Banqalor

Banqalor, həmçinin Benqaluru (kann. ಬೆಂಗಳೂರು: ಬೆಂಗಳೂರು,) — Hindistanın cənubunda iri şəhər və inzibati mərkəz. Ölkənin cənubunda yerləşən Karnataka ştatının paytaxtıdır, Dəkkən yaylasında yerləşir. Əhalisinin sayına görə Mumbay və Dehlidən sonra Hindistanın üçüncü ən böyük şəhəri ^[1] və beşinci aqlomerasiyasıdır.

şəhər
Banqalor
kann. ಬೆಂಗಳೂರು, ing. Bangalore
12°58′ şm. e. 77°34′ ş. u.
Ölkə	Hindistan
Başçı	Gangambike Mallikarjun
Tarixi və coğrafiyası
Əsası qoyulub	890
İlk məlumat	890
Sahəsi	741 km²
Mərkəzin hündürlüyü	920 m
Saat qurşağı	UTC+5:30
Əhalisi
Əhalisi	10.456.000 nəfər (2017-ci il)
Milli tərkibi	kannara, tamillər, teluqu və s.
Dini tərkibi	induizm, islam, cayna, xristianlıq.
Rəsmi dili	Kannada dili
Rəqəmsal identifikatorlar
Telefon kodu	+91 80
Poçt indeksi	5600xx
Nəqliyyat kodları	KA-01 — KA-05, KA 41, KA 50, KA 51, KA 53
Digər
bbmp.gov.in  (ing.)
Xəritəni göstər/gizlə Banqalor
Vikianbarda əlaqəli mediafayllar

Bu, Asiyanın ən dinamik inkişaf edən şəhərlərindən biridir və ölkənin ən böyük elmi və sənaye mərkəzidir. Burada maşınqayırma, elektronika, aerokosmik sənaye, telekommunikasiya avadanlıqları və müdafiə sənayesi məhsulları istehsal olunur. Bundan əlavə, informasiya texnologiyaları ilə bağlı çoxsaylı şirkətlərin mövcudluğuna görə Banqalor tez-tez “Hindistanın Silikon Vadisi” adlandırılır. Şəhərdə həmçinin universitet, Hindistan Elmlər İnstitutu və Milli Aeronavtika Laboratoriyası yerləşir. Banqalorun dünya iqtisadiyyatında artan rolunu nəzərə alaraq, “CNN” 2007-ci ildə bu şəhəri “üçüncü dünya ölkələrində biznes aparmaq üçün ən cəlbedici yerlərdən biri” kimi qiymətləndirmişdir.

Müasir Banqalorun banisi 1537-ci ildə bu ərazidə gil qalası tikən və onu Vicayanaqar imperiyasının vilayəti elan edən Yelahanka (indiki Banqalorun ətraf qəsəbəsi) adlı kiçik yaşayış məntəqəsinin yerli vassalı və rəhbəri Kempe Qouda I hesab olunur. Onun varisi Kempe Qouda II yaşayış məntəqəsinin ətrafı boyunca dörd gözətçi qülləsi inşa etdirərək şəhərin sərhədlərini müəyyənləşdirmişdir. Britaniya hakimiyyəti dövründə şəhər sürətlə böyümüş və Hindistanın cənubunda müstəmləkə idarəçiliyinin mərkəzinə çevrilmişdir. 1806-cı ildə burada britaniyalıların hərbi şəhərciyinin salınması şəhərin inkişafına böyük təkan vermiş və ölkənin müxtəlif bölgələrindən çoxlu miqrantın buraya gəlməsinə səbəb olmuşdur. 1947-ci ildə Hindistan müstəqilliyini elan etdikdən sonra şəhərin yerləşdiyi Maysur əmirliyi ştata çevrilmiş, Banqalor isə onun paytaxtı olmuşdur. 1973-cü ildə Maysur ştatının adı Karnataka olaraq dəyişdirilmişdir. Bu gün Banqalor çoxsaylı ali təhsil müəssisələri və elmi-tədqiqat institutları olan sürətlə inkişaf edən bir şəhərdir; savadlılıq səviyyəsinə görə isə Hindistanda ikinci yeri tutur.