Brfxxccxxmnpcccclllmmnprxvclmnckssqlbb11116— 1996-cı ildə İsveçdəki uşağın valideynlərinə qeydiyyatı rədd edilmiş bir ad[1][2]. Hadisə ABŞ və İngiltərə də daxil olmaqla bir çox ölkələrin kütləvi informasiya vasitələrində işıqlandırılmışdır.[3]
Bu hadisədən sonra, qeyri-adi adların qeyd edilməsindən imtina halı həm İsveçdə[2], həm də Rusiya daxil olmaqla dünyanın digər ölkələrində qeydə alındı.[4]
1982-ci ildə İsveçdə hansı adların qoyulmasını müəyyən edən sərt qanunlar tətbiq edilmişdir.
Valideynlər, Elizabet Hallin və Lasse Diding (özünü "kapitalist üzü olan bir kommunist" olaraq xarakterizə edirdi) 1991-ci ildə dünyaya gəlmiş övladlarına İsveçdə geniş yayılmış Albin adı verdilər. Lakin onlar 1996-cı ilə qədər, vətəndaşların şəxsi həyatına artan dövlət müdaxiləsinə və xüsusilə İsveç adları qanununa qarşı etiraz olaraq oğlanlarının adını qeydiyyatdan keçirməkdən imtina etdilər. [1]
Uşağın beş yaşı bitdikdən sonra, İsveçin cənub-qərbində yerləşən Halmstad şəhər məhkəməsi 1996-cı ilin may ayında valideynlərə uşağını adını qeydiyyatdan keçirməyi rədd etdikləri üçün 5000 kron (təxminən 550 avro) cərimə tətbiq etdi. Cavab olaraq valideyinlər uşağa 43 hərf və rəqəmdən ibarət bir ad qoymaq üçün icazə istədi - Brfxxccxxmnpcccclllmmnprxvclmnckssqlbb11116. Onlar iddia edirdilər ki, bu ad hərflərin ekspressionizm formalı yığımından ibarət bir sənət əsəridir. Məhkəmə, bu adı "açıq-aşkar gülünc" adlandırmış və imtina qərarı verilmişdir.[3]
Valideynlər Göteborq məhkəməsinə apelyasiya şikayəti etdilər. Onlar məhkəmədə bildirdilər ki, ada «patafiziki mənada» baxmaq gərək. Bununla onlar fransız Alfred Jarrinin əsərlərini və Patafizika kolleci təşkilatını nümunə kimi göstərirdilər. Apelyasiya məhkəməsi isə onların dəlillərini nəzərə almadı və Halmstad məhkəməsi tərəfindən verilən cərimə qərarını qüvvədə saxladı.[3]
- ↑ 1 2 "Baby named Metallica rocks Sweden" (ingilis). BBC News. 4 aprel 2007. 15 iyul 2012 tarixində arxivləşdirilib. İstifadə tarixi: 26 fevral 2011.
- ↑ 1 2 "Laws Against Baby Names" (ingilis). New York Times. 12 may 2009. 15 iyul 2012 tarixində arxivləşdirilib. İstifadə tarixi: 28 fevral 2011.
- ↑ 1 2 3 "No laughs for Swedes' name game" (ingilis). Reuters, Boston Globe. 30 may 1996. 15 iyul 2012 tarixində arxivləşdirilib. İstifadə tarixi: 15 fevral 2011.
- ↑ Александр Мешков, Сергей Беленя. "Хочешь, я угадаю, как тебя зовут? БОЧ рВФ 260602!". Комсомольская правда. 23 iyun 2003. 10 mart 2014 tarixində arxivləşdirilib. İstifadə tarixi: 26 fevral 2011.