Hamqyon-Pukto (kor. 함경북도) — inzibati mərkəzi Çxoncin şəhəri olan Koreya Xalq Demokratik Respublikası (Şimali Koreya) vilayəti. Demək olar ki, vilayətin bütün əhalisi koreyalıdır. Viləyətdə Hamqyon dialekti üstünlük təşkil edir. Bu vilayət post-sovet ölkələrində yaşayan ən böyük koreyalı icmasının (Koryo-Saram) tarixi vətənidir. 1895-ci ildən əvvəl köçənlərin çoxu Yukçin regionundan gəlirdi. Daha sonra bunları Kilcu və Myonçxon qəzalarından gələn köçkünlər əvəz etmişdir.
| Vilayət | |
| Hamqyon-Pukto | |
|---|---|
| kor. 함경북도 | |
 | |
|
41°54′11″ şm. e. 129°24′29″ ş. u. |
|
| Ölkə | |
| Daxildir | Kvanbuk regionu |
| İnzibati mərkəz | Çxoncin |
| Tarixi və coğrafiyası | |
| Yaradılıb | 1896 |
| Sahəsi | 16,824 km² (3-cü yer) |
| Saat qurşağı | +8:30 |
| Əhalisi | |
| Əhalisi | 2,327,362[1] nəfər (2008) (5-ci yer) |
| Əhalinin sıxlığı | 138,34 nəfər/km² (5-ci yer) |
| Rəqəmsal identifikatorlar | |
| ISO kodu | KP-09 |
 |
|
|
|
|
 Vikianbarda əlaqəli mediafayllar | |
Vilayət şimalda Çin, cənub-qərbdə Hamqyon-Namdo, qərbdə isə Ryanqando ilə həmsərhəddir. Vilayətin şərqində Yapon dənizi yerləşir. Vilayətdə həmçinin Tonhe kosmodromu və Hveryon konsentrasiya düşərgəsi yerləşir. 2004-cü ildə Rason şəhəri vilayətin tərkibinə yenidən girmişdir. 2010-cu ildən bəri Rason şəhəri KXDR-ın birbaşa idarə olunan şəhərlərindən biridir.
Cənubi Koreyada yaşayan Şimali Koreya fərarilərin əksəriyyəti Hamqyon-Pukto vilayətindən gəlir. Buna görə də, vilayət və onun əhalisi Şimali Koreyanın ən yaxşı araşdırılmış mövzularından biridir.[2]
Hamqyon-Pukto 3 şəhərə və 12 qəzaya bölünmüşdür.[3] Daha sonra bunlar şəhərdən xaric olan ərazilərdə kəndlərə, şəhərdaxili ərazilərdə isə məhəllələrə bölünmüşdür.
- ↑ Pxenyan: KXDR Mərkəzi Statistika İdarəsi, 2008 Əhalinin siyahıya alınması Arxivləşdirilib 2010-03-31 at the Wayback Machine.
- ↑ Tertitskiy, Fyodor. "The flaws and biases in North Korean studies". NK News. 8 iyul 2016. 6 avqust 2016 tarixində arxivləşdirilib. İstifadə tarixi: 27 iyul 2016.
- ↑ "Arxivlənmiş surət". 3 iyun 2012 tarixində arxivləşdirilib. İstifadə tarixi: 2 noyabr 2017.