanıb.
Qəzetin ilk sayı 8 səhifədən ibarət idi. Qəzetin loqotipi üstündə "El gücü – sel gücü!" yazılmışdır. Birinci səhifəsində Azadlıq meydanındakı mitinqdən foto, aşağı hissədə isə türk şairi Tofiq Fikrətin "Millət şərqisi" şeiri yerləşdirilmişdir. İkinci səhifədə Məhəmmədəmin Rəsulzadənin Lahıcda yazdığı "Haqsız qan yerdə qalmaz" məqaləsi və Azərbaycan Xalq Cəbhəsinin fövqəladə konfransının qətnaməsi dərc olunmuşdur. 3-cü səhifədə Xalq Cəbhəsinin sədri Əbülfəz Elçibəyin "Hürriyət olan yerdə insanlıq da olur" adlı müsahibəsi verilmişdir. İlk sayda həmçinin Ü. Hacıbəylinin "Duma yaxınlaşır", Vaqif Səmədoğlunun "Milli tənhalıqdan qurtulmalıyıq" adlı yazıları dərc olunmuşdur.[6]
- ↑ 2024-cü ilin noyabrından sadəcə sosial şəbəkələrdə
Bu məqalədəki istinadlar müvafiq istinad şablonları ilə göstərilməlidir. |
- ↑ "Azadlıq — gündəlik qəzet (29 noyabr 2002)". (#archive_missing_date) tarixində orijinalından arxivləşdirilib.
- ↑ "Sərhədsiz Reportyorlar: Azərbaycanın son müxalifət qəzeti "Azadlıq" 2016-cı ildə çapını dayandırmağa məcbur edilib". Voice of America (az.). 29 iyun 2021. İstifadə tarixi: 22 noyabr 2025.
- ↑ ""Azadlıq" qəzetinin keçmiş baş redaktoru ABŞ-yə köçüb - FOTOLAR". 3 dekabr 2013 tarixində arxivləşdirilib. İstifadə tarixi: 2 iyul 2018.
- ↑ ""Azadlıq" qəzeti 20 yaşını necə qeyd edəcək?". 11 iyun 2013 tarixində orijinalından arxivləşdirilib. İstifadə tarixi: 14 dekabr 2009.
- ↑ "Azadlıq qəzetinin bu günə olan nömrəsi nəşr olunmayıb". BBC News Azərbaycanca (az.). İstifadə tarixi: 22 noyabr 2025.
- ↑ A.Rüstəmov. Azərbaycanın müstəqil mətbuatının təşəkkülü / Dirçəliş-XXI əsr, 2006, Oktyabr-Noyabr, 294 s.
- Rəsmi saytı
- Azadlıq — Facebook səhifəsi
- Azadlıq — Twitter səhifəsi
- ""Azadlıq"ın 30 ili". Novator.az (az.). 23 dekabr 2019. İstifadə tarixi: 30 noyabr 2023.
- Azadlıq qəzetinin bu günə olan nömrəsi nəşr olunmayıb
- Sabiq rəsmi twitter səhifəsi