Devid Maykl Kokner (24 avqust 1962[1]) — ABŞ aktyoru, yumorist. Amerika tamaşaçısının yaxşı tanıdığı, ekran əsərlərində canlandırdığı obrazlar içərisində "Xəbər aparıcısı" ("Anchorman") adlı kinoseriyada (2004–2013) yaratdığı Çemp Kaynd surəti və "Ofis" serialında (2005–2013) tamaşaçıların qarşısına çıxdığı Todd Peker obrazı xüsusilə seçilir.
| Devid Kokner | |
|---|---|
.jpg) | |
| Doğum tarixi | 24 avqust 1962[1] (63 yaş) |
| Uşağı | 5 |
| Fəaliyyəti | komediyaçı, televiziya aktyoru, ssenarist, kino aktyoru, səsləndirmə aktyoru[d], müğənni |
| Fəaliyyət illəri | 1986-cı ildən |
| Təhsili | |
| IMDb | ID0462712 |
 Vikianbarda əlaqəli mediafayllar | |
Devid Maykl Kokner 1962-ci il avqustun 24-də Amerika Birləşmiş Ştatlarının mərkəzi ştatlarından olan Missurinin kiçik yaşayış məntəqəsi Tipton qəsəbəsində sadə zəhmətkeş ailəsində anadan olub. Atası Sesil Stiven Kokner və anası Marqaret Enn (qızlıq soyadı: Dauni) xanımın beş övladından biri olan Devid, Mark və Co adlı qardaşları, Meri-Rouz, Sesiliya və Coan adlı bacıları ilə birlikdə mehriban ailə mühitində böyüyüb.[2] Ailənin başçısı olan atası quşçuluq təsərrüfatı sahəsində fəaliyyət göstərib və hinduşkaların nəqli üçün xüsusi avadanlıq - daşıma qəfəsləri istehsal edən müəssisəyə rəhbərlik edib. Sonralar mətbuata açıqlamalarının birində Kokner məzəli bir tərzdə vurğulayıb ki, ölkə yollarında hinduşka daşıyan iri yük maşınlarında rast gəlinən qəfəslərin böyük əksəriyyəti məhz onun doğulub boya-başa çatdığı Tipton qəsəbəsindəki atasının müəssisəsində hazırlanıb.[3] Kökləri Qərbi Avropaya gedib çıxan - irland, ingilis və alman əcdadlarının varisı olan Kokner,[4][5] katolik ənənələrinə sadiq ailədə tərbiyə alıb və orta məktəbi müvəffəqiyyətlə başa vurduqdan sonra ali təhsil almaq məqsədilə əvvəlcə Benediktin Kollecində, ardınca isə Missuri Universitetində siyasi elmlər fakültəsində təhsil alıb. Tələbəlik illərində teatr sənətinə, xüsusilə komediya janrına böyük maraq göstərən gənc Devid, siyasi karyera qurmaq fikrindən daşınaraq, özünü səhnə sənətində sınamaq qərarına gəlib və bu məqsədlə sənət ocaqlarının cəmləşdiyi Çikaqo şəhərinə köç edib. Burada dövrünün tanınmış səhnə ustadı və peşəkar improvizasiya təlimçisi Del Klouzun rəhbərliyi altında "ImprovOlympic" teatr məktəbində təcrübə qazanan gənc aktyor, qısa müddətdə şəhərin nüfuzlu "İkinci Şəhər" ("The Second City") komediya teatr truppasına qəbul olunmağa nail olub və 1994-cü ildə həmin teatr məktəbini müvəffəqiyyətlə başa vurub.[6]
- 1 2 David Koechner // Discogs (ing.). 2000.
- ↑ Profile Arxiv surəti 25 dekabr 2015 tarixindən Wayback Machine saytında Arxivləşdirilib dekabr 25, 2015, at the Wayback Machine, kcchiefs.com; accessed November 17, 2014.
- ↑ David Koechner Biography Arxiv surəti 22 may 2011 tarixindən Wayback Machine saytında; Yahoo! Movies Arxiv surəti 12 dekabr 1998 tarixindən Wayback Machine saytında
- ↑ "The Green Room with Sean Green". LA Talk Radio. 31 yanvar 2013 tarixində orijinalından arxivləşdirilib. İstifadə tarixi: 16 may 2013.
- ↑ "David Koechner: Underneath the cowboy hat, outside 'The Office'". The Bellevue Scene. 29 mart 2011. 30 mart 2012 tarixində orijinalından arxivləşdirilib. İstifadə tarixi: 16 may 2013.
- ↑ The Second City Northwest Alumni Arxiv surəti 11 fevral 2018 tarixindən Wayback Machine saytında, secondcity.com; accessed November 17, 2014.