Griff (əsl adı: Sara Feyt Qriffits; 21 yanvar 2001[1]) — İngiltərədən olan müğənni-bəstəkar. Mahnılarını özü yazır. İlk dəfə 2019-cu ildə "Mirror Talk" mahnısı ilə musiqisevərlərin qarşısına çıxıb. "Warner Records" şirkəti ilə müqavilə bağlayıb. Elə həmin il ilk minialbomunu təqdim edib. 2021-ci ildə "Brit" mükafatının "Gələcəyin ulduzu" nominasiyasında qalib gəlib. Bu mükafatı 20 yaşında qazanmaqla diqqət çəkib.
| Griff | |
|---|---|
| ing. Sarah Faith Griffiths | |
 | |
| Ümumi məlumatlar | |
| Doğum adı | Sarah Faith Griffiths |
| Doğum tarixi | 21 yanvar 2001[1] (24 yaş) |
| Musiqiçi məlumatları | |
| Fəaliyyəti | müğənni-bəstəkar |
| Fəaliyyət illəri | 2019-cu ildən |
| Janr | pop musiqisi[2] |
| Musiqi aləti | piano |
| Albom şirkəti | Warner Records |
| officialgriff.com | |
 Vikianbarda əlaqəli mediafayllar | |
2021-ci ilin sonlarına doğru "One Foot in Front of the Other" adlı miksteypini dinləyicilərin ixtiyarına verib. Bu işi həm satış göstəricilərinə, həm də musiqili-tənqidi dəyərləndirmələrə görə uğurlu sayılıb. Bu ilin yayında - iyulun 12-də "Vertigo" adlı ilk tam formatda studiya albomunu buraxıb. Albom Britaniya musiqi çartında üçüncü yerə qədər irəliləyə bilib.
Atası Yamayka kökənlidir, anası isə Vyetnam müharibəsindən qaçıb İngiltərəyə sığınmış ailədəndir.[3] Özü Çin mədəniyyətinə daha çox meyilli olduğunu deyir. Ailəsi kimsəsiz uşaqlara qucaq açıb, onları himayəyə götürüb. Bu təcrübəsini sonradan "Good Stuff" adlı mahnısında dilə gətirib.[4]
Musiqiyə olan məhəbbətinin ilk xatirəsi səkkiz yaşında qardaşının ona bağışladığı "iPod Shuffle" cihazı olub.[5] Cihazda Teylor Sviftin "Fearless" albomu var imiş.[6] Sonralar qardaşının kompüterində öz-özünə musiqi yazmağı öyrənib. "YouTube"dan baxdığı dərslərlə bu sahədə bilik və bacarıqlarını artırıb. Sent-Kliment Deyns məktəbində oxuyanda musiqi ilə məşğul olduğunu hamıdan gizlədib. Çünki uğur qazanacağına əmin deyilmiş. Özü deyir ki, məktəbdə oxumaq istədiyini deyən adamları heç kim xoşlamır. Məktəbi bitirəndə müəllimlərə musiqi dalınca getdiyini deməyib, bir il fasilə götürəcəyini söyləyib. Səhnə adı olaraq "Griff"i seçməsini belə açıqlayır: "Sara Qriffits çox ciddi və rəsmi səslənir, elə bil bank işçisiyəm, dörd uşağım var".
Xristian ailəsində böyüyən Griff inanc məsələsindən danışarkən qeyd edib: "Dindar ailədə böyüyəndə gec tez özünə sual verirsən ki, doğrudanmı ürəkdən inanırsan, yoxsa valideynlərin xatirinə dini ayinləri yerinə yetirirsən? Mən uşaqlıqdan hiss edirdim ki, bu mənim qəlbən qəbul etdiyim inancımdır və o gündən bu inanc mənim varlığımın bir parçasına çevrilib".
- Vertigo (2024)
- ↑ 1 2 Gaspar C. Who is Griff and what’s her net worth? (ing.). // The Sun News Corp, 2021. ed. size: 1210915 ISSN 0307-2681
- ↑ Keith J. Headie One, J Hus, Arlo Parks & More Nominated For BRIT Awards 2021 (ing.). // Complex NYC: 2021. ISSN 1538-6848
- ↑ Godwin, Richard. "'Get out of the way, all of you': Brit Rising Star Griff on her sky-high ambition". Evening Standard. 10 iyun 2021. İstifadə tarixi: 6 sentyabr 2022.
- ↑ "Premiere: Multi-Disciplined Soul Singer Griff Copes With Separation By Remembering The "Good Stuff"". Complex. 11 fevral 2020. 26 oktyabr 2020 tarixində arxivləşdirilib. İstifadə tarixi: 23 oktyabr 2020.
- ↑ "get to know: griff". 29 avqust 2019. 27 oktyabr 2020 tarixində arxivləşdirilib. İstifadə tarixi: 23 oktyabr 2020.
- ↑ "Notion 86: Griff". Notion. 12 avqust 2020. 27 oktyabr 2020 tarixində arxivləşdirilib. İstifadə tarixi: 23 oktyabr 2020.
- officialgriff.com — rəsmi saytı